NGGALATIA 4:8 - Nanduk Ngget Tul Pidnak Wene

⁸ Nanduk kir-e Mbal Pem Nagawan kenaru buk woragolar-e, Mbal Pem Nagawan nggal-e lag-et nde, ebe lak kugi iri na ndegel ubugwi nap woraigeb-o.

NGGALATIA 4:8 ပူးပေါင်းရင်းမြစ်များ

MBIRIGA WENE 5:2

Pirayon-nen yak ondosolar-e: ”Nagawan Indo iri-ge ta-o? An-e at ene kuluruk, Isarael nab-e lerak keya unpumu, mburuwa? An-e Nagawan Indo iri-ge naru bug-o. Isarael nab-e ’Mberer-o’ luk mondok lerak inpimin pug-o” yak indij-o.

YEREMIA 2:11

Ap enlem mbi-nen mbi it-nen erembel wanugwi iri-ge ndemeret mbal pem nagawan-e lag-et nde, it-nen-e iri na keya buruk, enmbal pem nagawan misik erembel wanugwi bug-o. Alat nde, an nilirag-e unnu kek tak poso Enmbal Pem Nagawan an keya nuburuk, yi kwatlik ndi kwatlik mondok kwaroso buk kugwiwak ereba na an nondolma sa erembel wanili-o.

YOANES 1:10

Nde, Wene na-ge nggweyak ma woragaij-o. Mbal Pem Nagawan-nen at ebem-net o yu ndak wirij-et nde, nggweyak ma nap-nen-e at yenggerak kagit lak yiga-o.

YIDNAK YIDNAK WENE 14:12

Mbaranabas na unu yarogolar-e, Sius irit yiga-o. Nde, Paulus na-ge wene yoso me, unu-ge Eremes irit yariga-o.

YIDNAK YIDNAK WENE 17:23

An-e kit kenma yu me waring kasolat-nen kit-nen erembel wanugwi kunkugiwak na kil kil mborosolar-e, kugi amanggim wam wosa pugwi sa misik pem-e yik kaginggal-e, ’Nenaru buk kugi amanggim-o’ luk yaga mbaridnak irit kagi-o. Nde, kenaru bug-et nde erembel wanugwi iri-ge an-nen nam para yak kundusu-o.

OROMA 1:23

Iri yili nap-nen-e kek tak woralik nalik woraso Mbal Pem Nagawan na ondolma lak yoso mende amorok ndak worogolar-e, ap ut mimirik min towe ut mimirik min wam ut mimirik min keyok keyok noso mende ut mimirik min ndak wiriga-o.

OROMA 1:28

Ab-e Mbal Pem Nagawan enaru yurag-e insili rak puruk keya bogola-ge, it inndi-ge meya nak peragolat, kwarugwi buk mende kwat tenak woragolat makluk-nen Mbal Pem Nagawan-nen-e keya inpij-o.

1 KORINTUS 1:21

Mbal Pem Nagawan indi lid tak elem pem me, ap inndi lid tak elem iri na bem-nen at enaru momtag-e meya-o. Are, nit-nen yili wene, wid wene nggal tak pili yu bem inndi angin tubu yili nap iri perak nde Mbal Pem Nagawan-nen inmiri yurak peragaij-o.

1 KORINTUS 12:2

Kit nanduk Mbal Pem Nagawan kenaru buk woragolar-e, kir-e kinndi kwara yebet kagit lak urugup lak kugiwak ambigit nggwe lit kunpuruk mboroso iri-ge kir-e kenaru nar-o.

1 KORINTUS 8:4

Iri ala-ge, kugiwak amanggim pidnak nunggwi mende nunggwi wene-ge yu nggal-o: Kugi min Mbal Pem Nagawan misik min-e nggweyak yu me-ge mondok lag-o luk nenaru-o. Arig-et nak woraso Mbal Pem Nagawan iri nak nenaru-o.

NGGALATIA 4:3

Iri nggal-et, nit-nen na li marik nggal woragolar-e, nggweyak ma yu me kek tak woragwi inndi na ininggem woragolat, it ndegel unpugwi nap woraige-o.

EPESUS 4:18

It inndi na ndamuk, ir-e enaru buk woragolat, inndi tulubuk kerep nggal woragwi iri-nen ndowaga ir-e Mbal Pem Nagawan imin kundik woragit lak, nuruk tak woragwi-o

1 TESALONIKA 1:9

Are, iri wene kuliga nap it ondomok-nen kenggera yak nondogolar-e, nir-e kit kendam wok yogola-nen wok ninpigep wene min kit nanduk kugiwak kwarugwi keya buruk, nden karuk Mbal Pem Nagawan ambigit nggwe lobok yigep wene min ndemeret uruk nak woraso Mbal Pem Nagawan ndegel ibili wene min

1 TESALONIKA 4:5

Mbal Pem Nagawan enaru buk nap-nen kwatli nggal, mbabi kwarurak inndi peragwi bem-nen kwarurak pug-o.

2 TESALONIKA 1:8

Kan mare min lobok yosolar-e, Mbal Pem Nagawan-e ndemerer-o luk yugwi buk nap min Nenagawan Indo Yesus-nen yidnak aid wene kuruk tugwi nap min enpem angin worak mende puwa-o.

YOSUA 24:15

Kit-nen nde Nagawan Indo ndegel uburak kinmbit ala-ge, yawo-net wene nggaruksa yogolar-e: ’Nir-e irit ndegel obogolat wulmul-o’ luk, unu yarurag-o. Kir-e konmborak nanduk Mesopotamia woragolat-nen erembel wanugwi kugwiwak ereba na erembel wanugub-a? Are, Amori nap unuwi nggweyag-e yawo kit worali yu-nen erembel wanugwi kugwiwak ereba na erembel wanugub-a? Alat nde, an min an nama woragwi nap inmin perak nde, Nagawan Indo nak ndegel obogolat wulmul-o” luk yij-o.

YOSUA 24:2

Wok yogola, Yosua-nen it yak ondosolar-e: ”Nagawan Indo Isarael nap Kenmbal Pem Nagawan-nen yak kunduwa wene-ge kwara kulurag-o. At-nen yosolar-e: ’Nanduk konmborag-e yi Eperat eyak ele bem woragolar-e, kugwiwak erembel wanogolat woraiga-o. Nde, it ennggendumu ap misig-e Abarakam min Naot min ineid Tera irir-o.

1 PETERUS 4:3

Nde, kit nanduk kwarat woragolar-e, Mbal Pem Nagawan enaru buk nap-nen indingen kagwi mende kwarogolat woraigeb-o. Iri kwarogolar-e, meya nak kwarogolat, kinndi-nen ukwe yugwi nak langgal luk mborogolat, anggut engen amburu nuruk, kinndi wawa yogolat, inik inik saguruk, mbabi yogolat, anggut engen amburu na ndonggosa nonggolat, erembel wanurak pug-o luk yidnak kugiwak erembel wanogolat woraigeb-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.