NGGALATIA 3:12 - Nanduk Ngget Tul Pidnak Wene

¹² Alat nde, imiri mbarak pidnak wene iri-ge inndi angin tubu yugwi elem min parig-e lag-o. Are, Mbal Pem Nagawan engga mbarak pem-nen yosolar-e: ”Imiri mbarak pidnak wene-nen yidnak yidnak nak kwaruwa nab-e iri kwaridnak pem-net uruk wolma-o” luk mbarij-o.

NGGALATIA 3:12 ပူးပေါင်းရင်းမြစ်များ

NEMIA 9:29

Eneyanggo watluk, kat-nen yak indidnak wene kwara kwaruwakluk, kat-nen-e nggomo indingen-et nde, it-nen-e it-nen kwarurak enpem pidnak wene-ge inndi kek tak pogolar-e, keya biga-o. Ndemerer-e it-nen nde kat-nen kwarurak enpem pidnak ereba na nde kwarogola-ge, it unluk wolmomtak na-t nde, kulurag-e keya buruk, eneyanggo lak luk, lembe yogolar-e, kuligit lak yogolat, yidnak yidnak kwarigit lak yogolat yiga-o.

MATIUS 19:17

Yosoloma-ge, Yesus-nen at yak tosolar-e: ”Kar-e noluk-nen konak kwarurak wene iri an kin wok nubusu-o? Konag-e misiget nak Mbal Pem Nagawan-et worasu-o. Kar-e kuruk wolmomtak elem iri wanurak kindi perasolar-e, imiri mbarak pidnak wene iri-ge mondok kwarosolat wolmin-o” luk yak tij-o.

OROMA 11:6

Nde, it len inpid iri-ge it-nen kwaridnak mende bem-e lag-o. Are at-nen it unpud kaso bem-net len inpij-o. Nde, it-nen kwaridnak mende bem len inpidnggal-e, it unpud kaso elem iri-ge ebe lak yeleb-o.

OROMA 4:14

Nde, imiri mbarak pidnak wene-nen yidnak yidnak kwarugwi nap nak-nen Mbal Pem Nagawan urul pidnak wene winde yurak nggal-e, inndi angin tubu yugwi iri-ge ebe lak mende kwat yeleb-o. Nde, Mbal Pem Nagawan-nen urul pidnak wene iri na lak tak peleb-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

OROMA 7:10

an-e wat yigi-o. Nde, imiri mbarak pidnak wene iri-nen-e unluk tak poso wene-t nde, an worak nuburak wene nde kwat yij-o.