NGGALATIA 4:12 - Nanduk Ngget Tul Pidnak Wene

¹² Nowe nowosi wa-e. An nebage nggal-et mer-o luk, kenmengen mbarusu-o. Nde, an na kit kenpage nggal-et kwat yusu-o. Kit-nen-e an nimin meya mbi kwarigit lag-o.

NGGALATIA 4:12 ပူးပေါင်းရင်းမြစ်များ

NDAK WIRIDNAK WENE 34:15

Kit-nen yigep iri ’Ob-o’ yurak iri-ge wene yu kwarogola-nen perak ’Ob-o’ yak kundul-o. Nit-nen kwarugwi nggal kit kennggendumu ab-e oboksa kiniye ambasap mbarurag-o.

1 NAGAWAN NAGAWAN-NEN KWARIDNAK WENE 22:4

Yak unduruk worasoma-ge, Yosapat iri na wok yosoloma-ge, Akap-nen Yosapat yak tosolar-e: ”Kar-e an nimin lambuksa o Aramot siri iri naril mbururag-e op, lak?” luk yak tij-o. Yosoloma, Yosapat-nen yosolar-e: ”Ob-o! An-nen idnak san ombo min san ombo kura wam ombol pem kore luk mburugwi min ereba-ge kat-nen idnak san ombo min san ombo kura wam ombol pem kore luk mburugwi min lambuk luk totno mbururak iri-ge konag-er-o.

YIDNAK YIDNAK WENE 21:21

It-nen-e kat-nen mul indigen wene obok kuliganggal-e, kat-nen-e enlem nin nap ennggendumu worali Yawuri nap pidsa yak ondosolar-e: ’Musa-nen yidnak yidnak keya ber-o. Kit kinlirak iniye ambasap waburak pug-o. Kenlawingga-nen yidnak yidnak kwarurak pug-o’ luk yoso irit kuliga-o.

2 KORINTUS 2:5

Alat nde, ap mbi-nen inndi puru pera rak pidnak nde ala-ge, an nak nindi puru pera rak pij-e lag-o. Nde, kit pidsa kinndi puru pera rak pigit lak. Nde, an-nen angin tak ibimin naru, kit erep nak kinndi puru pera rak pij-o luk yusu-o.

2 KORINTUS 6:11

Korintus woragwi nap wa-e. Nit ninndi-ge ebis-et kit kenpem puruk woragolar-e, wene nam-et nak yak kindige-o.

2 KORINTUS 6:13

An wene yu yak kundusu yu-ge ineid-nen inlirak yak undugwi nggal irit yak kundusu-o: Nit-nen kit kenabuwa kali nggal, kit-nen na nit nenabuwa ker-o. Kit kinndi-ge ebis-et nit nenpem per-o.

NGGALATIA 2:14

Nde, an-nen yik eneyasolar-e, it-nen kwaridnag-e ndemeret aid wene iri-nen yidnag-e ndak ndak kwarigit lak ala karuk, ap pidsa inmbiri bem-et an-nen Peterus na yak tosolar-e: ”Kar-e Yawuri nab-et nde, Yawuri nap-nen kwarugwi keya buruk, enlem nin nap-nen kwarugwi mende kwarosola me, kar-e nggeluk-nen kene amawi min-et enlem nin nap inmin-e: ’Yawuri nap-nen kwarugwi mende-t kwarer-o’ luk yak undusu-o?”

NGGALATIA 4:11

An-e kit kennggendumu yabu wanosolat woragi-ge ebe lak mende nde ma-o luk, numud keneyasu-o.

NGGALATIA 4:13

Nandug-er-e an nebe kugi niridnak me, aid wene kit yak kondosolat woragi iri-ge kenaru nar-o.

NGGALATIA 6:14

An perak nde Nenagawan Indo Yesus Kerisut-nen idnak e lang pang tak iri bem nak nindi kek tak pimin-o. E lang pang tak iri-nen nggweyak ma nap-nen kwarugwi inndi-ge namanggim wat yamu-o. Nde, e lang pang tak iri bem-et an na nggweyak ma nap-nen kwarugwi inndi amanggim wat yukmu-o.

NGGALATIA 6:18

Nowe nowosi wa-e. Nenagawan Indo Yesus Kerisut-nen idnak we wok ondoso elem-e kit pidsa kinndi imin wolmag-o. Amen.