NGGOMO WENE 1:32 - Nanduk Ngget Tul Pidnak Wene

³² Kwarugwi enaru buk nab-e an lirin lirin tak nibili-nen ndowaga wat ma-o. Wid nggal kabak woragwi yigisa labuk ma iri-ge an insili rak nibili-nen ndowaga kwat ma-o.

NGGOMO WENE 1:32 ပူးပေါင်းရင်းမြစ်များ

NDAWI ENGGA 69:22

It-nen nggok sakwi iri-ge lak tak unpurak mende nde kwasa labuk mag-o. It-nen nggok sakolat ndok wiridnak ereba na enare burak nde kwasa labuk mag-o.

NGGOMO WENE 1:22

”Wid kinndi worak wa-e. Kir-e pempa iri nggal nag-et kwat tenak woragub-a? Nde, kit-nen enaru yugwi mende te rak pogolat, mul kindidnak wene ereba na-ge keya bogolat irit woragub-a?

NGGOMO WENE 5:22

Meya yugwi nap-nen meya kwatli ereba-ge it ondomok enmanggim sabu logo bidnak nggal-nen yusu-o.

NGGOMO WENE 8:36

Ta-nen nde an wok nubusu buk nab-e, at ambikpebe erengenwak lak tak pusu-o. An isili rak nobosola-ge, wat yugwi elem iri na abuwa kasolat-nen kwarusu-o” luk inndi nggat nggat elem-nen yij-o.

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

YESAYA 66:4

Iri bem-e, an-nen na an nindi-n pidnak kwarosolar-e, lak tak onposo mende it-nen kwiye kagwi irit it enpem mberak pil mbuwamin-o. Nde, iri kwarimin iri-ge, an-nen wene mbo onposola-t nde, misik-nen mbi onggo yigit lak yogolat, an-nen it wene yak ondosola-t nde, misik mbi-nen nene kuligit lak, it iri-ge an nimin wim mbarurak nak indingen yogolat, meya nak kwatli iri bem-nen kwat inpimin-o” luk yij-o.

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

AMOS 6:1

Kit kenalen pem Sion woragolat, kit konak yamuksa Samaria woragolat yili nab-e mondok kenabuwa-o! Kenlem Isarael nap kennggendumu kenne kulugwi nap, mondok kek tak worali nab-e kit kunuwokma woragwi Isarael nab-e yongga undurak pem-e kit kendam-et lobok yugwi nap kir-e mondok kenabuwa worag-o!

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

IBERANI 12:25

Iri bem-e, wene yak kundusu nap-nen yidnak wene iri-ge ”Kulimin pug-o” luk yugup naru, kwil kwalsa womer-o. Nggweyak ma yu me-nen Mbal Pem Nagawan-nen yidnak wene yak ondogola, ”Kulul pug-o” luk yiga nap ereya-ge at inggem-nen mengga mbirigit lak nar-o. Nde, nit-nen na irit aid arem-nen wene mberak pil mbuwasu iri na kuligit lak keya bogola-ge, nggesa-nen at inggem-nen mengga mburul-o? Mondok meya-o.

IBERANI 12:8

At ilirak oboksa inndi wanuwakluk ondoso me, kit nde iri nggal kwat konposo buk ala-ge, kir-e ndemeret at ilirak-nen yili-ge lag-o. Are, we ndumu nderak-nen yili-o.

YAKOBUS 5:5

Kir-e nggweyak ma yu me kenarengge worak woragolar-e, kenalin kenalen min woraigeb-o. Nde, kundurak pem kondomok ndet yogolat worali-o.