NGGALATIA 4:6 - Nanduk Ngget Tul Pidnak Wene

⁶ Kir-e ndemeret at ilirak-nen yili-o luk mirik kenpeyeklug-e, Mbal Pem Nagawan-nen at Ambara Indi-ge nit ninndi arem ibil lobok yosola, at Indi na-nen wene mbo bosolar-e: ”Neid wa-e. Neid wa-e” yusu-o.

NGGALATIA 4:6 ပူးပေါင်းရင်းမြစ်များ

MARAKUS 14:36

Yurug-e, ”Neid wa-e, Neid wa-e. Kat-nen yi mende ndi mende kwarurag-e ndak–nen yusu-o. Andi bandi an nebem mbusu yu an nebem-nen wabi-o. Nde, an nindi-n pidnak kwarurag-e lag-o. Alat nde, kat kindi-n pidnak nak kwat mag-o” luk yij-o.

LUKAS 11:13

Nde, kir-e meya yugwi nab-et nde, konak mende-t kinlirak wok undugwi irir-o. Iri ala-ge, Nineid aid arem woraso-nen-e at eram Konak Indi nggi yuwa nab-e mondok wog-et unduwa-o” luk yij-o.

LUKAS 11:2

Yosoloma-ge, Yesus-nen it yak ondosolar-e: ”Kit-nen tepan yogolar-e, yu nggal yurag-o: ’Neid wa-e. Kat kunu kek tak irit wolmag-o. Kat-nen tenagaidnak wi iri lobok yuwag-o.

YOANES 14:16

Nde, an-nen Neid nggi yak tumu-ge, kit kinmin pem-et woralik nalik makluk, Yongga Kundurak Nap mbi wok kunduwa-o.

YOANES 15:26

Nde, an Neid eram-nen Yongga Kundurak Nap na ibil mbuwamin-o. At iri-ge Konak Indi ndemeret Mbal Pem Nagawan Mirik Konposo irir-o. Nde, at lobok yuwarig-e, at-nen an nowene kenggel kondosolat wolma-o.

YOANES 16:7

Alat nde, an-e ndemeret yak kundusu-o. An mbirimin iri-ge, kit konak tak kunpurak pem mbirimin-o. An mbirigit lak yimin nggal-e, Yongga Kundurak Nap na-ge kit kendam lobok yuwa bug-o. Alat nde, an mbirimin iri-nen at na-ge kit kendam wirik ibil mbuwamin-o.

YOANES 3:34

Nde, Konak Indi ebis-et wok tidnak me, Mbal Pem Nagawan-nen wirik ibil lobok yidnak nap-nen-e Mbal Pem Nagawan-nen yidnak wene nak yak ondoso-o.

YOANES 7:39

(Yesus-nen wene iri yid iri-ge at ebem inndi angin tubu yidnak nap-nen Konak Indi wanurak pem-nen yij-o. Nde, Yesus na awo kek tak ibigit lak worala me, Konak Indi na awo ap enpem mbuwagit lak ma-nen yij-o.)

YIDNAK YIDNAK WENE 16:7

Nde, ir-e Misia wok lug-e, Mbitinia nggweyak pem ngguwokluk yiga-t nde, Yesus Indi-nen-e puk tak inpij-o.

OROMA 5:5

Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.

OROMA 8:9

Alat nde, kir-e ki nap-nen kwarugwi mende bem worali-ge lag-o. Konak Indi ndemeret kit kenarem worala-ge, kri-e Konak Indi arem-e worali-o. Nde, Kerisut Indi wanigit lak nab-e Kerisut arengge-ge lag-o.

1 KORINTUS 15:45

Mbal Pem Nagawan engga mbarak pem-nen yosolar-e: ”Nanduk woraso nap Aram iri-ge uruk mende worak irit kwat yij-o.” Alat nde, woroksiyem Aram iri-ge ap unluk yaga wok ondoso Indi irit kwat yij-o.

2 KORINTUS 1:22

at arengge rak nonposolar-e, yenggerak purak mende nenpem posolat, abok-nen kwat nunpurak wene urul pidnak nggal Konak Indi-ge nit nenarem wolmakluk wok nondosolat yij-o.

2 KORINTUS 3:17

Nde, engga wene iri arem-e Nagawan Indo yidnak iri-ge Konak Indi min yij-o. Nde, Nagawan Indo Indi woraso sa iri me-ge ab-e weserak nak woragwi-o.

EPESUS 1:13

Nde, at ebem-nen kit na iri nggal-et kwat kinpij-o. Kir-e ndemeret wene kinmiri yurak aid wene iri na kuluruk yigepndig-e, Kerisut ebem kinndi angin tubu yigeb-o. Iri lug-e, ”It yu-ge an nilirak-nen yili-o” luk yenggerak kunpuwaklug-e, Mbal Pem Nagawan-nen-e urul pidnak Kona Indi na kenpem pij-o.

EPESUS 2:18

Nde, Kerisut ebem-nen Yawuri nap na, enlem nin nap na nit oboksa-ge Konak Indi misiget iri na ebem Nineid Mbal Pem Nagawan eram panggo yil lobok yurag-e ob-o.

EPESUS 4:30

Nde, Mbal Pem Nagawan-nen idnak Konak Indi iri-ge indi puru rak purak pug-o. Mbal Pem Nagawan-nen-e ”At ilirak-nen yili-o” luk, yenggerak kunpuwakluk, Konak Indi kenpem posolat, ”Kit kinmiri yurak tarem-e ndemeret wok ma-o” luk Konak Indi ebem-nen urul yak kondosolat yij-o.

EPESUS 6:18

Wanurug-e, tepan yogolat, Mbal Pem Nagawan emengen mbarogolat wolmer-o. Konak Indi ebem woragolar-e, pempa pempa tepan yogolar-e, kunluk kenlengen kwesa woragolar-e, marak nap pidsa enmanggim-e tepan kundugu kundugu yogolat wolmer-o.

PILIPI 1:19

Kit-nen namanggim tepan yili bem-e Yesus Kerisut Indi-nen an yongga norosola-ge, an nimiri-t yuwa-o luk naru woralat nalen kasu-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

1 PETERUS 1:11

”Iri wene-ge ngge tarem-nen, ngge kwasa kwat ma-o?” luk, mbenarogolat woraiga-o. Iri tarem-et Kerisut Indi-ge it enarem woralat-nen Kerisut mondok andi bandi rak uburak wene min abok at kek tak wolmomtak wene min urul yak ondosolat woragaij-o.

YURAS 1:20

Alat nde, nanggamirak kenabuwa worak wa-e. Kit perak nde, kit na kit-net kinndi angin tubu yigep mondok marak wene iri na bem-et mendak woragolar-e, Konak Indi amawi bem-et tepan yogolat wolmer-o.

NAM PARA WENE 19:10

Iri yosola, an-e aid nap na eralu mbud luk, at erembel waneyekluk yigi-t nde, at-nen yak norosolar-e: ”Lag-o. An nerembel wanurag-e lag-o! An na at ndegel oboso nap Mbal Pem Nagawan-nen yidnak wene Yesus-nen yak kindidnak wene tena woragwi nap kat kanggamirak inmin iri nggal-net yusu-o. Mbal Pem Nagawan nak erembel wani-o!” luk yak nirij-o. Nde, Yesus-nen nam tak pid ndemeret wene iri-nen-e Mbal Pem Nagawan ene lomboksa yugwi nap mirik onposo-o.