NGGALATIA 2:6 - Nanduk Ngget Tul Pidnak Wene

⁶ Alat nde, ap sarok iri-ge (it unnu kek tak pidnag-e an-nen nggulok tak pimin pug-o. Mbal Pem Nagawan-nen-e ap entare kaidnak pem mbenat onposo pug-o) ap sarok iri na-nen-e enne amawi min yak niriga-t nde, nin wene mbi yak nirigit lag-o.

NGGALATIA 2:6 ပူးပေါင်းရင်းမြစ်များ

MATIUS 22:16

Iri luk, it-nen wirik onpogolar-e, it inmin nugwi nap ereb-e Eroriani nap inmin luk, Yesus eram wok luk, at yak togolar-e: ”Nggomo Ondoso Nap wa-e. Kar-e lud tak nak yoso nap-nen yusu-o luk nir-e nenaru-o. Nde, Mbal Pem Nagawan urula mburugwi wene-ge nam-et nak ap mirik onposolat, ap entare mbenaroso buk me, kar-e kwiye lag-et mirik onposo-o.

MARAKUS 12:14

Wirik onpogolikma-ge, it na Yesus eram mbirigarik, at yak togolar-e: ”Mul Ondoso Nap wa-e. Kar-e mot mot nak kwarosolat, ap enpage lombonoso buk iri-ge nir-e nenaru-o. Nde, kar-e ap entare na mbenaroso buk me, Mbal Pem Nagawan indi-nen nggweyak ma nap-nen kwaruwag-o luk perasu wene-ge kar-e mot mot nak mul nundusu-o. Kar-e iri yoso me, nit-nen wanugwi imiri mbarak pidnak wene bem-e nit-nen Kaisat amanggim tol purag-e meya lak? Nir-e mondok purag-a? Are, purak pug-a?” luk kin wok ibiga-o.

LUKAS 20:21

Nde, it enlengen enlengen yuwakluk onggo wok indidnak nap na-nen Yesus yak togolar-e: ”Mul Ondoso Nap wa-e. Kat-nen yoso wene min kat-nen mul nondoso wene min mot mot nak yoso-o luk nir-e nenaru-o. Nde, kar-e ap entare mbenaroso buk me, kat-nen-e ki nap-nen kwarurak Mbal Pem Nagawan indi-n peraidnak iri-ge kar-e mondok nam-et nak mul nondoso-o.

YIDNAK YIDNAK WENE 10:34

Yosoloma, Peterus na tel korosolat-nen yosolar-e: ”Ndemeret, Mbal Pem Nagawan-e ap entare mbenaroso bug-o luk naru yigi-o.

YIDNAK YIDNAK WENE 5:36

Nandug-e ap Teuras na men yarik, at ambikpebe kek yosola-ge, ab-e empat ratus (400) nggal at imin niga-t nde, at worogolikma-ge, imin niga nap oboksa ndibi ndi yogolar-e, lak agaid nar-o.

OROMA 2:11

Nde, Mbal Pem Nagawan-e ap enpage lombonoso bug-o.

2 KORINTUS 11:5

Wirik inpidnak nap ereba-ge ija lombog-et nde, an nindi-nen perasolar-e, an na it inmin ndak ndak-nen yusu-o.

2 KORINTUS 12:11

An-e wid kwat yigi-t nde, kit-nen kwat nibidnak pem-net iri kwat yigi-o. Kit-nen kek tak nuburag-e an-et nde, an-e ebe lak mende nggal-et nde, yi kwarugwi ndi kwarugwi bem-e an-e wirik inpidnak nap ija lombok ereba inmin ndak ndak-net yusu-o.

2 KORINTUS 5:16

Iri bem, nir-e ap enpage mbenarogolar-e, ki nap-nen irit wurugwi mende bem-nen mbenatli bug-o. Nanduk nir-e Kerisut abage mbenarogolar-e, ki nap-nen irit wurugwi mende bem mbenarige-t nde, yawo-nen-e iri nggal kwasa at abage mbenatli bug-o.

NGGALATIA 2:2

Mbal Pem Nagawan-nen-e: ”Iri me-t li-o” luk yak norosola-nen lagi-o. Lagirig-e, nanduk wanigi yabu min yawo wanusu yabu na min ebe lak mende ma naru, it unnu kek tak nap enarik inmbiri bem an-nen-e enlem nin nap aid wene yak indigi wene iri na yak indigi-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

IBERANI 13:17

Kit kennggendumu enne kolobokluk mendak inpidnak nap-nen yidnak wene wanogolat, it-nen yidnak yidnak nak kwarogolat wolmer-o. It-nen-e kit kinndi yik karok woragolar-e, perari yili bug-o. Iri yili iri-ge ap inndi yik karok woraidnak pem Mbal Pem Nagawan-nen an nebem wene mbaruwa-o peragoluk-nen yik keneyarok worali-o. Nde, kit-nen nde it-nen yidnak yidnak kwarogola-ge, it eneyabu-ge enalen min-et wanogolat wolma-o. Nde, kit-nen iri kwarigit lak yogola-ge, it inndi puru min-et eneyabu wanuwa iri-nen kit kenmanggim-e ebe worak mende ma-ge lag-o.

IBERANI 13:7

Nandug-et Mbal Pem Nagawan-nen yidnak wene yak kunduwakluk mendak inpidnak nab-e yebet yebet tak wolmer-o. It unluk woragolat-nen kwarugwi enpage iri-ge kwara lombot puruk, it-nen inndi angin tubu yidnak iri-ge iri nggal-et kit-nen na kinndi angin tubu yogolat wolmer-o.

1 PETERUS 1:17

Kit-nen Mbal Pem Nagawan eram tepan yogolar-e: ”Nineij-o” luk yugwi-t nde, Mbal Pem Nagawan-e ap ondomoktak-nen kwaridnak ndak ndag-et entare limbinigit lak enpem wene mbaroso-o. Iri bem-e, kir-e nggweyak ma yu me woragolar-e, Mbal Pem Nagawan kek tak obogolat wolmer-o.