NGGALATIA 6:12 - Nanduk Ngget Tul Pidnak Wene

¹² ”Kit kiniye ambasap waber-o” luk watsa yak kindili nap-nen kwarugwi mende bem ija bija yuwokluk-net iri nggal yili-o. Iri nggal kwatli iri-ge Kerisut-nen idnak e lang pang tak pem ala, it lel mberel unpuwa naru-nen kwatli-o.

NGGALATIA 6:12 ပူးပေါင်းရင်းမြစ်များ

MATIUS 23:27

Kenesiget siget kwarugwi nap kit imiri mbarak pidnak wene kenaru nap min Parisi min wa-e. O, kenabuwa-o! Kir-e ap yapma inpidnak sa arem-e ap onowak nggilarak min emben to rak mende min worala-t nde, ombol nggwe umuruk nak loro ndarak me, konak yik kagwi iri nggal kit-nen yili-o.

MATIUS 23:28

Kit na iri nggal-et worali-o. Ap-nen yik keneyagolar-e, konmbol nggwe-ge lud tak nak kwarugwi nggal yik keneyali-t nde, kinndi arem-e kenesiget siget kwarugwi nde meya nak kwarugwi nde mondok kobong tak worasu-o.”

MATIUS 23:5

It-nen kwarugwi mende-ge ap-nen iniyujwakluk nak kwarogolar-e, inmbiriwak pem-e tepan kere abak pogolat, unsum na mot pare yorogolat yili iri ker-o.

MATIUS 5:10

Nde, lud tag-et kwarogola-t nde, lel mberel inpili nab-e Mbal Pem Nagawan-nen tenagaidnak wi iri winde-nen yili me, enalen kali-o.

MATIUS 6:16

”Kit-nen mburu ninggit lak, we woragolar-e, it enesiget siget kwarugwi nap-nen entare mambu le sa luk worali iri nggal wolmomtak pug-o. It iri na-ge ap-nen: ’At iri-ge mburu ninggit lak, we worasu-o’ yuwakluk, it entare mambu le sa woragwi-o. Nde, an-nen yak kendeyeg-o: It iri na-ge onggo ndak waniga nar-o.

MATIUS 6:2

Iri bem-e, kit-nen nde yi mende ndi mende-ge insilobulo lak nap we wok ondogolar-e, it enesiget siget kwarugwi nap-nen-e Mbal Pem Nagawan uwi worak ma-nen na, tula tula nggwe-nen na ap-nen it yik eneyarik entembel wanuwakluk kwarugwi mende nggal, kit-nen kwarurak pug-o. An-nen yak kendeyeg-o: It iri kwatli iri-ge onggo mondok wanigarik worali-o.

MATIUS 6:5

”Nde, kit-nen tepan yogolar-e, it enesiget siget kwarugwi nap-nen kwarugwi nggal kwarurak pug-o. It iri na-ge ap-nen yik iniyujwakluk tepan yogolar-e, mendak nggwe-nen Mbal Pem Nagawan uwi worak ma-nen na, tu ondogwal mberen ma-nen na, tepan yurag-e inndingen-o. Nde, an-nen yak kendeyeg-o: It-nen wanurak onggo iri-ge mondok waniga irir-o.

LUKAS 16:15

Alat nde, Yesus-nen it yak ondosolar-e: ”Ap-nen kek tak yik kagwi iri-ge Mbal Pem Nagawan-nen teberak yik kaso me, ap enlengen pem-e nir-e lud tak nak kwarugwi-o luk yili-t nde, kit kinndi arem-e Mbal Pem Nagawan aru-o.

LUKAS 20:47

It iri-ge kweyap togwe na onmbol pem lagolat, it unuwi mengga wanugwi-o. Nde, it-nen meya kwarugwi na lumurogolar-e, ir-e tepan mot pare lit karuk mburugwi-o. Iri kwatli iri-ge it enpem-e wene angin worag-et mbaruwa-o” luk yij-o.

YOANES 7:18

Ap misik-nen-e at ondomok indi-n pidnak mul ondoso nab-e at ambik unu kek tak purak kwarusu-o. Alat nde, at wirik ibil lobok yidnak nap unu kek tak purak indingen nap-nen-e at arem-e enesiget wene-ge mondok lak me, mot mot yoso-nen yusu-o.

YIDNAK YIDNAK WENE 15:1

Alat nde, Yurea-nen ap erep-nen Antiokia mbuwaigarik, ennggamirak tak inpidnak nap na mul ondogolar-e: ”Kit-nen nde Musa-nen ’Kiniye ambasap waburag-o’ luk yidnak wene iri na kwarigit lak ala-ge, kinmiri yuwa bug-o” luk yiga-o.

YIDNAK YIDNAK WENE 15:5

Alat nde, ap ereb-e Parisi nab-et nde, inndi angin tubu yidnak nap ereba na-nen ngoneksa yogolar-e: ”Enlem nin nap iri-ge mondok iniye ambasap mbatluk, Musa-nen imiri mbarak pidnak wene-nen yidnak yidnak nak mondok wat tenak wolmag-o” luk yiga-o.

2 KORINTUS 10:12

Nir-e enambik entembel wanugwi nap inmin misiget luk nde it inmin ndak ndak yurag-e kwiye-o. It na it-nen enambik inmin ndak wat koragolat, it na it-net enambikpebe-net irit irit tak pogolat yili-o. It iri-ge wid inndi worak ijar-o!

2 KORINTUS 11:13

Iri kwatli nap iri-ge ennesiget wirik inpidnak nap nggal kwatluk, yabu enesiget siget wanogolar-e, Kerisut-nen wirik inpidnak nap nggal luk kwatli-o.

NGGALATIA 2:14

Nde, an-nen yik eneyasolar-e, it-nen kwaridnag-e ndemeret aid wene iri-nen yidnag-e ndak ndak kwarigit lak ala karuk, ap pidsa inmbiri bem-et an-nen Peterus na yak tosolar-e: ”Kar-e Yawuri nab-et nde, Yawuri nap-nen kwarugwi keya buruk, enlem nin nap-nen kwarugwi mende kwarosola me, kar-e nggeluk-nen kene amawi min-et enlem nin nap inmin-e: ’Yawuri nap-nen kwarugwi mende-t kwarer-o’ luk yak undusu-o?”

NGGALATIA 2:3

An totno mbirige nap Titus na elem-e Yunani nab-et nde, ”Mondok iye ambasap waburag-o” luk yigir-e lag-o.

NGGALATIA 5:11

Nowe nowosi wa-e. An-nen nde iniye ambasap wabugwi wene yil mburusu nggal-e noluk-nen an lel mberel nibili-o? An-e ndemeret iri wene yil mboroso ala-ge, Kerisut-nen idnak e lang pang tak iri-ge ap inndi mberen tak peleb-e lag-o.

NGGALATIA 6:13

Nde, it iniye ambasap wabidnak nap-nen-e imiri mbarak pidnak wene-nen yidnak yidnak nak kwarugwi-ge lag-et nde, kit kiniye ambasap waburak wene yili iri-ge we kit kenaboro mbaridnak pem it inndi kek tak puwokluk-nen yili-o.

PILIPI 1:15

It erep-nen Kerisut owene yili iri-ge enlengen ale min an-nen yidnak wene eyak wuruwokluk-nen yili-t nde, it erep-nen-e inndi mbek tak pem-et Kerisut owene yili-o.

PILIPI 2:4

Kit kenmanggim nak nggok tak pili-ge meyog-o. Are, nin nap enmanggim irit nggok tak purag-o.

PILIPI 3:18

An-nen-e wene yu-ge kwarat pem yak kondosolat woragi nar-o. Nde, yawo-ge yip min-et tuguruk yak kundusu-o. Ap kwarar-e it-nen kwarugwi mende bem-nen Kerisut e lang pang tak imin wim mbarak worali-o.

KOLOSE 2:23

Nde, aid nap entembel wanugwi min nam nariya inndi tebe yugwi min enpe andi bandi rak pugwi min yik kagolar-e, wene iri-ge enaru yidnak nap-nen yidnak nggal kali-t nde, wene iri-nen-e ap enpe-n ukwe ukwe yugwi mende ndak tak purag-e ebe lak mende-nen yusu-o.