NGGOMO WENE 13:13 - Nanduk Ngget Tul Pidnak Wene

¹³ Ta-nen nde Nagawan Indo-nen nggomo wiridnak ereba na nde te rak posola-ge, at ondomok-nen ambikpebe erengenwak lak tak pusu-o. Alat nde, Mbal Pem Nagawan-nen ”Irit kwarurag-o” luk yidnak ereba na ndak ndag-et kwarusu nab-e onggo-t wok tuwa-o.

NGGOMO WENE 13:13 ပူးပေါင်းရင်းမြစ်များ

ESERA 10:3

Iri-ge, ’Yawo nir-e enlem nin kweyap wanige yeba-ge mondok inlirak inmin ndegera langgara wirik unpul-o’ luk Mbal Pem Nagawan imbiri bem owak mbaruwog-o. Iri rak puruk, nir-e kat min Mbal Pem Nagawan enpem pidnak wene ereba na kwarugwi nap min-nen nenpem pugup wene ereba na ndak ndak nak kwarul-o. Iri yogolar-e, Mbal Pem Nagawan-nen idnak imiri mbarak pidnak wene nak kwarul-o.

NDAWI ENGGA 115:13

At-nen-e at indi aye worak woragwi nab-e nggok-nen marik-nen oboksa imbiringgat tak unpuwa-o.

NDAWI ENGGA 19:11

Ndegel koboso nap an-e kat-nen yidnak wene ereba oboksa-nen mul nurusu-o. Ereba oboksa-nen yidnak yidnak kwarugwi nap enmanggim-e onggo abu lid lud tak pidnak worasu-o.

NDAWI ENGGA 19:12

Ap-nen-e it-nen meya kwatli ereba na-ge kwara kali-ge bug-o. An-nen meya kwarigi-t nde, yebet kagit lak worasu-ge kat-nen lak tak puruk, marak nibi-o.

MBIRIGA WENE 9:20

Nagawan eyabu wanugwi nap ereba na ennggendumu ap erep-nen-e Nagawan Indo-nen yidnak wene iri na kuluruk, kwiye kwarat kagolar-e, ndegel unpugwi nap nde onowam nde talme engen-nen unduwa naru enma ndegera piga-o.

NGGOMO WENE 1:25

An-nen nggomo kindidnak wene-ge lirin lirin tak pogolat, an-nen met kinpigi wene-ge kunsu bem mbo bigeb-o.

NGGOMO WENE 13:12

It-nen wanurak inndi mbung mbung tak woragwi iri na nde ya lak nda lak yaruruk lasola-ge, inndi abi kalok yoso-o. Alat nde, it inndi-nen pidnak iri na nde ndak yosola-ge, enalen yugwi-o.

NGGOMO WENE 13:21

Meya kwarugwi nab-e lak tak onposo mende-nen langgal unpuruk waring kasu-o. Alat nde, konak woragwi nab-e pempa enalen pem worali-o.

YESAYA 66:2

O yu-ge an ninggi-nen posola-net o yu oboksa kwat yamu-o. Alat nde, an-nen ukwe peraso-ge ap inndi teberak woragolat, it-nen meya kwarugwi iri na bem ’Niri nera-nen kwarigi-o’ luk kondok yogolat, an naye kagolat, an-nen yidnak yidnak kwarugwi iri nak nindingen-o.

MALEAKI 3:16

Nde, Nagawan Indo indi aye worak woragwi nap ereba na-nen yak kerak mbogola-ge, Nagawan Indo-nen-e it-nen yili wene-ge kwara kolosolat, yebet kasolat woragij-o. Nde, at kek tak obogolat, at aye worak woragolat kwarugwi nap ereba na unnu-ge at eram at-nen unnu mbaroso engga iri na bem mbarij-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

LUKAS 16:31

Alat nde, Abaram-nen yosolar-e: ’It iri-nen-e Musa-nen yidnak wene min Mbal Pem Nagawan ene lomboksa yugwi nap-nen yidnak wene min te rak pogola-ge, wat yidnak nap ennggenggerak-nen uruk luk mbiridnak nap-nen yidnak wene na kuluwa bug-er-o’ luk yij-o.”

2 YOANES 1:8

Iri bem-e kit-nen yabu wanugup na onggo lak we irit wabugup naru, onggo ndak ndak wanobokluk, kwara wolmer-o.