NGGALATIA 3:9 - Nanduk Ngget Tul Pidnak Wene

⁹ Abaram na at indi angin tubu yidnak pem inbiringgat worak woragaid na nggal, iri nggal-et inndi angin tubu yuwa nab-e inmbiringgat worak nab-et wolmar-o.

NGGALATIA 3:9 ပူးပေါင်းရင်းမြစ်များ

NDAK WIRIDNAK WENE 24:1

Nde, Abarakam na-ge abu indi worak irit yij-o. Nde, at iri-ge yi mende ndi mende bem-e Nagawan Indo-nen-e imbiringgat tak posolat woragij-o.

OROMA 4:11

At iye ambasab-e abok nggwe-nen wabamu-o. Nde, at iye ambasap wabidnak iri-ge, at indi angin tubu yidnak pem-net Mbal Pem Nagawan-nen at iye ambasap wabigit lak ma-net at lud tak nak ibij-o luk ap-nen yenggerak puwakluk-nen wabamu-o. Iri bem-e, it iniye ambasap wabigit lak nab-et nde, inndi angin tubu yidnak pem-net Mbal Pem Nagawan-nen lud tak nak unpusu nap oboksa onmbo-ge Abaram-nen yusu-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

OROMA 4:24

Are, nir-e Nagawan Indo Yesus wat yidnak nap ennggendumu-nen uruk tak pid Mbal Pem Nagawan ebem ninndi angin tubu yul me, lud tak nak nunpuwa nap nit nenmanggim na irit mbaridnak-nen yusu-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

NGGALATIA 4:28

Nowe nowosi wa-e. Isak na-ge Mbal Pem Nagawan-nen urul pidnak wene bem-nen ndagaidnak nggal, kit na iri nggal-et urul pidnak wene bem-nen Mbal Pem Nagawan ilirak-nen yili-o.