NGGALATIA 3:17 - Nanduk Ngget Tul Pidnak Wene

¹⁷ An-e yu peraruk-nen yusu-o: Mbal Pem Nagawan-nen watsa urul pidnak wene na-ge olengen empat ratus tiga pulu (430) woraruk ombol nggwe-nen nam yidnak imiri mbarak pidnak wene na-nen-e Mbal Pem Nagawan-nen urul pidnak wene iri na lak tak puruk, amawi lak tak purag-e mondok lag-o.

NGGALATIA 3:17 ပူးပေါင်းရင်းမြစ်များ

NDAK WIRIDNAK WENE 15:13

Iri yosoma, ereya na-net Nagawan Indo-nen yak tosolar-e: ”Karu wolmin-o. Kat-nen wigarag-e o nin me ereba me ap sal kwat luk woragola-ge, iri me woragwi nap-nen-e mumnggup manggi rak unpuruk yemndak unpuruk woragolar-e, olengen empat ratus (400) irit wolma-o.

NDAK WIRIDNAK WENE 15:18

Ereya na-net Nagawan Indo-nen Abaram urul watsa yak tosolar-e: ”O Mesira nggweyak kuri mbarak iri kuri-nen yi Eperat kuri o nggweyak yu oboksa-ge kat-nen wigarak iri wok indimin iri-ge

NDAK WIRIDNAK WENE 17:19

Alat nde, Mbal Pem Nagawan-nen yosolar-e: ”Lag-o. Kat kogwe Sara iri-net li ap mbi ndaguwama, kat-nen-e unu-ge Isak yarugun-o. Nde, an-e la iri min at-nen wigarak min inmin urul yak kirigi na-ge mondok pem irit kwat tenak woramin-o. Nde, urul yak kirigi iri-ge pem irit wolma-o.

AYUP 40:8

Kar-e an-nen lud tak nak kwaroso iri na-ge lak tak puruk, kat-nen-e mot mot kwaroso nggal kwarosolat, an-e meya kwaroso rak nubugun-a?

NDAWI ENGGA 105:9

At-nen urul pid iri-ge nandug-er-e Abarakam imin urul puruk, imbirig-e Isak imin pij-o.

NDAWI ENGGA 33:10

Ap enlem oboksa-nen ”Iri nggal-et kwaruwog-o” luk wene mbaridnag-e Nagawan Indo-nen yugwi rugwi rak poso-o. It inndi-nen yebet kaidnak mende-ge at-nen lak tak poso-o.

YESAYA 28:18

Iri kwarosolar-e, kit-nen wat yugwi elem min ”Iri nggal kwat nunpurag-o” luk urul pigep min ap watluk ndok wiril mbugwi sa imin kinndi misiget tak pigep min ereba na-ge yugwi rugwi mbuwa-o. Iri yuwama-ge, lak tak onposo mende lobok yosolar-e, yigisa liring tak kunpuwa-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

YOANES 1:17

Nagawan Indo-nen ”Iri nggal kwarurag-o” luk yidnak wene-ge Musa-nen yak nindij-et nde, we wok ondoso elem min ndemeret wene elem min-e Yesus Kerisut ebem-nen nam tak pij-o.

YIDNAK YIDNAK WENE 7:6

Iri lug-e, Mbal Pem Nagawan-nen wene yu yak tosolar-e: ’Kat ndakun lolo iri-ge nin nap enma woragolar-e, ap ngguru irit wolma-o. Woragola-ge, o iri nap-nen-e it ndegel unpugwi nap tak onpogolat, lel mberel onpogolar-e molengen lasolat mbosolat empat ratus (400) irit wolma-o’ luk yak tij-o.

OROMA 3:25

Mbal Pem Nagawan-nen-e Yesus iri-ge wam wosa eyabi at amanggim pidnak nggal pid iri-ge, at eyabi mbiridnak pem at ebem inndi angin tubu yidnak nap-nen meya yidnak lak tak peyekluk pij-o. Mbal Pem Nagawan-nen Yesus pid iri-ge at lud tak nak kwaroso na mirik nenpeyekluk-nen pij-o. Nandug-e ap-nen meya kwarogola, eneyasolar-et nde, Mbal Pem Nagawan-nen at indi luruk puruk, indisem woragaij-o.

OROMA 3:3

Nde, it Yawuri nap erep-nen mot mot nak kwarigit lak yiga iri-ge nunggwirig-o? It iri kwariga bem Mbal Pem Nagawan-e mot mot nak kwaroso buk kwat ma, lak?

1 KORINTUS 1:12

Yu nggal yosolat-nen yigi-o: Kit kenarik tik kenarik tak-nen yogolar-e: ”An-e Paulus mende-o”, ”An-e Apolos mende-o”, ”An-e Peterus mende-o”, ”An-e Kerisut mende-o” luk yil mbitli-o.

1 KORINTUS 1:17

Ap yi ma unpuwakluk Kerisut-nen wirik nibigit lag-o. Are, aid wene tumburuwakluk wirik nibij-o. Nde, iri-ge Kerisut e lang pang tak pem wiridnak iri na ebe lak mende ma naru, aid wene-ge ap inndi tenggerak-nen yugwi wene bem perak yak indigit lag-o.

1 KORINTUS 10:19

Wene yigi yu-ge ngge yosolat-nen yigi-o? Kugiwak amanggim pidnak nunggwi mende min kugiwak min-e ebe worak mende-nen yusu-o luk yosolat-nen yigi-a?

1 KORINTUS 7:29

Nanggamirak wa-e. Yu nggal yosolat-nen yigi-o: worok yurak tarem-e panggo yusu me, yawo kuri-nen-e onkwe worak nab-e onkwe lak nggal wolmag-o.

2 KORINTUS 1:20

Mbal Pem Nagawan urul pidnak wene oboksa min-e Yesus-e: ”Ob-o” yidnak-nen yusu-o. Iri bem-e, nit-nen-e Mbal Pem Nagawan unu kek tak pogolar-e, Yesus Kerisut ebem-et ”Amen-o” luk yili-o.

2 KORINTUS 9:6

Wene yu-ge kwara yebet ker-o: Uwi mariget nak yaguwa nab-e ebe mariget nak mbaruwa-o. Nde, uwi kwarat yaguwa nab-e ebe kwarat mbaruwa-o.

NGGALATIA 3:15

Nowe nowosi wa-e. Ki nap-nen kwarugwi mende bem mbi ndak wereyeg-o: Mberen nap-nen-e inndi misiget luk, ”Iri nggal kwarurag-o” luk, urul pidnak engga bem unnu mbara mondok wat tak pidnak me, nin nap-nen uruk pidnak wene na lak tak pogolat, nin wene nambek tak pogolat yurag-e meya-o.

NGGALATIA 3:21

Iri ala-ge, imiri mbarak pidnak wene iri-nen-e urul pidnak wene na imin-e wim mbarak nggal worasu, lak? Mondok lag-o. Unluk wolmomtak elem wok nundurak imiri mbarak pidnak wene wok nindid nggal-e, imiri mbarak pidnak wene iri-nen-e Mbal Pem Nagawan imin lud tak nak nenpeleb-o.

NGGALATIA 5:16

An-e wene yu yak kundusu-o: Konak Indi-nen mirik konposola-ge, ki nap-nen ukwe ukwe yugwi mende iri-ge mondok langgal luk mburugup pug-o.

NGGALATIA 5:4

Imiri mbarak pidnak wene-nen lud tak nak nunpuwa-o luk kinndi mbung mbung tak worali nap kir-e Kerisut ebem-nen penggel yidnak nap-nen yili-o. Kir-e Mbal Pem Nagawan-nen we wok ondoso elem na ombol nggwe-t worali-o.

EPESUS 2:12

Nanduk kir-e Kerisut imin wud tak woragolat, Isarael nap inmin-e kir-e ap sal woragolat, Mbal Pem Nagawan-nen at ilirak wok undurak urul paga yak indidnak wene na-ge kit na wanurak puk na woraigeb-o. Nggweyak ma yu me woragolar-e, kinndi mbung mbung tak na lak, Kenmbal Pem Nagawan na lag-et woraigeb-o.

EPESUS 4:17

Iri bem-e, an-e wene yu yak kondosolar-e, Nagawan Indo unu bem nene amawi min-et yak kundusu-o: Kir-e tuguruk Mbal Pem Nagawan enaru buk nap-nen kwarugwi mende kwatli-ge meyog-o. It inndi-n perali mende-ge ebe lak mende-net yusu-o.

KOLOSE 2:4

Iri ala, ap misiger-o luk tet-nen konak wene yak kondosolat konmbol pem lujwa naru-nen an-e wene yu yak kundusu-o.

IBERANI 11:13

Nde, it ap iri oboksa-ge inndi angin tubu yogolat-net wat yikma-o. Nde, Mbal Pem Nagawan-nen urul paga yak indidnak iri-ge ir-e wanigit lag-et nde, wanurak mende iri-ge erepma-nen yik karuk, iri-net yusu-o luk, enalen kagolat woraiga-o. Iri bem-nen it-nen nam-et yogolar-e: ”Nir-e nggweyak ma yu me worali yu-ge ap sal, luru lobok yidnak irit worali-o” luk yiga-o.

IBERANI 7:18

Iri bem-e, nanduk imiri mbarak pidnak wene iri-ge ndeyak, ebe lak wene ala karuk, keya biga-o.

1 PETERUS 1:20

Kerisut iri na-ge o ndak wirigit lak ma-net Mbal Pem Nagawan-nen lenak ebamu-o. Nde, woroksiyem yawo tarem-nen-e kit kenmanggim nam tak pid irir-o.