NGGOMO WENE 13:12 - Nanduk Ngget Tul Pidnak Wene

¹² It-nen wanurak inndi mbung mbung tak woragwi iri na nde ya lak nda lak yaruruk lasola-ge, inndi abi kalok yoso-o. Alat nde, it inndi-nen pidnak iri na nde ndak yosola-ge, enalen yugwi-o.

NGGOMO WENE 13:12 ပူးပေါင်းရင်းမြစ်များ

NDAK WIRIDNAK WENE 46:30

Yip mak tosola-nen Yakup-nen Yusup yak tosolar-e: ”Kat na-ge wat yigen lamorok kurug-et keyasu me, yawo-n perak an-e wat yurak nak mot tak pigi-o” yij-o.

NEMIA 2:2

Neyaso buk me-ge at-nen kin wok nobosolar-e: ”Kar-e kugwi worag-e lag-et nde, kerare ndenak yu-ge ngge-o? Kar-e kindi puru yidnak keyagi-o” luk yak nirij-o. Yosoloma-ge, an-e wendet yigi-o.

NDAWI ENGGA 69:3

An-e yongga nururak pem wene mbo keberenak mbot nebabok lak yosolat, nurusu-ge manggo yagij-o. Nembal Pem Nagawan-nen yongga niril lobok yugun-o luk yik keyarok mbot nerengen mep worok yusu-o.

NGGOMO WENE 13:11

Yi mende ndi mende we ndag-et nak ndok witli iri-ge ndag-et nak tuguruk ondoro yoso-nen yusu-o. Nde, misik tarem-nen misiget, misik tarem-nen misiget ndok witli iri-ge abog-e kwarat yosolat, silobulo ombo yugwi-o.

NGGOMO WENE 13:13

Ta-nen nde Nagawan Indo-nen nggomo wiridnak ereba na nde te rak posola-ge, at ondomok-nen ambikpebe erengenwak lak tak pusu-o. Alat nde, Mbal Pem Nagawan-nen ”Irit kwarurag-o” luk yidnak ereba na ndak ndag-et kwarusu nab-e onggo-t wok tuwa-o.

NGGOMO WENE 13:19

It inndi-n pidnak iri na-t wanogolar-e, mondok konak lombok-nen yusu-o! Ap wid-nen-e meya kwarugwi elem iri na keya buruk mbururag-e mondok insili yili-o.

NGGOMO WENE 3:18

Inndi nggat nggat elem iri na puksa tena wolma nab-e ndemeret unluk enalen pem konak irit wolma-o.

YOANES 16:22

Iri nggal, kit yawo-ge kinndi puru pera yili-t nde, abok kendam wok yimin nggal-e, kenalin kenalen kwarat kamin-o. Nde, kenalen kagwi iri-ge ap misiger-o luk tet-nen kit kinndi arem-nen mengga wanurag-e meya-o.

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”

NAM PARA WENE 22:2

o siri iri na tula ombolwak enggendumu nggwe-t mbirij-o. Nde, yi iri eyak ponok ponog-e unlug-et wolmomtak e irit ya-o. E ereba na-ge olengen misiget arem-e engen perenak woralar-e, duabelas pem poso-o. Iri posolar-e, waneya irit wosa perenak woraso-o. Nde, e ereba na angga bem-nen-e ap enlem oboksa ki rak unpugwi-o.