NGGALATIA 4:17 - Nanduk Ngget Tul Pidnak Wene

¹⁷ Nde, it iri-ge ennesiger-et nde, it enambigit nggwe mborobokluk, enmawi kundili-o. Nde, iri kwatli iri-ge, an nimin woragwi na pok tak puwokluk-nen yili-o.

NGGALATIA 4:17 ပူးပေါင်းရင်းမြစ်များ

MATIUS 23:15

Kenesiget siget kwarugwi nap kit imiri mbarak pidnak wene kenaru nap min Parisi nap min wa-e. O, kenabuwa-o! Ap misiget nak kit kenne wanuwakluk, kir-e yi koma konmbol nggwe rak puruk mborogolat, nggweyak nggwe waring kagolat kwarugwi-o. Nde, at iri na kenne wanosola-ge, kir-e kan mare arem nggurak nab-et nde, at iri-ge ebem lud terak mena meya kwaroso nap kan mare arem nggurak nap tak ibili-o.

OROMA 10:2

It-nen enmawi min-et Mbal Pem Nagawan erembel wanili-t nde, iri kwatli iri-ge ir-e ndemeret Mbal Pem Nagawan enaru-nen yili-ge lag-o luk an-nen yak kundusu-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

1 KORINTUS 11:2

Kir-e pempa kinndi-nen yebet yebet tak woragolat, an-nen nggomo kindidnak wene wanogolat yili bem-e an-e kit kentembel wanusu-o.

1 KORINTUS 4:18

Nde, an neresa ar-e nendam lobok yuwa bug-o peragoluk, ap ereb-e kenambik kek yili-o.

1 KORINTUS 4:8

Kir-e kinmbitsa ninggidnak nggal woragolat, silobulo ombo yigeb-o. Nir-e nagawan yigit lag-et nde, kit nak perak nde nagawan yigeb-o! Nde, kir-e ndemeret nagawan yigep nggal-e, nit na kit totno lambuksa nagawan wolmomtak iri perak konak lombog-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

NGGALATIA 4:16

Nde, yawo-nen-e ndemeret wene yak kindigi iri na bem an-e kit kinmin sirid nap kwat yigi-a?

NGGALATIA 4:18

Nde, konak kwarurak pem-nen nde ap wok unpuwakluk enmawi kondogolar-e ob-o. Alat nde, an-e kit kinmin worala nak-nen iri nggal kwarurag-e lag-o. Are, pempa kwarogolat wolmomtag-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

2 PETERUS 2:18

Ir-e inndi kek tak pem wene kwiye worak yili-t nde, ebe lak wene yogolar-e, mbabi kwarurak pem ukwe akwe yugwi iri na bem-nen kabak yidnak nap ennggendumu-nen nggeret inndi angin tubu yili nap enare pili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.