NGGALATIA 5:1 - Nanduk Ngget Tul Pidnak Wene

¹ Ndemeret weserak ninpidnak wolmakluk, Kerisut-nen wisirik ninpij-o. Iri bem-e, wisirik kinpidnak pem-e tugup lak mendak wolmer-o. Nde, ndegel unpuwakluk kundugun pem pugwi mende-ge tuguruk purak pug-o.

NGGALATIA 5:1 ပူးပေါင်းရင်းမြစ်များ

NDAWI ENGGA 51:12

Kat-nen idnak inmiri yoso elem iri na bem-nen tuguruk nalen elem tak nibi-o. Kat-nen yidnak yidnak kwarurak nindi rak irit pi-o.

NGGOMO WENE 23:23

Ndemeret mul undugwi wene min indi worak elem min nggomo undugwi min yebet kagwi min iri mende oboksa-ge mondok onggo purag-o. Alat nde, nggok lombok me, onggo wanurag-e lag-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

MATIUS 23:4

It ereba-nen-e angin worak mende nggetla ap endak pem pili-t nde, ap yongga ondogolar-e, it ininggi misiger-o luk tet tena bili bug-o.

LUKAS 5:38

Iri bem-e, anggut engen amburu nggeret mbelag-e yimbe ngget arem-et woranggasa pil nggurag-o.

YIDNAK YIDNAK WENE 15:10

Iri ala-ge, angin worak mende iri-ge nit nenlawingga-nen na, nit-nen na kud turag-e meya na-t nde, kir-e noluk-nen Mbal Pem Nagawan indi ngarogolar-e, angin worak mende iri-ge Yesus ene wanugwi nap enpem pugub-o?

OROMA 6:14

Nde, kir-e imiri mbarak pidnak wene-nen urugwe nggwe rak kinpidnag-e lag-o. Are, Mbal Pem Nagawan we wok ondoso elem-nen urugwe nggwe rak kinpidnak me, meya kwarugwi elem-ne urugwe nggwe rak kunpurag-e lag-o.

OROMA 6:18

Meya kwarugwi elem na ndegel ubugwi iri inggem-nen weserak kenpamu, yawo-ge lud tak nak kwarugwi elem ndegel ubugwi nap kwat yigeb-o.

OROMA 7:3

Iri ala-ge, un-e uruk worala-t nde, kwe iri na nin nap wanosola-ge, ”Kar-e mbabi yoso kwe-o” luk yak tuwa-o. Alat nde, un iri wat yosola-ge, imiri mbarak pidnak wene-nen un min kamat ibidnak na wosok yidnak me, kwe iri-nen ap misik wanosola-ge, ar-e mbabi yidnak kwe-o luk uburujwa bug-o.

OROMA 7:6

Alat nde, kamat nunpuruk woraso imiri mbarak pidnak wene na inggi wesera wat yigerik me, nit yawo-ge imiri mbarak pidnak wene inggem-nen weserak ninpidnak worali-o. Iri bem-e, nir-e nanduk ininggi-nen mbaridnak imiri mbarak pidnak wene na ndegel ibili-ge lag-o. Are, Konak Indi-nen mirik ninpidnak ngget mende iri ndegel ibili-o.

OROMA 8:15

Mbal Pem Nagawan-nen wok kindidnak Indi iri-nen-e ndegel ubugwi nap tak kunpuruk, kwiye yugwi nap tak kunpusu bug-o. Are, Konak Indi iri-nen-e Mbal Pem Nagawan ilirak tak konposolat, Konak Indi iri amawi bem nit-nen wene mbo bogolar-e: ”Neid wa-e! Kar-e an Neid-nen yusu-o!” luk yili-o.

OROMA 8:2

Kir-e Kerisut Yesus imin kundik woragolat kunlug-et wolmomtak elem wok kindid Mbal Pem Nagawan Indi-nen pidnak imiri mbarak pidnak wene-nen-e meya kwarugwi elem min wat yugwi elem min inggiyem-nen weserak kinpij-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

1 KORINTUS 16:13

Kenpage kwil kwalsa wolmer-o. Kinndi angin tubu yidnak pem tugup lak woragolat, kwiye lag-et woragolar-e kenarong min wolmer-o.

1 KORINTUS 7:22

Ta-nen nde onggo lak we irit ap ndegel onposo nap worasoma, Nagawan Indo-nen wene mbo ibidnak ala-ge, at iri-ge Nagawan Indo-nen idnak wisirik nap-nen yusu-o. Iri nggal-et at weserak woraso nap worasoma, Kerisut-nen wene mbo ibidnak ala-ge, at iri-ge Kerisut ndegel oboso nap-nen yusu-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 KORINTUS 3:17

Nde, engga wene iri arem-e Nagawan Indo yidnak iri-ge Konak Indi min yij-o. Nde, Nagawan Indo Indi woraso sa iri me-ge ab-e weserak nak woragwi-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 3:25

Nde, inndi angin tubu yugwi na wok yidnak me, mul nondoso iri na urugwe nggwe worali bug-o.

NGGALATIA 4:26

Alat nde, aid arem worasu Yerusalem iri-ge wisirik nak woraso-o. Nde, at iri-ge nit niniya-nen yusu-o.

NGGALATIA 4:31

Iri bem-e, nowe nowosi wa-e. Nir-e ndegel oboso kwe ilirag-e lag-o. Nir-e wisirik woraso kwe ilirak-net yili-o.

NGGALATIA 4:9

Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

NGGALATIA 5:13

Nowe nowosi wa-e. Kit perak nde, wisirik kinpidnak worabok-nen wene mbo kinpid nar-o. Alat nde, wisirik kinpidnak iri na bem kit kenpe-nen ukwe yugwi mende-nen yidnak yidnak yurak pug-o. Are, nabuwa kabuwa yogolat-nen-e kit na kit-net ndegel pegerak mber-o.

EPESUS 6:14

Iri bem-e, kir-e tugup lak mendak wolmer-o. Ndemeret wene-ge tani are nggal kunpugulwak pem ngonoksa yutluk, lud tak nak kwarugwi-ge tagun nggal yutluk,

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

1 TESALONIKA 3:8

Kir-e Nagawan Indo ebem tugup lak woragola-ge, iri yidnak pem nir-e ndemeret nunluk worali-o.

2 TESALONIKA 2:15

Iri bem-e, nenggamirak wa-e. Kit mondok tugup lak woragolar-e, nit-nen mirik kinpidnak wene-ge nenne bem-nen yak kindidnak wene na irit, engga bem mbal kindidnak wene na irit, puksa tena wolmer-o.

IBERANI 10:23

Mbal Pem Nagawan-nen-e at-nen urul pidnag-e mondok kwaroso-t me, ”Irit kwat nunpuwa-o” luk peragwi na bem ninndi mbung mbung tak woragwi iri-ge puksa tena wolmog-o.

IBERANI 3:14

Nir-e nanduk-net ebem ninndi mbung mbung tak pige wene na puksa tena irit worakmu, woroksiyem-nen-e nit pidsa-ge Kerisut arengge na at totno winde mul-o.

IBERANI 3:6

Alat nde, Mbal Pem Nagawan uwi na-ge at Ambara Kerisut inggem pidnak me, ar-e mot mot nak tena worasu-o. Nde, nir-e wog-et nunduwa-o luk ninndi embem min-et ninndi mbung mbung tak woragwi ala-ge, nir-e Mbal Pem Nagawan uwi-net yili-o.

IBERANI 4:14

Iri ala-ge, Mbal Pem Nagawan Ambara Yesus, nit nentepan ombo nggulok na-ge Mbal Pem Nagawan eram aid arem iri me nggwidnak me, nit ninndi angin tubu yidnak na-ge mondok puksa tena wolmog-o.

1 PETERUS 2:16

Kir-e weserak woragwi nap nggal wolmer-o. Alat nde, wisirik woragwi iri na bem-nen kit meya yidnak lumururak pug-o. Are, Mbal Pem Nagawan ndegel ubugwi nap kenpage irit wolmer-o.

2 PETERUS 2:19

It enesiget siget mul undugwi nap iri-ge it-nen kwarugwi meya mende iri na ndegel pugwi nap-net nde, it-nen ap erep yak ondogolar-e, weserak unpurak urul yak indili-o. Ta-nen nde yi mende ndi mende-nen urugwe nggwe rak pidnak ala-ge, iri na ndegel poso nab-et kwat yusu-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.

NAM PARA WENE 2:25

Alat nde, kit-nen wanigep mende iri-ge puksa tena worakmu, an lobok eyeg-o.

NAM PARA WENE 3:3

Iri bem-e, kit-nen-e nanduk mirik kinpidnak wene kuligep na-ge tuguruk kwara yebet ker-o. Yebet karug-e, wene iri-nen yidnak yidnak kwarogolar-e, kit meya yidnak keya buruk, kondok yer-o. Nde, kir-e kunluk yigit lak ala-ge, an-e yariya wanugwi nap nggal kendam lobok yimin tarem iri-ge kir-e kabag-et woragub-o.