NGGALATIA 3:29 - Nanduk Ngget Tul Pidnak Wene

²⁹ Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

NGGALATIA 3:29 ပူးပေါင်းရင်းမြစ်များ

MATIUS 3:9

Kit-nen peragolar-e: ’Abaram iri-ge nit nonmbo-nen yusu-o’ luk purudtak pug-o. An-nen yak kendeyeg-o. Mbal Pem Nagawan-nen-e kerep yeba bem-nen Abaram-nen wigarak nap nggal kwasa ndak worak unpurag-e ndak-net yusu-o.

OROMA 8:17

Nde, nir-e at ilirak nde ala-ge, Mbal Pem Nagawan-nen at ilirak tembesa wok undurak lid lud tak pidnak mende iri-ge nit na winde mul-o. Nde, Mbal Pem Nagawan-nen Kerisut wok turak lid lud tak pidnak mende na nit na at totno winde mul-o. Nde, Kerisut yane worosola, at totno yane wurul nde ala-ge, at unu kek tak posolar-e, nit na irit totno nunnu kek tak puwa-o.

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

NGGALATIA 3:16

Nde, Mbal Pem Nagawan-nen ”Iri nggal timin-o” luk, urul posolar-e, Abaram min at-nen wigarak min irit yak indij-o. Wene iri-nen yosolar-e: ”At-nen wigarak lolo-o” luk, ap kwarat inmin yij-e lag-o. Are, at-nen yosolar-e: ”Kat ndet ubugun nab-o” luk yid na-ge ap misiget, Kerisut nak imin yij-o.

NGGALATIA 3:18

Nde, imiri mbarak pidnak wene bem-nen imining angge wok indidnak ala-ge, urul pidnak wene-nen idnag-e lag-o. Alat nde, Mbal Pem Nagawan-nen Abaram we wok tid iri-ge, at-nen urul pidnak wene iri na bem-net we wok tij-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

NGGALATIA 3:7

Iri ala-ge, inndi angin tubu yidnak nab-e ndemeret Abaram ilirak-nen yili-o luk kenaru mer-o.

NGGALATIA 4:1

An-e yu yosolat-nen yigi-o: At eid isilobulo winde yurak la iri-ge yi mende ndi mende winde-t nde, ar-e la marik worala-ge, ndegel oboso nap nggal-et woraso-o.

NGGALATIA 4:7

Iri bem-e, kar-e ndegel oboso nab-e lag-o. Kar-e at ambara-net yusu-o. Nde, kar-e at ambara me, Mbal Pem Nagawan-nen-e at arengge nde winde rak kibij-o.

NGGALATIA 5:24

Nde, Kerisut Yesus arengge kwat yidnak nap-nen-e ki nap-nen kwarugwi mende min at-nen ukwe ukwe yoso min, kwarurak ukwe peraso min-e e lang pang tak pem-et worak pid nar-o.

NGGALATIA 6:16

Nde, ”Iri nggal kwaru-o” yidnak wene yu-nen yidnak yidnak kwatli nap iri na enpem-e lambuksa woragwi elem min unpud kaso elem min-e it enpem mbuwag-o. It enpem na, Mbal Pem Nagawan arengge Isarael nap pidsa enpem na mbuwag-o!

EPESUS 3:6

Kura wene iri na-ge yu-o: Aid wene bem-nen it enlem nin nab-e Mbal Pem Nagawan imbiringgat mende na Yawuri nap min it totno winde yogolat, ebe misiget na inggi ijok kwat yogolat, Mbal Pem Nagawan-nen Kerisut Yesus ebem urul paga yak indidnak wene na lambuksa winde yogolat yili-o.

TITUS 3:7

Iri rak ninpid iri-ge, Yesus-nen we wok ondoso elem pem nir-e Mbal Pem Nagawan imin kwindik nonposolat, pem-et nunlug-et wulmul-o luk ninndi-ge iri bem mbung mbung tak worali iri na wok nondosolat yekluk, iri rak ninpij-o.

IBERANI 1:14

Iri ala-ge, it aid nap iri-ge no mende-nen yili-o? It oboksa-ge Mbal Pem Nagawan ndegel obogolat, Mbal Pem Nagawan-nen urul pidnak inmiri yurak wene iri na wanurak nap yongga unduwakluk wirik onposo indi-nen yili-o.

IBERANI 11:18

Nde, Mbal Pem Nagawan-nen Abaram yak tosolar-e: ”Isak-nen wigaruwa iri inmin-et kat kilirag-o luk yuwa-o” luk yak tid nar-o.

IBERANI 11:7

Nde, Nu na indi angin tubu yidnak pem-net Mbal Pem Nagawan-nen-e abok-nen kwat momtak wene yak tosola, kuluruk, indi kwiye luk, at erengen-nen kagit lak mende-t nde, Mbal Pem Nagawan-nen yidnak yidnak kwarosolar-e, at min ogwela min inmiri yurak e koma wirij-o. Iri kwarosolat-nen-e nggweyak ma woragwi nap oboksa enpem wene mbarosola, at indi angin tubu yidnak pem-e Mbal Pem Nagawan-nen at lud tak nak tak ibij-o.

IBERANI 6:17

Mbal Pem Nagawan indi-nen perasolar-e, at-nen urul yak indidnak iri na wanurak nap-nen-e at-nen urul pid iri-ge nden-e kujwa bug-o luk ndemeret enaru makluk-nen owak mbara urul pid irir-o.

YAKOBUS 2:5

Kenabuwa worak nanggamirak wa-e. Wene yu koler-o. Nggweyak ma nap-nen enarengge lak eneyali nab-e Mbal Pem Nagawan-nen len onposolar-e, inndi angin tubu yugwi elem kwara winde rak unpuruk, Mbal Pem Nagawan abuwa kagwi nap enmanggim urul pidnak at-nen tenagaidnak wi na winde rak enpeyekluk len inpij-o.

NAM PARA WENE 21:7

Amawi luk, ombol nggwe yuwa nab-e yeba oboksa winde ma-o. Nde, an-e it Enmbal Pem Nagawan kwat yosolat, ir-e an nilirak kwat ma-o.