NGGALATIA 5:20 - Nanduk Ngget Tul Pidnak Wene

²⁰ kugiwak erembel wanugwi nde, linggirak kwarugwi nde, wim mbarak woragwi nde, yuk puk mbugwi nde, enlengen ale yugwi nde, insilepma yugwi nde, ondomok enmanggim nggok tak pugwi nde, kuri worak woragwi nde, ap len kerak mbugwi nde,

NGGALATIA 5:20 ပူးပေါင်းရင်းမြစ်များ

OROMA 2:8

Alat nde, ap erep-nen-e it enambik enambigit nak kek tak pogolar-e, Mbal Pem Nagawan-nen yidnak yidnak keya buruk, meya kwarugwi mende langgal luk mbitli nab-e Mbal Pem Nagawan isilepma-ge iri kwatli nap enpem puwa-o.

1 KORINTUS 11:19

Nde, mot mot nak kwarugwi nap iri yenggerak iniyujwaklug-e, kit kennggenggerag-e kuri-t wat yusu-o.

2 KORINTUS 11:19

Kit perak nde kinndi nggat nggat worak me, ap wid inmin-e kinndingen min-et kinndi luruk puruk woragwi-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

TITUS 3:10

Ap mbi-nen ndowaga lambuk tak inpidnak nap ennggendumu kuri wat onposo nap iri mberen pem-et nggomo wurugun-et nde, kuligit lak ala-ge, at imin-e are kundurak pug-o.

YAKOBUS 3:14

Alat nde, kir-e kenlengen ale yogolat, kinsilepma yogolat, kondomok kenmanggim nak nggok tak pogolat yugwi ala-ge, kir-e kenambikpebe kek yogolat, ndemeret wene na imin kenesiget yili-ge meyog-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

1 YOANES 3:15

Ta-nen nde at anggamirak isili rak onposolar-e, iri-ge ap woroso nap-net yusu-o. Nde, ap woroso nab-e unlug-et woralik nalik momtak elem-e wanigit lak worasu-o luk kenaru nar-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

1 SEMUEL 15:23

Nagawan Indo imin eyak wurugwi iri-ge kugwi tu mbarugwi ndak ndak-net yusu-o. Nde, inndi kek yugwi iri-ge kugwiwak erembel wanugwi ndak ndak-net yusu-o. Kar-e Nagawan Indo ene tarigendik me, Nagawan Indo-nen-e kat-nen nagawan woraso iri na-ge lak tak kibij-o” luk yak tij-o.