NGGALATIA 5:10 - Nanduk Ngget Tul Pidnak Wene

¹⁰ Alat nde, Nagawan Indo ebem ala kir-e an nimin kundik worali me, an-nen yebet kasu irit kit-nen na yebet kagub-o luk perasu-o. Nde, nari wari rak kunpusu nab-e, ebe-ge an naru bug-et nde, Mbal Pem Nagawan-nen-e ap iri na ebem wene mbaruwa-o.

NGGALATIA 5:10 ပူးပေါင်းရင်းမြစ်များ

YIDNAK YIDNAK WENE 15:24

Nit-nen kologolar-e, nit nennggendumu-nen mbiridnak nap ereb-e nit-nen ’Wene iri yer-o’ luk yak indigit lag-et nde, it inndi-n pidnak pem nak yak kondogolar-e, nari wari rak konpogolat, kinndi mberen tak pili wene kulige-o.

1 KORINTUS 5:5

Nagawan Indo-nen idnak Tarem-nen at indi imiri yuwakluk, iri kwaridnak nap iri-ge Sere eram kegera per-o, at ebe lak tak puwakluk.

2 KORINTUS 1:15

An-e wene yu mondok naru worasu bem-e, kir-e mberen pem tak posolat kenalen tak purak pem nandug-et kit kendam lobok yurak perasolat woragi-o.

2 KORINTUS 10:2

An-nen kenmengen mbarusu-o: Nanggarag-o. ”Ar-e nit nendam lobok yosolar-e, amawi min-et lobok yuwag-o” luk yurak pug-o. Nit ninmin yogolar-e: ”Ir-e ki nap-nen kwarugwi nggal kwatli-o” luk nenperagwi nap na inmin-e an namawi min-et kwat unpu-ge ndag-o luk perasu-o.

2 KORINTUS 10:6

Kir-e nit-nen yidnak nak kwarugwi nde iminep mbal yosola-ge, lugud tak kwarugwi nap na anggun worak mende enpem purag-e lid lud tak puruk worali-o.

2 KORINTUS 13:10

Iri bem-nen an-e erepma woralar-et nde, engga yu mbal kundusu-o. Kit kendam wok yimindig-e, Nagawan Indo-nen wok niridnak amawi iri na bem nene amawi min yak kindimin naru, yawo-net engga mbal kundusu-o. Amawi wok nirid iri-ge, kit mbud tak kunpurak pem-e lag-o. Kit mendak kunpurak pem-et wok niridnak amawi-nen yusu-o.

2 KORINTUS 2:3

Iri bem-e, engga mbal kindigi iri-ge yu yosolat-nen mbarigi-o: An-e kit kendam lobok yosola-ge, an nalen tak purak nab-et nde, an nindi puru pera rak puwa-o luk-nen yigi-o. An nindi-nen yebet keneyasolar-e, an nalen kasu yu ereb-et kit na kenalen kali-o luk yebet keneyasu-o.

2 KORINTUS 2:6

Kit kwarat-nen angin worak mende ap iri na ebem pigep iri-ge ndak kasu-o.

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

2 KORINTUS 7:16

Yi mende ndi mende bem kir-e kenpam-et kwatli kagi luk kenperasolar-e, an-e nalin nalen kasu-o.

2 KORINTUS 8:22

Iri bem-e, it mberen nap inmin-e nit nennggam misik ibil lobok yili-o. Nit-nen at iri indi ngal tenak woraige nggal-e, ap yongga undurak pem-e indi embem nde kaige-o. Nde, yawo-ge mondok at indi kit kenpem pidnak me, kit yongga kendeyekluk at amawi kundusu-o.

NGGALATIA 1:7

Alat nde, wene nin iri-ge ndemeret aid wene-nen yusu-ge lag-o. Are, ap erep-nen-e kit nari wari rak konpogolat, Kerisut-nen idnak aid wene na nden penden tak puwokluk kwatli-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 2:6

Alat nde, ap sarok iri-ge (it unnu kek tak pidnag-e an-nen nggulok tak pimin pug-o. Mbal Pem Nagawan-nen-e ap entare kaidnak pem mbenat onposo pug-o) ap sarok iri na-nen-e enne amawi min yak niriga-t nde, nin wene mbi yak nirigit lag-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

NGGALATIA 4:11

An-e kit kennggendumu yabu wanosolat woragi-ge ebe lak mende nde ma-o luk, numud keneyasu-o.

NGGALATIA 4:17

Nde, it iri-ge ennesiger-et nde, it enambigit nggwe mborobokluk, enmawi kundili-o. Nde, iri kwatli iri-ge, an nimin woragwi na pok tak puwokluk-nen yili-o.

NGGALATIA 4:20

An-nen yak kundusu wene yu-ge siyak nin nggal tak peyeklug-e, an-e kit kinmin totno woraleb-a! Nde, kit kenpem ala, an nindi kabak yusu-o.

NGGALATIA 5:12

Kit nari wari rak kinpili nap iri-ge it-net it ondomok iniyiri wok kurujwag-o!

NGGALATIA 5:7

Nde, nanduk kir-e konak nak kenmawi kundigeb-et nde, ndemeret wene iri na-nen yidnak yidnak nak kwarugwi-ge ta-nen nde larok tak kinpij-o?

NGGALATIA 6:17

Yesus arengge-nen yusu-o luk yenggerak nuburak pem an nebem ud aroro worasu me, yawo kuri-nen-e ap mbi-nen an anggun panggun tak nuburag-e lag-o.

PILIPI 3:15

Ninndi worak nap nit-nen-e an yigi iri nggal-et yebet kagolat wolmog-o. Nde, kit erep-nen iri nggal yebet kagit lak yogola-ge, Mbal Pem Nagawan-nen-e nam-et yak kunduwa-o.

2 TESALONIKA 3:4

Nde, nit-nen yak kindidnak wene-ge yawo na kwatli-o, nde, abok na iri nggal-et kwarogolat wolma-o luk Nagawan Indo ebem ala, ninndi-ge kit kenpem mbung mbung tak worali-o.

1 TIMOTIUS 1:20

Iri kwarugwi nap ennggendumu-nen-e Imeneus min Aleksandet min worali-o. Nde, it mberen-e Mbal Pem Nagawan obak pili iri keya buwakluk, an-nen-e Sere eram kegera inpigi-o.

PILEMON 1:21

An-nen nggi yak kurusu mende iri-ge mondok wog-et nurugun-o peraruk engga yu-ge mbarusu-o. Nde, kat-nen siyak terak menna-t kwarugun-o luk keberasu-o.