NGGALATIA 3:22 - Nanduk Ngget Tul Pidnak Wene

²² Alat nde, Mbal Pem Nagawan engga bem-nen yosolar-e, nggweyak ma nap oboksa-ge meya kwarugwi elem urugwe nggwe rak ninpidnak worali-o. Iri bem-e, inndi-ge Yesus Kerisut ebem angin tubu yidnak nap-nen urul pidnak na-ge wok unduwa-o.

NGGALATIA 3:22 ပူးပေါင်းရင်းမြစ်များ

MARAKUS 16:16

Inndi angin tubu yogola, yi ma unpuwa nab-e, inmiri yuwa-t nde, inndi angin tubu yuwa buk nab-e, lak tak unpuwa-o.

YOANES 12:46

Nde, an nebem inndi angin tubu yuwa nap-nen-e ndamuk pem wolma naru, an-e nggweyak ma yu me yaya nggal-et lobok yigi-o.

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YOANES 3:36

Ambara ebem indi angin tubu yusu nab-e urug-et pem-et woralik nalik wolmomtak elem wanusu-o. Nde, Ambara-nen yidnak wene kuruk tusu nab-e urug-et wolma bug-o. Are, Mbal Pem Nagawan isilepma-ge at ebem mondok puruk wolma-o.

YOANES 5:24

An-e ndemeret yak kundusu-o. An-nen yidnak wene kuluruk, an nibil lobok yidnak nap ebem indi angin tubu yuwa nab-e, unlug-et woralik nalik wolmomtak elem-e mondok wanarik worasu-o. Iri yidnak nab-e wat yugwi elem tena woraidnak keya buruk, unlug-et wolmomtak elem wanidnak me, at ebem-e wene mbi mbaruwa bug-o.

YOANES 6:40

Nde, an Neid indi-nen perasu-ge yur-o. At Ambara an neyaruk, an nebem inndi angin tubu yuwa nap pidsa-nen unlug-et woralik nalik elem wanuwa-o. Nde, inndi angin tubu yili nab-e i woronosolat tarem-nen an-nen unluk tak inpimin-o” luk yak indij-o.

YIDNAK YIDNAK WENE 16:31

Yosoloma-ge, it-nen at yak togolar-e: ”Kat kindi Nagawan Indo Yesus ebem angin tubu yosola-ge, kat min kat kama woragwi nap min kinmiri yaga wok kunduwa-o” luk yiga-o.

OROMA 10:9

Kat kemende nggwe-nen: ”Yesus-e Nagawan Indo-nen yusu-o” luk nam-et para yosola, nde, ”Mbal Pem Nagawan-nen wat yidnak nap ennggenggerak-nen Yesus uruk tak pij-o” luk wene na bem kindi angin tubu yosola-ge, kimiri yuwa-o.

OROMA 11:32

Mbal Pem Nagawan-nen ap oboksa unpud kayeklug-e, ap pidsa-ge yidnak yidnak kwarugwi buk iri na arem nggitlik keya enpamu-o.

OROMA 3:22

It inndi-ge Yesus Kerisut ebem angin tubu yidnak pem-e Mbal Pem Nagawan-nen-e lud tak nak onposo-o. Iri yusu iri-ge Mbal Pem Nagawan-e ap enpage lombonoso buk me, Yesus ebem inndi angin tubu yili nap oboksa-ge lud tak nak unpusu-o.

OROMA 3:23

Ap oboksa-ge meya nak kwarugwi me, kek tak woraso Mbal Pem Nagawan na imin-e mbok tak woragwi-o.

OROMA 5:12

Ap misik-nen kwaridnak pem-e meya kwarugwi elem-e nggweyak ma yu me ngguwagaij-o. Nde, at-nen meya yidnak pem-e wat yugwi elem na ngguwagaij-o. Iri kwarid pem-e, ap pidsa meya na kwarugwi me, wat yugwi elem na-ge ap pidsa enpem ndi wat agaij-o.

NGGALATIA 3:14

Mbal Pem Nagawan-nen Abaram urul yak tidnak imbiringgat mende iri-ge Kerisut Yesus ebem-nen enlem nin nap wok unduwakluk, nit-nen na ninndi angin tubu yidnak pem Mbal Pem Nagawan-nen urul pidnak Konak Indi wanuwakluk, Kerisut-e imbiri lamut agaid irir-o.

NGGALATIA 3:17

An-e yu peraruk-nen yusu-o: Mbal Pem Nagawan-nen watsa urul pidnak wene na-ge olengen empat ratus tiga pulu (430) woraruk ombol nggwe-nen nam yidnak imiri mbarak pidnak wene na-nen-e Mbal Pem Nagawan-nen urul pidnak wene iri na lak tak puruk, amawi lak tak purag-e mondok lag-o.

NGGALATIA 3:23

Alat nde, inndi angin tubu yurak tarem wok yigit lak ma-ge, imiri mbarak pidnak wene na-nen-e perena keya ninpidnak woraige-o. Nde, wene na-nen perena keya ninpidnak woraige iri-ge, inndi angin tubu yurak elem na nam tak puwakluk iri kwasa woraige-o.

NGGALATIA 3:29

Alat nde, kit nde Kerisut arengge ala-ge, kit na Abaram-nen wigarak-net yili me, Mbal Pem Nagawan urul pidnak iri na wanurak nap-nen yili-o.

2 TIMOTIUS 1:1

Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

IBERANI 9:15

Iri bem-e, Kerisut-nen-e ki nap min Mbal Pem Nagawan min ennggendumu ngarak koro yosoluk, urul pidnak wene ngget misik kwat yid iri-ge, it Mbal Pem Nagawan-nen wene mbo inpidnak nap-nen-e Mbal Pem Nagawan-nen imbiringgat pem-et wolmomtak urul pidnak iri wanuwakluk kwat yij-o. Nde, nanduk tul pidnak wene na tena woragolat-nen meya yogolat woraidnak iri na lak tak posolat-nen Kerisut wat yid iri bem-nen pidsa ndak kwat yusu-o.

2 PETERUS 1:4

Iri nggal kwasa Mbal Pem Nagawan-nen urul posolar-e, wene mondok ija, nggulok lombok irit urul yak nindij-o. Nde, kit-nen urul pidnak iri wanogola-ge, nggweyak ma yu-nen ukwe ukwe yugwi mende na inggem-nen wesel yogolat, Mbal Pem Nagawan abage wanili-o.

2 PETERUS 3:13

Alat nde, Mbal Pem Nagawan-nen urul pidnak mbal ngget min nggweyak ngget min iri na-ge lud tak nak kwarogolat woralik nalik momtak iri na nir-e yik karok worali-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.