NGGALATIA 4:7 - Nanduk Ngget Tul Pidnak Wene

⁷ Iri bem-e, kar-e ndegel oboso nab-e lag-o. Kar-e at ambara-net yusu-o. Nde, kar-e at ambara me, Mbal Pem Nagawan-nen-e at arengge nde winde rak kibij-o.

NGGALATIA 4:7 ပူးပေါင်းရင်းမြစ်များ

NDAK WIRIDNAK WENE 15:1

Iri na kwatluk ombok nggwe-ge nabi pem nggal Nagawan Indo-nen Abaram yak tosolar-e: ”Abaram wa-e. Kar-e kwiye kasu-ge meyog-o. Kat lak tak kubuwa naru kurak kobosolat, onggo mondok nggok wok korosolat yimin-o” yak tij-et nde,

NDAWI ENGGA 16:5

Nagawan Indo wa-e. An narengge-ge kat nag-o. An-nen wolmomtak iri-ge kat kinggem nak worasu-o.

NDAWI ENGGA 73:26

An nindi min nebe min-e namawi lak ma-t nde, Mbal Pem Nagawan wa-e. Kar-e an namawi-nen yusu-o. Pem irit an narengge-ge kat nak worasu-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

MATIUS 6:24

”Ap misik-nen-e eidtak mberentak ndegel unpugwi bug-o. Nde, iri kwarogolar-e, eid misik iri na isili rak posolat, misik iri na abuwa kujwa nde ma-o. Are, misik iri na kwara ndegel obosolat, nde, misik na kwara ndegel ibigit lak yosolat ma-o. Iri nggal, kit-nen na Mbal Pem Nagawan min nggweyak ma mende mberen ndugururag-e meyar-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

NGGALATIA 4:31

Iri bem-e, nowe nowosi wa-e. Nir-e ndegel oboso kwe ilirag-e lag-o. Nir-e wisirik woraso kwe ilirak-net yili-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.