NGGALATIA 4:14 - Nanduk Ngget Tul Pidnak Wene

¹⁴ Alat nde, an nebe andi kaso iri-ge kit kinndi ngarurak mende nggal agaij-et nde, kit-nen-e kinsili rak nobogolat, kinmbit-nen wirik nobogolat yigir-e lag-o. Are, Mbal Pem Nagawan-nen idnak aid nap nggal wok nobogolat, Kerisut Yesus wok ibidnak nggal wok nibigeb-o.

NGGALATIA 4:14 ပူးပေါင်းရင်းမြစ်များ

2 SEMUEL 14:17

An nindi-nen-e nap kar-e Mbal Pem Nagawan-nen idnak aid nap nggal iri-ge meya kagi, nde, iri-ge konak kagi luk lombonoso me, kat-nen urul pigen iri-ge nimiri-t yugun-o luk perasu-o. Nde, nap kar-e Nagawan Indo Kembal Pem Nagawan-e kimin wolmag-o” luk yak tij-o.

2 SEMUEL 19:27

Iri yosolar-e, kat kimbiri bem an nobok nde pij-o. Alat nde, kar-e Nagawan Indo-nen idnak aid nap nggal me, kat-nen kwat nubugun nag-o.

NDAWI ENGGA 119:141

An-e no mende nggal, ebe lak-nen yusu-t nde, an-e kat-nen mul ondoso wene-ge lirin lirin tak pusu bug-o.

MALEAKI 2:7

Ndemeret tepan ombo-nen kwarurag-e Nagawan Indo Mondok Kek tak an nowene ndemeret mot mor-et ap mul ondogolat wolmomtak irir-o. Nde, it iri-ge an-nen wirik inpil lobok yidnak me, ap-nen-e an nindi-nen pidnak wene-ge it irit kin wok onpogolat wolmomtag-o.

MATIUS 10:40

”Ta-nen nde kit wok kunpusu nab-e an-et wok nubusu-o. Nde, an wok nubusu nab-e an wirik nibil lobok yid nap na-t wok ubusu-o.

MATIUS 18:5

Nde, an nunu bem ala la marik yu nggal wok ibili nab-e, an-et wok nibili-o.”

MATIUS 25:40

Yak togolikma-ge, Nagawan na-nen wene erep nggarosolar-e: ’An-nen yak kendeyeg-o: An nowot-tak marik komosa meya misik iri na iri nggal kwat ibigep iri-ge an-et kwat nibigeb-o!’ luk yuwa-o.

LUKAS 10:16

Yuruk, at-nen at owosirak yak ondosolar-e: ”Nde, ta-nen nde kit kenne kologola-ge, an nene-t kulili-o. Nde, ta-nen nde keya konpogola-ge, an-et keya nibili-o. Nde, ta-nen nde an keya nobogola-ge, an wirik nibil lobok yid nap iri na-t keya ibili-o” luk yak indij-o.

YOANES 13:20

An-e ndemeret yak kundusu-o. Ap-nen-e an-nen wirik ibidnak nap wok ubusu iri-ge an-net wok nubusu-o. Nde, an wok nubusu iri-ge an wirik nibil lobok yidnak nap iri na-t wok ubusu-o” luk yak indij-o.

1 KORINTUS 1:28

Nggweyak ma yu-ner ebe worak yik kagwi mende na lak takpuwaklug-e, Mbal Pem Nagawan-nen unnu teberak mende min ap-nen no mende nggal yik kagwi min ebe lak mende min irit len inpij-o.

1 KORINTUS 4:10

Kerisut ebem-e nir-e wid alat nde, kir-e Kerisut ebem-e kinndi tenggerak worali-o! Nir-e ndeyag-et nde, kir-e kenmawi kwarar-o! Nir-e mbilaro ngin worali-t nde, kir-e kunnu kek tak irit worali-o!

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

NGGALATIA 4:13

Nandug-er-e an nebe kugi niridnak me, aid wene kit yak kondosolat woragi iri-ge kenaru nar-o.

NGGALATIA 4:15

Kit kenalen kwarat kagolat woraigep na-ge ngge me-o? An-nen kenpem konggorosolar-e: Enlengen nde kulugwi nggal-nen-e kenlengen kela an wok netleb-o.

1 TESALONIKA 2:13

Nde, wene misik yu bem-nen na nir-e Mbal Pem Nagawan wa-o luk kundugu yak tili-o. Nir-e Mbal Pem Nagawan-nen yidnak wene-ge kit yak kindil lobok yogola-ge, kir-e wene na kuluruk wanogolar-e, ki nap-nen yidnak nggal wanigit lag-o. Are, Mbal Pem Nagawan-nen yidnak wene-o luk wanigep nar-o. Nde, wene iri-ge ndemeret Mbal Pem Nagawan-nen yidnak-nen yusu-o. Nde, Mbal Pem Nagawan-e kit kinndi angin tubu yidnak nap kenarem yabu wanusu-o.

1 TESALONIKA 4:8

Iri bem-e, wene yu keya busu nab-e ki nap-nen yidnak wene keya busu-ge lag-o. Are, at Konak Indi wok kondoso Mbal Pem Nagawan irit keya ubusu-o.

IBERANI 13:2

Kir-e kit-nen eneyagwi buk nab-et nde, kenma rak unpurak iri-ge meme rak purak pug-o. Ap erep-nen iri nggal kwariga bem-e enaru bug-et nde, aid nap nde enma rak pikma-o.