NGGALATIA 5:13 - Nanduk Ngget Tul Pidnak Wene

¹³ Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

NGGALATIA 5:13 ပူးပေါင်းရင်းမြစ်များ

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

YIDNAK YIDNAK WENE 20:35

Nde, namawi min-et yabu wanosolat woragi iri-ge nir-e yabu iri nggal wanogolat-nen ap ndeyak mondok yongga undurag-o luk mirik kinpigi-o. Nde, Yesus at ondomok-nen yosolar-e: ’Wanugwi iri-ge marig-et nde, ap wok undugwi iri-ge mondok imbiringgat-nen yusu-o’ luk yidnak iri-ge iri kwarogolat-nen yeberak wulmul-o” luk yak indij-o.

1 KORINTUS 8:9

Alat nde, kit weserak kinpidnak pem kwarugup iri-nen-e ndeyak yidnak nap iri enare pugup naru, kinndi kwara wolmer-o.

1 KORINTUS 9:19

An-e wisirik nibidnak nab-et nde, ap kwarat wok enpeyekluk, it pidsa ndegel onposo nap kwat yusu-o.

2 KORINTUS 12:15

Nde, an-nen perak nde nalen min-et an narengge oboksa kenmanggim posolat, an nondomok niminep wesel korasolat yimin-o. Nde, an-nen nde kit kenabuwa kwarat kasola-ge, kir-e ngge luk-nen an nabuwa mariget nak kudtag-o?

2 KORINTUS 2:8

Iri bem-e, kir-e ndemeret at abuwa kwarat kali aru rak pobokluk an-e yak kundusu-o.

2 KORINTUS 3:17

Nde, engga wene iri arem-e Nagawan Indo yidnak iri-ge Konak Indi min yij-o. Nde, Nagawan Indo Indi woraso sa iri me-ge ab-e weserak nak woragwi-o.

2 KORINTUS 4:5

Nde, nir-e nit nondomok nonowene yak kindili-ge lag-o. Nit-nen yak kondogolar-e: ”Yesus Kerisut iri-ge Nagawan Indo-nen yusu-o luk, Yesus ebem ala, nir-e kit ndegel kunpugwi nap-nen yili-o” luk yak kindili-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 4:22

Engga mbarak pem-nen yosolar-e, Abaram na-ge ilirag-e mberen: Misig-e ndegel oboso kwe-nen ndagaidnak, nde, misig-e at ogwe wisirik woraso kwe-nen ndagaidnak irit woraiga-o.

NGGALATIA 5:1

Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

NGGALATIA 5:14

Nde, imiri mbarak pidnak wene oboksa-ge wene misiget nak arem worasu-o. Wene iri-nen yosolar-e: ”Kat kambik kabuwa kasu nggal, kat kimin woragwi nap enabuwa kasolat wolmin-o” luk yij-o.

NGGALATIA 5:22

Alat nde, Konak Indi-nen engen yosolar-e, ap enabuwa kagwi elem nde, enalin enalen woragwi elem nde, lambuksa woragwi elem nde, inndi luruk puruk woragwi nde, inndi namere woragwi nde, konak nak kwarugwi nde, yidnak yidnak nak kwarugwi nde,

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

EPESUS 5:21

Kerisut indi aye woragolar-e, kit na kit-net kenggam urugom tebe yogolat wolmer-o.

1 TESALONIKA 1:3

Nineid Mbal Pem Nagawan imbiri bem nit-nen yebet keneyagolar-e, kit kinndi angin tubu yidnak pem-nen kwarogolat woragwi nde, ap enabuwa kagolat-nen yabu kenmawi min-et wanugwi nde, Nenagawan Indo Yesus Kerisut ebem kinndi mbung mbung tak pigeb-e mondok tugup lak worali nde, iri mende yebet yebet tak worali-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

2 PETERUS 2:19

It enesiget siget mul undugwi nap iri-ge it-nen kwarugwi meya mende iri na ndegel pugwi nap-net nde, it-nen ap erep yak ondogolar-e, weserak unpurak urul yak indili-o. Ta-nen nde yi mende ndi mende-nen urugwe nggwe rak pidnak ala-ge, iri na ndegel poso nab-et kwat yusu-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.