NGGOMO WENE 13:10 - Nanduk Ngget Tul Pidnak Wene

¹⁰ Inndi-nen kek yugwi iri-nen ndowaga-ge yuk puk mbugwi-nen yusu-o. Inndi worak nap-nen-e nggomo wene-ge kwara kulugwi-o.

NGGOMO WENE 13:10 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 12:16

Isarael nap ereba-nen yik kaiganggal-e, nagawan iri na-ge it enne-ge kuligit lak ala karug-e, Isarael nap oboksa-nen enne nggoksa yogolar-e: ”Ndaut min at-nen wigarak min-nen-e nit Isarael nab-e no kwat nunpugwi-o? Abalombog-o! Nenma mburuwog-o! Ereabeam iri-ge at abalombok nak-nen kwaruwag-o” yogoluk, Isarael nab-e enma mbiriga-o.

NGGOMO WENE 13:11

Yi mende ndi mende we ndag-et nak ndok witli iri-ge ndag-et nak tuguruk ondoro yoso-nen yusu-o. Nde, misik tarem-nen misiget, misik tarem-nen misiget ndok witli iri-ge abog-e kwarat yosolat, silobulo ombo yugwi-o.

NGGOMO WENE 13:9

Lud tak nak kwarugwi nab-e tal pago nggal yaya kererak-nen yusu-o. Meya yugwi nab-e tal nigirik nggal irit worali-o.

NGGOMO WENE 20:18

Inndi-net kwara wal karuk-nen kwarogola-ge, kwarurak yemnak pidnak iri na-ge kwat yoso-o. Iri bem-e, ”Iri nggal-et kwaruwog-o” luk, inndi-nen wal kagit lak-nen-e kenmawi kundurak pug-o.

NGGOMO WENE 25:8

Wene worala-ge, ndag-et nak lubungsa wene mbarugwi sa waruk lobok yurak pug-o. Kat-nen kwarugun iri na mbenatluk, ”Meya-t kwarigen-o” yak korogola-ge, kar-e no kwarugun-o?

LUKAS 22:24

Yesus owosirak na ennggendumu-ge: ”An nde nggulok yimin, lak? Kat nde nggulok yugun, lak?” yogolar-e, iri na wene lit lit ngguno piga-o.

1 TIMOTIUS 6:4

ar-e aru buk, mondok kabak-net nde, ondomok kek yusu-o. At-nen indingen yidnag-e wene lugud tugwi min yi wene ndi wene bem ngguno nak purak indi nak yosolar-e, enlengen ale worak tak posolat, kuri worak tak onposolat, nobokpe kobokpe yogolat, inndi-nen kwaramu-t peragwi min

YAKOBUS 4:1

Kit kennggendumu yig pugwi min yuk puk mbugwi min iri-ge ngge me-nen lobok yusu-o? Nde iri-ge kit kenarem amawi kwen tenak woraso ukwe ukwe mende-nen kwarak poso na-ge lag-e?