NGGALATIA 5:4 - Nanduk Ngget Tul Pidnak Wene

⁴ Imiri mbarak pidnak wene-nen lud tak nak nunpuwa-o luk kinndi mbung mbung tak worali nap kir-e Kerisut ebem-nen penggel yidnak nap-nen yili-o. Kir-e Mbal Pem Nagawan-nen we wok ondoso elem na ombol nggwe-t worali-o.

NGGALATIA 5:4 ပူးပေါင်းရင်းမြစ်များ

OROMA 11:6

Nde, it len inpid iri-ge it-nen kwaridnak mende bem-e lag-o. Are at-nen it unpud kaso bem-net len inpij-o. Nde, it-nen kwaridnak mende bem len inpidnggal-e, it unpud kaso elem iri-ge ebe lak yeleb-o.

OROMA 3:20

Imiri mbarak pidnak wene-nen yidnak yidnak nak kwarogolat woraidnak nab-e ap misiger-o luk tet Mbal Pem Nagawan erengen pem-e lud tak nak unpuwa bug-o. Alat nde, imiri mbarak pidnak wene iri-nen-e nggweyak ma nab-e meya yugwi-nen yusu-o luk mirik nonposo-nen yusu-o.

NGGALATIA 2:21

An-nen-e Mbal Pem Nagawan-nen we wok ondoso elem iri-ge nimbir-o yimin pug-o. Imiri mbarak pidnak wene bem-nen ap lud tak nak onposo nggal-nen-e Kerisut-e wewesa wat yeleb-o!

NGGALATIA 5:2

Paulus an-nen ndemeret yak kundusu wene yu koler-o. Kit kiniye ambasap mbarogola-ge, Kerisut-e mondok ebe lak mende rak pili-o.

IBERANI 12:15

Kit kennggendumu-nen ap misik-nen-e Mbal Pem Nagawan-nen we wok ondoso elem keya buwa naru kwil kwalsa wolmer-o. Kit kennggendumu-nen ap misik-nen ngari worak emengen nggal lasolar-e, ninggis mende-nen ap kwarat meya rak unpuwa naru, kwil kwalsa wolmer-o.

IBERANI 4:1

Iri bem-e nir-e Mbal Pem Nagawan indisep kwaroso sa nggurak obok yak nindid na-ge worasotla me, kit kennggendumu-nen ap mbi-ge iri me nggwigit lak ma-o luk kwara wolmog-o.

NAM PARA WENE 2:5

’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.