NGGALATIA 4:19 - Nanduk Ngget Tul Pidnak Wene

¹⁹ Nilirak kenabuwa worak wa-e. Kwami-nen li ndakolat yane wurugwi nggal, iri nggal-et Kerisut abage kit kenarem kwat makluk, an-e nilirak kit kenpem yane wurusu-o.

NGGALATIA 4:19 ပူးပေါင်းရင်းမြစ်များ

YESAYA 53:11

Iri ala karuk, Nagawan Indo-nen yosolar-e: ”At andi bandi kasolat worarug-e, at-nen andi bandi kagaid iri na ebe-t kwat yidnak karug-e, alen kasolat wolma-o. Ndegel noboso nap iri-nen an nalen tak pusu-o. Ap kwarat-nen meya yidnak pem onggo angin worak wanurag-e at ebem nde mbij-o. At ebem-nen an-e it-nen meya yidnag-e namberam tak pimin-o.

LUKAS 22:44

Nde, Yesus na kwiye-nen indi andi kwarat yosolar-e, tepan kwarat yij-o. Nde, irigak na eyabi nggal ndung ndung mbij-o.]

OROMA 13:14

Alat nde, kit-nen mondok kwarurak iri-ge nagawan Indo Yesus Kerisut nak-nen mirik kunpuwag-o. Nde, ki nap enpage meya inndi-nen ukwe ukwe kwarugwi iri-nen yidnak nag-e kwarurak pug-o.

OROMA 8:29

Nanduk-net Mbal Pem Nagawan-nen it len inpid iri-ge at Ambara Yesus Kerisut abage nggal kwat mag-o luk obi-net lud tak pid iri bem-nen at anggamirak kwarat ennggendumu at Ambara na manggu nderak makluk len inpij-o.

2 KORINTUS 12:14

Yawo kenan pem tak posolar-e, an-e kit kendam lobok yurak pem lid lud tak puruk worasu-o. Nde, kit kenarengge wanosolat, angin tak kinpimin pug-o. An-e kit kenarengge ukwe-nen yusu-ge lag-o. Kenpe perak nde nindingen keneyasu-o. Nde, li marik-nen it ineid iniya enmanggim silobulo ndok wurugwi bug-o. Are, ineid iniya-nen perak nde inlirak enmanggim silobulo ndok wurugwi-o.

EPESUS 4:13

Iri bem-e, nit pidsa lambuk luk, ninndi angin tubu yidnak pem-nen na, Mbal Pem Nagawan Ambara nenaru yurak pem-nen na, misiget nak irit mul-o. Nir-e ninndi worak luk, irit tit irit tit Kerisut iminep mbarak nggal nit na iminep mbal yul-o.

EPESUS 4:24

Kenpage ngget mende irit waner-o. Kenpage ngget mende iri-ge Mbal Pem Nagawan abage nggal irit ndak worak pidnak me, ndemeret wene bem-nen-e lud tak nak kwarogolat, marak woragwi nam yoso-o.

PILIPI 1:8

Mbal Pem Nagawan-e aru-o. Kerisut Yesus-nen kenabuwa kaso nggal, iri nggal-et an-e kit pidsa kenpem nindi mondok kwindik worasu-o.

PILIPI 2:17

Alat nde, Mbal Pem Nagawan amanggim wam wosa bidnak nggal, at amanggim pidnak nggal, kit kinndi angin tubu yidnak pem an neyabi nde wirik purak ala-ge, an nalen kasolat, kit pidsa kinmin na nalen kasolat yeleb-o.

PILIPI 2:5

Kerisut Yesus-nen yebet kaso nggal-et kit-nen na yebet kagolat wolmer-o. At-nen yebet kaso-ge yu nggal-o:

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

KOLOSE 2:1

Kit kenmanggim na, Laorikia woragwi nap enmanggim na, an nimbiriwak kagwi buk nap oboksa enmanggim na, yabu kwarat wanosolat woraso wene kit kenaru yurak nindingen-o.

KOLOSE 3:10

kenpage ngget mende wanigeb-o. Kenpage ngget mende iri-ge ndak worak pid Mbal Pem Nagawan-nen-e at abage nggal pempa pempa ngget tak konposolar-e, at mondok kenaru tobokluk-nen kwarusu-o.

KOLOSE 4:12

Kit kenma nap misik, Kerisut Yesus ndegel oboso nap Epaparas-nen-e wiwa yak kundusu-o. Nde, at iri-nen-e pempa pempa kit kenmanggim kiri keresa tepan yosolar-e: ”It inndi tugup lak woragolat, iminep mbarak woragolat, Mbal Pem Nagawan indi-n pidnak nak kwarogolat wolmag-o” luk Mbal Pem Nagawan emengen mbaroso-o.

1 TESALONIKA 2:7

Alat nde, nir-e kinmin woragolar-e, iniyarak-nen inlirag-e yanggonak nak enparugu woragwi nggal, nir-e iri nggal-et kit kinmin-e ninndi yanggonak irit woraige-o.

1 TIMOTIUS 1:2

kat kindi angin tubu yidnak pem ndemeret an nambara kwat yidnak Timotius kamanggim engga yu mbarusu-o. Nde, Nineid Mbal Pem Nagawan min Nenagawan Indo Kerisut Yesus min-nen we wok ondoso elem min ap unpud kagwi elem min yamuksa woragwi elem min-e kimi wolmag-o.

TITUS 1:4

Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

PILEMON 1:10

An o kubu me worasolar-e, Kerisut ebem at eid kwat yidnak me, an Paulus-nen-e an nambara Onesimus-e kat kebe nggi yak kurusu-o. (Onesimus yogolar-e, ebe worak mende yogolar-o.)

PILEMON 1:19

Nde, an nondomok ninggi-net yu mbarusu-o: ”Paulus an-net pidsa uwi yagimin-o.” (Alat nde, an namat kat kebem pidnak iri ”Iniksa kebem worasu-o” luk yak kururag-e lag-o. Nde, namat iri-ge kat kindi ngget wanigen min-et yigi-o.)

IBERANI 5:7

Yesus na-ge ki nap ennggendumu nggweyak ma yu me woralat-nen tepan yosolar-e, wat yimin naru at-nen an nimiri yurag-e ndag-o luk peraso Mbal Pem Nagawan na emengen mbarosolar-e, at ene nggoksa yip min-et at emengen mbarosolat woragaij-o. Nde, iri kwarosolar-e, at indi tebe luk, Mbal Pem Nagawan-nen yidnak yidnak nak kwaroso ala karuk, Mbal Pem Nagawan-nen-e at ene kulij-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

1 YOANES 2:1

Nilirak wa-e. Kir-e meya yugup naru, an-e engga yu mbal kundusu-o. Alat nde, ap mbi-nen meya kwarosola-ge, nit nonowene Nineid imin konoso nap, lud tak nak kwaroso nap Yesus Kerisut irit worasu-o.

1 YOANES 2:12

Nilirak wa-e. Kerisut unu bem kit meya yidnak amberam tak pidnak me, engga yu mbal kundusu-o.

1 YOANES 5:21

Nilirak wa-e. Kir-e kugiwak kwarugwi na kwarugup naru, mondok kwil kwalsa wolmer-o.

3 YOANES 1:4

Nde, nin mende bem an-e nalen marig-et kaso-t nde, an nilirag-e ndemeret lud tak nak kwarogolat worali-o luk yogola kulurug-e, nalen kwarat kasu-o.