NGGALATIA 5:3 - Nanduk Ngget Tul Pidnak Wene

³ Wene yu tuguruk kenggera yak kendeyeg-o. Kit kiniye ambasap mbaridnak nap oboksa wene yu yak kundusu-o: Kir-e imiri mbarak pidnak wene oboksa-ge mondok kwara kwarogolat woragup na-e.

NGGALATIA 5:3 ပူးပေါင်းရင်းမြစ်များ

NEMIA 9:34

Nonmborak min nit-nen idnak nagawan nagawan min tepan ombo min enne kulugwi nap min-nen-e imiri mbarak pidnak wene iri na-ge te rak puruk kwid tugwi-o. It-nen kwarurak enpem pigen wene min nggomo indingen min ereba oboksa-ge kulurug-e, kwarigit lak yiga-o.

MATIUS 23:16

Ap ininggi waruk nugwi kenlengen ngguru wap wa-e. O, kenabuwa-o! Kit-nen yogolar-e: ’Ap-nen-e Mbal Pem Nagawan ama-o luk owak mbarogola-ge, owak mbaridnak iri-ge ebe lag-o. Alat nde, ap-nen-e Mbal Pem Nagawan ama woraso emas iri bem-nen owak mbarogola-ge, owak mbaridnak iri na-t wolmag-o’ luk yugwi-o.

MATIUS 23:18

Kit-nen yogolar-e: ’Ap-nen-e wam wosa pugwi sa-o luk owak mbarogola-ge, owak mbaridnak iri-ge ebe lag-o. Alat nde, ap-nen-e wam wosa pugwi sa-nen Mbal Pem Nagawan amanggim pugwi mende na bem owak mbarogola-ge, owak mbaridnak irit wolmag-o’ luk yugwi-o.

LUKAS 16:28

Iri me-ge an nowosirag-e lima worali me, ir-e andi bandi kagwi sa yu me ngguma naru, kirimbi yak unduwak-nen Lasarus irige wirik pi-o’ luk yij-o.

YIDNAK YIDNAK WENE 15:1

Alat nde, Yurea-nen ap erep-nen Antiokia mbuwaigarik, ennggamirak tak inpidnak nap na mul ondogolar-e: ”Kit-nen nde Musa-nen ’Kiniye ambasap waburag-o’ luk yidnak wene iri na kwarigit lak ala-ge, kinmiri yuwa bug-o” luk yiga-o.

YIDNAK YIDNAK WENE 2:40

Yak undurug-e, wene erep kwarat nimi nomosa yak unduruk, nggomo kiri keresa yak ondosolar-e: ”Yawo worali nap meya nak kwarugwi nggal yugub-o luk kenambikpebe-t kinmiri yer-o” luk yak indij-o.

YIDNAK YIDNAK WENE 20:21

Yawuri nap na irit, Yunani nap na irit, Mbal Pem Nagawan imin kondok yuwakluk wene kenggera yak ondosolat, nin-nen idnak Nagawan Indo Yesus Kerisut ebem inndi angin tubu yuwakluk, wene yak ondosolat woragi-o.

OROMA 2:25

Kit-nen Musa-nen imiri mbarak pidnak wene-nen yidnak yidnak kwarogola-ge, kit kiniye ambasap wabili iri-ge ebe worak mende rak pili-o. Nde, kit-nen nde imiri mbarak pidnak wene-nen yidnak yidnak kuruk togola-ge, kiniye ambasap wabugwi na-ge ebe lak mende kwat yusu-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 5:2

Paulus an-nen ndemeret yak kundusu wene yu koler-o. Kit kiniye ambasap mbarogola-ge, Kerisut-e mondok ebe lak mende rak pili-o.

NGGALATIA 5:6

Nde, nir-e Kerisut Yesus ebem woragolar-e, niniye ambasap wabidnak ala na, ambasap wabigit lak ala na, iri-nen ebe momtak mende-ge lag-o. Nde, inndi angin tubu yidnak pem-nen ap enabuwa kagwi iri nak nggok-nen yusu-o.

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

TUGURUK YIDNAK WENE 31:21

Iri yogola-ge, lak tak unpurak mende kwarat enpem mbuma-o. Alat nde, ndawi yu-ge it innggiri rak puwakluk pempa yogolat wolmomtag-o. An-nen urul yak indigi iri na me nggwigit lak ma-net it inndi-nen yebet kali iri-ge an-e mondok naru-o” luk yak tij-o.

TUGURUK YIDNAK WENE 8:19

Kir-e Nagawan Indo Kenmbal Pem Nagawan meme rak puruk, at eram-nen nden karuk mbal pem nagawan nin erembel wanogolat, ndegel uburak pug-o. Mondok kenaru wolmer-o. Kit-nen nde ereba kwarogola-ge, mondok ndemeret Nagawan Indo-nen lak tak kunpuwa-o.

1 TESALONIKA 4:6

Yu mende kwarugwi bem-e ap misik-nen at anggam meya rak posolat, at anggam ombol pem ludtak pug-o. Nandug-e wene yu yak kondogolar-e: ”Nagawan Indo-nen iri mende kwarugwi nap enpem wene mbaruwa-o” luk nir-e nenne amawi min yak kindige nar-o.

1 YOANES 4:14

Mbal Pem Nagawan Ambara na nit nenlengen karuk, nit-nen ap erep yak ondogolar-e: ”At Ambara na-ge nggweyak ma nap inmiri yuwak-luk Eid-nen Ambara na pil mbuwagaij-o” luk yak indili-o.