NGGOMO WENE 1:28 - Nanduk Ngget Tul Pidnak Wene

²⁸ Kit kenpem iri nggal mbosola tarem-e kit-nen-e inndi nggat nggat elem an neram wene mbo bil lagub-et nde, an-e kit kenne ereb-e nggarimin pug-o. Kit-nen-e an nogwere-ge nin me nan me yugub-et nde, mondok neyagup pug-o.

NGGOMO WENE 1:28 ပူးပေါင်းရင်းမြစ်များ

NDAK WIRIDNAK WENE 6:3

Iri kwarogola, Nagawan Indo-nen yosolar-e: ”Nggweyak ma nap yu-ge unluk nak woralik nalik wolmomtak iri-ge an-e mondok nisili-o. It yu-ge urugup worak mende mondok wat momtak mende-net nde yili-o. It yu-ge yawo kuri-nen it unluk woragolat olengen seratus dua pulu ombol nggwe nggal wolmomtag-e mondok lag-o” yij-o.

NGGOMO WENE 15:29

Konak nap iri-nen nde tepan yosola-ge, Nagawan Indo-nen-e ene koloso-o. Alat nde, wene taroso nap ene-ge koloso bug-o.

NGGOMO WENE 8:17

An-nen-e an nabuwa kali nab-et enabuwa kasu-o. An nogore yili nab-e niyujwar-o.

YESAYA 1:15

Kit kininggi iri-nen ap wurugwi me, kit-nen nde tepan yuwokluk kininggi nuk karuk tepan pempa kundugu yugub-et nde, nombol wok kunduruk woramin-o.

YEREMIA 14:12

It iri-ge an-nen yongga unduwakluk, nunggwi mende keya buruk, an nemengen nak mbal tenak wolma-t nde, it enne-ge mondok kulimin pug-o. It-nen an namanggim wam wosa kan pogolat, nggandum mbato pogolat kwaruwa-t nde, ereba puwa ereba-ge nindingen tak pimin pug-o. Alat nde, an-nen lak tak onposolar-e, wim abi bem-nen na, nogoro bem-nen na, kugwi lare bem-nen na lak tak onposolat irit kwarimin-o” luk yij-o.

OSEA 5:15

Nde, an nilirag-e mondok keya inpimin-et nde, it-nen meya kwaridnak iri na-nen ndowaga andi bandi kwarat karuk, eneyanggo wat luk, an nogore yogola-net wok inpimin-o. Nde, erep-nen-e it-nen andi bandi kagolat iri-net an nogore yuwa nde ma-o” luk yij-o.

OSEA 5:6

Ir-e Nagawan Indo kore yil mborogolar-e, at amanggim wosa puwokluk lomba min sapi min waruk mbitli-t nde, ereba oboksa-ge ebe lak mende kwat yusu-o. Nagawan Indo-ge ir-e mondok keya inpidnak me, it-nen-e Nagawan Indo-ge mondok kali bug-o.

AMOS 8:12

An-nen yidnak wene kore waring kagolar-e, abare abam (utara) nggwe-nen abare ena (selatan) nggwe mborogolat, mo luwaso (timur) nggwe-nen mo mboso (barat) nggwe mborogolat kwaruwa-t nde, an-nen yidnak wene-ge mondok kuluwa bug-o.

MIKA 3:4

Kit-nen kenne nggoksa ”Nagawan Indo wa-e. Yongga nindi-o” luk Nagawan Indo emengen mbarurak tarem wok yosola, emengen mbarugub-et nde, kenne ereb-e nggaruwa bug-o. Kir-e meya nak kwarogolat woragwi me, kit-nen tepan yugup na kuluwa bug-er-o.

YAKOBUS 4:3

Kit kondomok ukwe ukwe mende iri na wanuwokluk nggi yogolat tepan yili iri-ge lugud tak nggwe yili-o. Iri bem-nen kit-nen tepan yili-t nde, yi mende ndi mende wanili bug-o.

1 SEMUEL 8:18

Nde, iri kwat kunpurak tarem iri nde wok yosola-ge, kir-e nagawan kennggendumu mendak pugup iri na-nen ndowaga ’Niri nera-o’ luk yane worogolat woragub-o. Yane wurugub-et nde, Nagawan Indo-ge mondok kuluwa bug-o” luk yak indij-o.