NGGALATIA 2:21 - Nanduk Ngget Tul Pidnak Wene

²¹ An-nen-e Mbal Pem Nagawan-nen we wok ondoso elem iri-ge nimbir-o yimin pug-o. Imiri mbarak pidnak wene bem-nen ap lud tak nak onposo nggal-nen-e Kerisut-e wewesa wat yeleb-o!

NGGALATIA 2:21 ပူးပေါင်းရင်းမြစ်များ

NDAWI ENGGA 33:10

Ap enlem oboksa-nen ”Iri nggal-et kwaruwog-o” luk wene mbaridnag-e Nagawan Indo-nen yugwi rugwi rak poso-o. It inndi-nen yebet kaidnak mende-ge at-nen lak tak poso-o.

YESAYA 49:4

Alat nde, an-nen yosolar-e: ”An-nen yabu wanosolat nirigak mbij-e wewesa namawi nak lak tak pigi-o!” luk yigi-o. Alat nde, Nagawan Indo-nen-e an nowene mbarosolat, an-nen yabu wanidnak ndak ndag-et onggo wok nuruwa-o luk naru worasu-o.

MARAKUS 7:9

Yak unduruk, Yesus-nen tuguruk it yak ondosolar-e: ”Nde, kir-e Mbal Pem Nagawan-nen: ’Irit kwarurag-o’ yidnak wene keya buruk, kit kondomok-nen kwarugwi wene tena wolmomtag-e kir-e mondok kenaru lombog-o!

OROMA 10:3

Mbal Pem Nagawan-nen ap lud tak nak unpurak kwaroso iri-ge ir-e nenaru buk me, it inndi-n pidnak pem lud tak nak unpuwa-o luk peragolar-e, ir-e Mbal Pem Nagawan indi-nen pidnak na kwatli bug-o.

OROMA 11:6

Nde, it len inpid iri-ge it-nen kwaridnak mende bem-e lag-o. Are at-nen it unpud kaso bem-net len inpij-o. Nde, it-nen kwaridnak mende bem len inpidnggal-e, it unpud kaso elem iri-ge ebe lak yeleb-o.

OROMA 4:25

Yesus na-ge nit meya yidnak pem wat makluk, weserak uburuk, nit lud tak nak nunpuwakluk uruk tak pij-o.

OROMA 8:31

Iri bem-e, nir-e no nde yul-o? Mbal Pem Nagawan-e nit ninmin worasola-ge, ta-nen nde nit sil niniyujwa-o?

1 KORINTUS 15:14

Nde, Kerisut nde uruk tak pigit lak nggal-nen-e nit-nen aid wene yili yu na ebe lak mende-nen yusu-o. Nde, kit kinndi angin tubu yili na wewesa-nen yusu-o.

1 KORINTUS 15:17

Nde, Kerisut nde uruk tak pigit lak-nen-e kit-nen kinndi angin tubu yili na ebe lak mende kwat yosolar-e, kit na kit meya yidnak min-et worali-o.

1 KORINTUS 15:2

Kit-nen nde aid wene na puksa tena woragola-ge, an-nen yak kindigi aid wene iri-net kinmiri yuwa-o. Nde, aid wene na bem kwara kinndi angin tubu yigit lak ala-ge, ebe kwat ma bug-o.

NGGALATIA 2:16

Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

NGGALATIA 2:18

Nde, an-nen nde an-nen mijarak pidnak mende tuguruk worosolar-e, iri kwarosolar-e, an-e nam-et imiri mbarak pidnak wene kuruk toso nab-et kwarusu-o.

NGGALATIA 3:21

Iri ala-ge, imiri mbarak pidnak wene iri-nen-e urul pidnak wene na imin-e wim mbarak nggal worasu, lak? Mondok lag-o. Unluk wolmomtak elem wok nundurak imiri mbarak pidnak wene wok nindid nggal-e, imiri mbarak pidnak wene iri-nen-e Mbal Pem Nagawan imin lud tak nak nenpeleb-o.

IBERANI 7:11

Musa-nen imiri mbarak pidnak wene iri-ge tepan omborak Lewi-nen wigarak iri enpem-nen wene iri-ge Isarael nap wok endamu-o. Nde, tepan omborak Lewi nap iri-nen-e it iminep mbarak unpurag-e ndak nggal-e, noluk-nen tepan ombo misik iri nam tak peleb-o? Nde, tepan ombo misik nam yid iri-ge Arun nggal-e lag-o. Are, Melkisendek nggal-o.