NGGALATIA 5:14 - Nanduk Ngget Tul Pidnak Wene

¹⁴ Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

NGGALATIA 5:14 ပူးပေါင်းရင်းမြစ်များ

TEPAN OMBO-NEN KWARURAK WENE 19:18

Kit kwat kinpidnak pem onggo purak pug-o. Kinsilepma na ap enpem purak pug-o. Kit kondomok kenabuwa kali nggal kit na kit-net nabuwa kabuwa wolmer-o. An-e Nagawan Indo-nen yusu-o.

TEPAN OMBO-NEN KWARURAK WENE 19:34

Alat nde, kit-nen kit nap kwat unpugwi nggal kwat onpogolat, kit-nen kondomok kenabuwa yili nggal-et enabuwa kagolat yer-o. Kit na ap sal Mesira iri me woraigep iri na kinndi yebet ker-o. An-e Nagawan Indo Kenmbal Pem Nagawan-nen yusu-o.

MATIUS 7:12

Ap-nen kwat kunpurak perali iri nggal-et kit-nen na irit kwat enper-o. Iri kwarogolar-e, imiri mbarak pidnak wene-nen yidnak yidnak min Mbal Pem Nagawan ene lomboksa yugwi nap-nen yidnak yidnak min ndak ndak tak pugwi irir-o.”

MARAKUS 12:31

Nde, Mbal Pem Nagawan-nen ’Iri nggal kwarurag-o’ yidnak wene enggendumu owak ndum lombok misig-e yur-o: ’Kat kambikpebe kabuwa kasu nggal-et kat kennggamirak enabuwa ki-o.’ Mbal Pem Nagawan-nen ’Iri nggal kwarurag-o’ yidnak wene enggendumu wene ereb-e te nggal-et nde, owak ndum lombog-e mberen irir-o” luk yij-o.

MARAKUS 12:33

ap-nen at abuwa kagolar-e, enpe min inndi min enmawi min pidsa-nen at abuwa kudtag-o. Nde, it enambik enabuwa kali nggal-et ennggamirak enabuwa kudtag-o. Nde, Mbal Pem Nagawan amanggim wam ebis-et kan pili min wam witli min iri-ge teberag-et nde, iri kwarugwi iri-ge nggok-nen yusu-o” luk yij-o.

YOANES 13:34

An-nen-e imiri mbarak pidnak wene ngget yu wok kundusu-o: Nabuwa kabuwa nak kagolat wolmer-o. An-nen kit kenabuwa kaso nggal kit-nen na nabuwa kabuwa irit kagolat wolmer-o.

NGGALATIA 1:6

Kir-e Kerisut-nen we wok ondoso elem pem-net wene mbo kinpid nap na ndaget nak keya buruk, nden karuk nin aid wene langgal luk mbitli iri bem an-e wi yusu-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.