NGGOMO WENE 1:4 - Nanduk Ngget Tul Pidnak Wene

⁴ Nde, nggomo wene yu-nen mirik onposolar-e, kwarugwi buk-nen ndowaga enaru buk nab-e yebet kagwi indi anggat worak tak posolat, ap sujwe mul ondosolar-e, inndi tengge rak posolat, yebet kagwi inndi worak tak onposo-o.

NGGOMO WENE 1:4 ပူးပေါင်းရင်းမြစ်များ

NDAWI ENGGA 116:6

It-nen kwarurak enmawi lak nab-e Nagawan Indo-net ndegel onposo-o. An namawi lak yidnak tarem-e at-nen nimiri yoso-o.

NDAWI ENGGA 119:130

Kat-nen mul ondoso wene ereba nde ”Iri nggal-o” luk, engen wanogola-ge, ap inndi yaya rak posolat, enaru buk nap na yebet kudtak inndi tenggerak posolat yusu-o.

NDAWI ENGGA 19:7

Nagawan Indo-nen idnak imiri mbarak pidnak wene iri-ge inndi uruk tak poso iminep mbarak-nen yusu-o. Nagawan Indo-nen ”Irit kwarurag-o” yidnak wene iri-ge ndemerer-o luk ebem inndi wat tak pugwi-nen yusu-o. Inndi lak ala, inndi nggat nggat worak tak poso-nen yusu-o.

NDAWI ENGGA 34:11

Li marik marik wa-e. Nagawan Indo indi aye worak wolmomtak wene mirik kinpimin yu kwara koler-o.

NGGOMO WENE 3:21

Iri bem-e, nambara wa-e. Inndi nggat nggat elem min inndi-nen kwaluk kwarugwi min iri-ge mondok keya burak pug-o.

NGGOMO WENE 8:12

An-e inndi nggat nggat elem-nen yusu-o. Yebet kagwi elem min inndi tenggerak elem min enaru yugwi mende elem min-e an-er-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

NGGOMO WENE 8:32

Iri bem-e ap sujwe wa-e. An nene-t koler-o. An-nen mirik kunpusu yeba-ge kwarogola-ge, kenalen pem-et woragub-o.

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

AID WENE YOSO NAP 11:9

Ap sujwe wa-e. Kunsujwe woragolat-net kenalin kenalen yogolat wolmer-o. Kit kinndi-nen ukwe yidnak min kinndi pidnak min-nen yidnak yidnag-et kwarogolat wolmer-o. Alat nde, kwara kenaru wolmomtag-o. Mbal Pem Nagawan aid arem worasu iri-nen-e kit-nen kwarugup oboksa-ge mbenaruwa-o.

YESAYA 35:8

Iri me-ge tula nggok na wolmar-o. Nde, tula iri unu-ge ”Inmiri Yurak Sa Mburugwi Tula-o”. Meya yugwi nab-e tula iri nggwe-ge mburuwa bug-o. Ap indi lak-nen na tula iri nggwe mburugwi nab-e kabak tak unpuwa bug-o.

TUGURUK YIDNAK WENE 4:6

Mondok mot mot nak pempa kwat tenak wolmer-o. Kit-nen nde iri kwarogola-ge, kit kinndi nggat nggat elem iri-ge ap enlem nin nap nan nap enaru ma-o. Nde, erem nin nap-nen imiri mbarak pidnak wene kit-nen tena worali iri na obok kulurug-e, it-nen yogolar-e: ’It ap enlem nggok iri-ge inndi nggat nggat worak enaru yidnag-e mondok ijar-o!’ luk yuwa-o.

2 TIMOTIUS 2:22

Ap sugwe-nen ukwe ukwe yugwi mende iri keya buruk, it inndi mbek tak pem-net Nagawan Indo emengen mbarugwi nap inmin-et kwarosolar-e, lud tak nak kwarugwi mende min inndi angin tubu yugwi elem min ap enabuwa kagwi elem min lambuksa woragwi elem min nak langgal luk mbiri-o.

TITUS 2:6

Iri nggal-et sugwe na kiri keresa nggomo ondosolar-e: ”Kit kondomok kinndi towarak wolmer-o” luk nggomo indi-o.