NGGALATIA 4:9 - Nanduk Ngget Tul Pidnak Wene

⁹ Alat nde, yawo-ge kir-e Mbal Pem Nagawan kenaru luk – are, yawo-ge Mbal Pem Nagawan-nen kit aru yij-o luk yurag-et nde – nggweyak ma kugi ndeyak, arengge lak kugi na kir-e tuguruk ndegel ubuwokluk, nden karuk eram mbururak kinndingen-a?

NGGALATIA 4:9 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:43

kar-e kat woraso sa aid arem-nen kuluruk, at-nen tepan yuwa-ge ene erep nggari-o. Iri nggal kwarosola-ge, yi nap ndi nap yi wi ndi wi worali oboksa-nen kat enaru luk, Isarael nap-nen kwatli nggal kat-nen yidnak yidnak kwarogolat, it-nen-e an-nen wirigi o yu-ge ndemeret Mbal Pem Nagawan kerembel wanurak uwi-t woramu-o luk enaru ma-o.

NDAWI ENGGA 1:6

Nde, lud tak nak kwarugwi nab-e Nagawan Indo-nen nggetlel unpuruk, ndemel unpuruk nuwa-t nde, meya yugwi nap-nen mbitli tula iri-ge lak tak unpurak sa mbitli-o.

MBIRIGA WENE 33:17

Yosoloma, Nagawan Indo-nen Musa yak tosolar-e: ”Kar-e an-e naru-o. Nalen kebem poso me, kat-nen nggi yak nirigen iri-ge abu kwat kibimin-o” luk yij-o.

YEREMIA 31:34

It iri-ge nggok-nen marik-nen oboksa an-e enaru yuwa me, it ennggamirak ennggendumu misik-nen Nagawan Indo an it-nen enaru makluk mul undurag-e lag-o. Nde, it-nen lugud tak kwarugwi-ge an-nen meme rak onposolat, nde, it meya yidnag-e an-nen namberam tak pimin-o. Nagawan Indo an-net yigi-o” luk yij-o.

ABAKUK 2:14

Yi koma ereba-ge yi nak-nen kobong tak worasu nggal, iri nggal-et Nagawan Indo kek tak woraso obok enaru yugwi iri na-nen nggweyak ma yu me kobong ma-o.

MATIUS 11:27

An Neid-nen-e yi mende ndi mende oboksa-ge an ninggem-et pij-o. Eid arig-et nak-nen Ambara aru yusu-o. Nde, Ambara an-nen na irit, Ambara an-nen: ’Neid iri enaru mag-o’ luk eberamin nap-nen na irit, Eid na enaru yili-o.

LUKAS 5:38

Iri bem-e, anggut engen amburu nggeret mbelag-e yimbe ngget arem-et woranggasa pil nggurag-o.

YOANES 10:14

Lomba wam ombo konag-e an-net yusu-o. Nde, an Neid-nen an aru worasu nggal, an-nen na Neid naru worasu iri nggal-et an-nen-e an nolomba naru worasu-o. Nde, it-nen na an enaru worali-o. Nde, an nolomba enmanggim-e wat yimin-o luk perasu-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.

YOANES 17:3

Unlug-et pem-et woralik nalik momtak elem-e ap-nen Mbal Pem Nagawan Lud tak Nak Kwaroso kat misiget nak enaru yogolat, kat wirik ibil lobok yigen nap Yesus Kerisut na enaru yogolat yugwi irir-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

1 KORINTUS 13:12

Yawo kali yu-ge papalo arem-e isisiyap nak kaidnak nggal-et kali-o. Alat nde, abok-nen-e nenpe lid pid mbul-o. Yawo-ge an-e kwara naru yusu bug-et nde, abok-nen-e Mbal Pem Nagawan-nen an aru yusu nggal, an-nen na mondok kwara naru yimin-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

1 KORINTUS 8:3

Alat nde, ta-nen Mbal Pem Nagawan abuwa kasu nab-e, Mbal Pem Nagawan-nen at na aru yusu-o.

2 KORINTUS 11:20

Nde, ap-nen unlugwe nggwe rak konpogola-t nde, kenarengge mberek togola-t nde, yemen kunpuruk woragola-t nde, tebek tak konpogola-t nde, ininggi nggambu kentare lel kagola-t nde, kit-nen iri kwat kunpugwi nap inmin-e kinndi luruk puruk worali-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

NGGALATIA 3:3

Kir-e noluk-nen wid nggal yili-o? Konak Indi bem-net tel kwirigeb-et nde, yawo-ge nggweyak ma nap-nen kwarugwi bem-nen worok tak pugub-a?

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

EPESUS 1:17

”Konak Indi wok indi-o” luk Nenagawan Indo Yesus Kerisut Eid unu kek tak woraso Mbal Pem Nagawan na emengen mbaroso iri-ge, Konak Indi iri-nen-e kinndi nggat nggat elem wok kondosolat, Mbal Pem Nagawan kenaru yoboknen nam yaga mirik konposolat ma-o.

2 TIMOTIUS 2:19

Alat nde, Mbal Pem Nagawan-nen pidnak o paro iri-ge mondok tugup lak, sil kudtak puk-nen yusu-o. Nde, paro iri bem-e wene yu mbarak worasu-o: ”Nagawan Indo-nen-e at arengge rak inpidnak nap iri-ge ar-e aru-o” luk ” ’An-e Nagawan Indo arengge-nen yusu-o’ luk yoso nab-e at-nen meya kwaroso iri-ge keya buwag-o.”

IBERANI 7:18

Iri bem-e, nanduk imiri mbarak pidnak wene iri-ge ndeyak, ebe lak wene ala karuk, keya biga-o.

2 PETERUS 2:20

Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.