NGGALATIA 6:9 - Nanduk Ngget Tul Pidnak Wene

⁹ Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

NGGALATIA 6:9 ပူးပေါင်းရင်းမြစ်များ

NDAK WIRIDNAK WENE 29:7

Yogolikma, Yakup-nen yak ondosolar-e: ”Kir-e wam mayak pugwi ndak ndag-e awo worala, o lengge-t yu-ge noluk-nen mayak pili-o? Kir-e noluk-nen wam-e yi kenangga mak turuk, tusuangge na tuguruk nujwakluk keya bili bug-o?” luk yak indij-o.

NDAWI ENGGA 104:27

Ereba oboksa-ge nunggwi mende mak undurak pem-e indi-ge kat kebem nak wat tak puruk worali-o.

NDAWI ENGGA 126:5

Yip min uwi pil kali nab-e, ebe mbarogolar-e, enalen-nen kijik kijak worogolat-net mbaruwag-o.

NDAWI ENGGA 145:15

Urugup worak mende oboksa-nen indi-ge kat kebem nak mbung mbung tak woragola, kat-nen-e it-nen ukwe peragwi mende mak ondoso-o.

AID WENE YOSO NAP 11:1

Kat korol-e mbepme nggwe o nin sa ereba na uwi yabidnak nggal yabil mbiri-o. Abog-e ndemeret lesa-t wanugun-o.

MALEAKI 1:13

Iri kwarogolat kit-nen yogolar-e: ’Yeba kwarugwi oboksa-ge ninsili yusu-o’ yuruk, an te rak nobogolar-e, yariya wanidnak wam min erel worak min indi ud min ereba na nde waruk lobok luk, an namanggim pili-o. Kit kinndi-nen peragolar-e, kit-nen an namanggim pili ereba-ge an-nen-e wanusu-o luk perali-a?

MATIUS 10:22

An nunu bem ap oboksa-nen insili rak kunpuwa-t nde, momak puruk irit worasoma, woroksiyem wok ma nab-e imiri yuwa-o.

MATIUS 24:13

Alat nde, ta-nen nde irit momak puruk worasoma, woroksiyem wok yuwa nab-e imiri yuwa-o.

MATIUS 25:17

Iri nggal-et at tol mberen wanid nap na wene worosola-ge, orol na konogolar-e, tol mberen mbi nambena wanij-o.

MATIUS 9:19

Iri yak tosoloma, Yesus na men luk yarik, ap iri na imbirik mborosola-ge, at owosirak-nen at imin mbiriga-o.

MARAKUS 3:3

Yesus-nen inggi nggorak nap iri na yak tosolar-e: ”Enggendumu ya-t men min-o” luk yak tij-o.

LUKAS 18:1

At owosirak-nen inndi tugup lak woragolat, kundugu kundugu tepan yogolat wolmakluk, Yesus-nen mul ondosolar-e, nden karuk wene yu yak indij-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 4:1

Ap unpud kaso elem pem Mbal Pem Nagawan-nen-e yabu yu-ge nit nen-pem pamu me, nit ninndi nggwirik yusu bug-o.

2 KORINTUS 4:16

Iri bem-e nit ninndi lele yili bug-o. Nit nenaboro yu-ge piri yusu-t nde, nit ninndi yu-ge pelin na pelin na ngget tak nak pusu-o.

2 KORINTUS 9:6

Wene yu-ge kwara yebet ker-o: Uwi mariget nak yaguwa nab-e ebe mariget nak mbaruwa-o. Nde, uwi kwarat yaguwa nab-e ebe kwarat mbaruwa-o.

EPESUS 3:13

Iri bem-e, an-e kit kenpem-nen anggun worak mende nebem mbusu iri na bem-e kinndi pil suk pil lag-e yurak pug-o luk kenmengen mbarusu-o. Iri-ge nit nunnu kek tak purak pem-net yusu kagi luk peragub-o.

2 TESALONIKA 3:13

Alat nde, nennggamirak wa-e. Kir-e konak nak kwarogolat - wolmomtak iri-ge kenperari yurak pug-o.

IBERANI 12:3

Meya yugwi nap-nen Yesus na-ge insili min mondok kwarat lel mberel obogola, indi mamak puruk woragaid iri-ge kinndi yebet ker-o. Iri yebet kagup pem-e, kinndi pok luk nggeyok yugup pug-o.

IBERANI 12:5

Nde, ineidtak-nen inlirak nggomo undugwi nggal Mbal Pem Nagawan-nen ilirak kit nggomo kindid na meme rak purak pug-o. At-nen yosolar-e: ”Nambara wa-e. Nagawan Indo-nen kindi wanonok-nen korosola-ge, te rak purak puk na-e. At-nen met kobosola-ge, kindi pok yurak puk na-e.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

YAKOBUS 5:7

Iri bem-e nanggamirak wa-e. Kir-e mamak puruk irit worakmu, Nagawan Indo lobok yuwag-o. Yabu wanoso nab-e at-nen yabu wanidnak iri yik karok worasoma, ebe kwarat makluk mamak puruk woraso iri ker-o. Mamak puruk irit worasolar-e, isi poso talme min lera mboso talme min yik karok woraso-o.

1 PETERUS 2:15

Kit-nen konak nak kwarugwi iri-nen kasa kasa wene yugwi nap enne pok tak purak iri-ge Mbal Pem Nagawan indingen-o.

1 PETERUS 3:17

Mbal Pem Nagawan indi-n pidnak pem kit-nen konak nak kwarogola-nen andi bandi kagup iri-ge ob-o. Nde, kit-nen meya yidnak pem andi bandi kudtak iri-ge meya-o.

1 PETERUS 4:19

Iri bem-e, Mbal Pem Nagawan indi-n pidnak pem andi bandi kagwi nap mbi woragolar-e, lud tak nak kwarogolat, it ndak wat inpidnak nap iri na ebem inndi angin tubu yogola-ge, at-nen urul yak indidnak na-ge ndak ndag-et kwarosolat wolma-o.

NAM PARA WENE 2:17

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, an-nen-e kura woraidnak no mende mburu (manna) na mak timin-o. Iri luk, kerep loro misik wok indimin-o. Nde, kerep loro iri na bem-e unu ngget yarak mbarag-o. Nde, unu iri-ge ap nin-nen enaru buk, wanuwa nap enarik nak-nen enaru ma-o.”

NAM PARA WENE 2:3

Kir-e an nunu bem ala andi bandi kagolar-et nde, mamak puruk woragolat, kinndi tugup lak, uwi yak worali-o.

NAM PARA WENE 2:7

Ta-nen nde eyanggo worak ala-ge, Konak Indi-nen lambuk tak inpidnak nap yak undusu wene yu kuluwag-o! Amawi luk ombol nggwe yuwa nab-e, unluk nak wolmomtak e Mbal Pem Nagawan Eyapmu-nen mbiridnak engen iri na mak timin-o.”