NGGALATIA 2:9 - Nanduk Ngget Tul Pidnak Wene

⁹ Iri ala-ge, it-nen-e Mbal Pem Nagawan-nen we wok ondoso mende an wok niridnak na karug-e, ap sarok Yakobus min Peterus min Yoanes min-nen-e an min Mbaranabas min nininggi tena buruk, wa yak kerak mbogolar-e, nit ninndi misiget yogolar-e, yu nggal yige-o: Nit nenmbereg-e enlem nin nap endam mborogolat, nde, ir-e Yawuri nap endam mborogolat mul-o luk yige-o.

NGGALATIA 2:9 ပူးပေါင်းရင်းမြစ်များ

MATIUS 16:18

Iri bem, an-nen yak kereyeg-o: Kar-e Peterus-nen yusu-o. Nde, kerep yu bem-nen an-nen idnak lambuk tak inpidnak nap iri-ge o wurugwi nggal wirimin-o. Nde, wat momtak elem amawi-nen an lambuk tak inpidnak nap iri na mondok urugwe nggwe rak unpuwa bug-o.

LUKAS 22:8

Iri tarem ala-ge, Yesus na Peterus min Yoanes min wirik onposolat-nen yak ondosolar-e: ”O Anggul Pandok Mbiridnak tarem nunggwi mende nok-nen kir-e lid lud tak pobok-nen mberer-o” luk yak indij-o.

YOANES 1:42

Iri lug-e, Andereas-nen Simon na Yesus eram ibil lobok yosola-ge, Yesus-nen Simon na yak tosolar-e: ”Kar-e Yona ambara Simon-nen yusu-o. Nde, kat kunu-ge Kepas-o” luk yarij-o. (Nde, Kepas min Peterus min iri-ge Yunani wene bem-e Kerep Ndobo-o yogolar-o.)

YIDNAK YIDNAK WENE 12:17

Nde, at-nen inggi warok pem nak-nen ”Kenne puk mer-o” yak unduruk, o kubu me-nen Nagawan Indo-nen lit uburuk lobok yidnak wene na kerengga yak indij-o. Yak undurug-e: ”Wene yu-ge Yakobus min nennggamirak tak inpidnak nap min kerengga yak undugup na-e” luk o nin me mbirij-o.

YIDNAK YIDNAK WENE 15:13

Wene na yogolikma-ge, Yakobus-nen yosolar-e: ”Nenggamirak wa-e. An yimin wene yu koler-o.

YIDNAK YIDNAK WENE 15:7

Nde, wene yu na mbal tenak worarug-e, Peterus na men luk, it yak ondosolar-e: ”Nenggamirak wa-e. Nanduk-net kit kennggendumu-nen Mbal Pem Nagawan-nen an len nibid iri-ge an-nen enlem nin nap aid wene yak ondosola kuluruk, inndi angin tubu yuwakluk-nen len nibid iri-ge kenaru nar-o.

YIDNAK YIDNAK WENE 4:36

Iri nggal kwarogolar-e, ap misik unu-ge Yusup iri-ge, it wirik inpidnak nap-nen unu mbi yarogolar-e, Mbaranabas yariga-o. At unu yogolar-e, Inndi Yangonoso La-o yogolat. At elem-e Lewi nap, nde, at uwi-ge Siperus-nen lobok yidnak nap na-nen-e

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 15:15

Alat nde, Mbal Pem Nagawan-nen yabu yu wanurak nebem pidnak me, yu wene-ge ”Yu nggal-o. Iri nggal-o” luk kwiye lag-et engga yu bem yeberak kunpusu-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

2 KORINTUS 11:5

Wirik inpidnak nap ereba-ge ija lombog-et nde, an nindi-nen perasolar-e, an na it inmin ndak ndak-nen yusu-o.

2 KORINTUS 12:11

An-e wid kwat yigi-t nde, kit-nen kwat nibidnak pem-net iri kwat yigi-o. Kit-nen kek tak nuburag-e an-et nde, an-e ebe lak mende nggal-et nde, yi kwarugwi ndi kwarugwi bem-e an-e wirik inpidnak nap ija lombok ereba inmin ndak ndak-net yusu-o.

2 KORINTUS 8:4

Marak nap yongga undugwi enabuwa elem wanogolar-e, it enmanggim silobulo pul-o luk it inndi mbek tak pem-net nit nenmengen kiri keresa mbariga-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

NGGALATIA 1:18

Olengen tiga woraruk, an-e Peterus na naru yekluk, Yerusalem mbirigirig-e, at imin lima belas nene yigi-o.

NGGALATIA 2:1

Olengen empat belas woraruk, an-e Mbaranabas imin luk tuguruk Yerusalem mborosolar-e, Titus na waruk mbirigi-o.

NGGALATIA 2:2

Mbal Pem Nagawan-nen-e: ”Iri me-t li-o” luk yak norosola-nen lagi-o. Lagirig-e, nanduk wanigi yabu min yawo wanusu yabu na min ebe lak mende ma naru, it unnu kek tak nap enarik inmbiri bem an-nen-e enlem nin nap aid wene yak indigi wene iri na yak indigi-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

EPESUS 2:20

O ugwi wirik inpidnak nap min Mbal Pem Nagawan ene lomboksa yugwi nap min enpem-nen wiridnak nab-e kit-nen yili-o. Nde, o paro pidnak iri-ge Kerisut Yesus-net yusu-o.

EPESUS 3:8

Marak nap oboksa ennggendumu-nen an-e nagweyak nggal-et nde, Kerisut arengge wonarurak puk mende iri-ge enlem nin nap yak unduwakluk, Mbal Pem Nagawan-nen we wok ondoso bem-net wok neramu-o.

KOLOSE 1:29

Iri kwat unpurak pem an-e namawi min-et yabu wok tenak woralar-e, Kerisut-nen wok niridnak amawi kwarat iri na bem-nen yabu wanusu-o.

1 TIMOTIUS 3:15

Alat nde, an ndag-et lobok yigit lak nde ala-ge, Mbal Pem Nagawan ama woragwi nap nggal, uruk nak woraso Mbal Pem Nagawan-nen idnak lambuk tak inpidnak nap nir-e ngge nggal woragwi-o luk karu yonokluk-nen mbarusu-o. Nde, lambuk tak inpidnak nab-e ndemeret wene paro min eyogo woraso min-nen yusu-o.

1 YOANES 1:3

Nir-e Nineid min at Ambara Yesus Kerisut min inmin-e erep kundik worali-o. Nde, kir-e nit ninmin lambuksa erep kundik woraboklug-e, nit nenlengen-nen kaidnak min neneyanggo-nen kulidnak min iri na-t yak kindili-o.

NAM PARA WENE 3:12

Amawi luk ombol nggwe yuwa nab-e an-nen-e an Nembal Pem Nagawan uwi ndum tak ibimin-o. Ubumu-ge, iri me-nen kona mburuwa bug-o. Nde, Nembal Pem Nagawan unu min Nembal Pem Nagawan uwi siri Yerusalem ngget Nembal Pem Nagawan eram aid arem-nen mbuma iri na unu min an nunu ngget min-e at ebem mbarimin-o.