NGGALATIA 2:16 - Nanduk Ngget Tul Pidnak Wene

¹⁶ Alat nde, wene yu nir-e nenaru-o. Imiri mbarak pidnak wene-nen yidnak yidnak nak kwaridnak pem-nen ap lud tak onposo bug-o. Inndi-ge Yesus Kerisut ebem angin tubu yidnak pem-net lud tak onposo-o. Nit-nen na irit, Kerisut Yesus ebem ninndi angin tubu yige iri-ge, lud tak nunpuwakluk-nen ninndi-ge Kerisut ebem angin tubu yige-o. Nde, imiri mbarak pidnak wene-nen yidnak yidnak kwaridnak pem-nen-e lud tak nenpelep pug-o. Imiri mbarak pidnak wene-nen yidnak yidnak nak kwaridnak pem-nen-e ap lud tak onposo bug-o.

NGGALATIA 2:16 ပူးပေါင်းရင်းမြစ်များ

YOANES 20:31

Alat nde, engga yu arem worasu yeba mbarak yu-ge, kit-nen-e Yesus-e Mbal Pem Nagawan ambara Mesias-nen yusu-o luk kinndi-ge at ebem angin tubu yogolat, kinndi angin tubu luk, at unu bem kunlug-et worabokluk-nen mbaridnag-o.

YIDNAK YIDNAK WENE 4:12

Nin nap mbi unu bem ninmiri yaga wok undurag-e meya-o. Nggweyak ma yu me, o kuri ap kuri-nen nit ninmiri yaga wok nundurak Unu-ge ap-nen unu yaridnak nin mbi-ge lag-o” yuruk yij-o.

OROMA 1:17

Aid wene na-nen-e Mbal Pem Nagawan-nen at ondomok imin ap mot tak onposo wene iri nam tak pij-o. Mot tak onposolar-e, it inndi angin tubu yidnak kuri-net woroksiyem-e inndi angin tubu yidnak pem nak wolma nab-e Mbal Pem Nagawan engga mbarak pem-nen yosolar-e: ”Inndi angin tubu yidnak pem Mbal Pem Nagawan-nen lud tak nak inpidnak nab-e unlug-et wolma-o” luk yid iri nggal-nen yusu-o.

OROMA 3:30

Nde, Mbal Pem Nagawan-e misiget nak-nen yusu me, iniye ambasap wabugwi nap na inndi angin tubu yidnak pem-net lud tak nak onposolat, iniye ambasap wabugwi buk nap na irit, it inndi angin tubu yidnak pem-net lud tak nak onposolat ma-o.

OROMA 4:2

Nde, Abaram na-ge yi kwatlik ndi kwatlik kwaridnak pem-nen at lud tak nak ibidnggal-e, at ondomok kek yeleb-et nde, Mbal Pem Nagawan imbiri bem-e at kek yurag-e meya-o.

OROMA 4:24

Are, nir-e Nagawan Indo Yesus wat yidnak nap ennggendumu-nen uruk tak pid Mbal Pem Nagawan ebem ninndi angin tubu yul me, lud tak nak nunpuwa nap nit nenmanggim na irit mbaridnak-nen yusu-o.

OROMA 8:3

Nde, ki nap enpage ndeyak me, imiri mbarak pidnak wene-nen kwarurag-e meya agaid iri-ge Mbal Pem Nagawan-net kwarij-o. Kwarosolar-e, meya kwarugwi elem lak tak puwakluk, at ambik Ambara ibil lobok yosolar-e, meya kwarugwi nap enaboro worak irit ibil lobok yid iri-nen-e meya kwarugwi elem ki nap enarem worasu iri na urugwe nggwe rak pij-o.

OROMA 9:30

Iri ala-ge, nir-e no nde yul-o? Yu nggal yuwog-o. Enlem nin nap iri-ge lud tak nak kwarugwi elem-e langgal luk mbirigit lak yiga-t nde, it inndi angin tubu yidnak pem-e Mbal Pem Nagawan imin-e lud tak nak inpij-o.

1 KORINTUS 6:11

Kit ereb-e iri nggal kwarugwi woraigeb-o. Alat nde, Nagawan Indo Yesus Kerisut unu bem-nen Nenmbal Pem Nagawan Indi bem-nen kit mat kunpuruk, mbek tak kenpaga lud tak kinpij-o.

NGGALATIA 4:5

imiri mbarak pidnak wene urugwe nggwe woraidnak nap nonggo buruk weserak nunpuruk, Mbal Pem Nagawan ilirak tak nunpuwakluk ibil lobok yid irir-o.

NGGALATIA 5:4

Imiri mbarak pidnak wene-nen lud tak nak nunpuwa-o luk kinndi mbung mbung tak worali nap kir-e Kerisut ebem-nen penggel yidnak nap-nen yili-o. Kir-e Mbal Pem Nagawan-nen we wok ondoso elem na ombol nggwe-t worali-o.

PILIPI 3:9

at arem worayekluk-nen yigi-o. An-e lud tak nibidnak yu-ge an nindi-net iri kwareyeg-o luk, an-nen imiri mbarak pidnak wene-nen yidnak yidnak kwaroso ala-nen kwat nibidnag-e lag-o. Are, Kerisut ebem nindi angin tubu yidnak pem-net lud tak nak nibidnak perak nde worasu-o. Inndi angin tubu yidnak pem-net Mbal Pem Nagawan-nen lud tak nak onposo iri nde yigi-o.

1 PETERUS 1:2

Nineid Mbal Pem Nagawan indi-n pidnak pem-net at elem nap makluk len kinpid iri-ge Konak Indi-nen at amanggim nap tak kunpuwakluk, Yesus Kerisut-nen yidnak yidnak kwarobokluk, at eyabi-nen mbek tak kunpuwakluk len kinpid irir-o. We wok ondoso elem min lambuksa woragwi elem min kwarat wok kondosolat wolmag-o.

1 PETERUS 2:24

Nir-e meya yugwi elem inggem-nen weserak woragolat, lud tak nak kwarogolat wolmakluk, Kerisut at-net nit meya yidnag-e at ondomok ebem puruk, e lang pang tak pem wat yij-o. At wiridnak sa ud iri-nen-e kit ki rak kinpij-o.

1 PETERUS 3:18

Nde, Kerisut na irit, ap-nen meya yidnak pem mondok misik tarem-et ap pidsa enmanggim wat yij-o. Lud tak nak kwaroso nab-e lud tak nak kwarugwi buk nap enmanggim wat yosolar-e, Mbal Pem Nagawan eram lit nunpuruk mbereyekluk wat yamu-o. Nde, ki nap enpage worak iri na wiriga-t nde, indi irit uruk tak pij-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

1 YOANES 1:7

Nde, Mbal Pem Nagawan-e yaya bem worasu nggal, nit-nen na yaya bem woragolar-e, nit na nit-net nennggamirak inmin erep kundik worali-o. Woragola, at Ambara Yesus eyabi-nen-e nit meya yugwi pidsa marak nunpusu-o.

NAM PARA WENE 7:14

Yosoloma-ge, an-nen wene iri erep nggarosolar-e: ”Nap wa-e. An naru bug-o. Kat perak nde karu-o” luk yosolakmu, at-nen yak norosolar-e: ”Ap yeba-ge andi bandi mende nggulok it enpem mbidnag-et nde, ob-et woraidnak nab-o. It unsum marogolar-e, Lomba Wam Marik eyabi bem-net unsum-e masa loro rak pidnag-o.

NAM PARA WENE 7:9

Iri luk, yik kaginggal-e, ap kwarat ndok worak, wanat unpurak mondok meya irit eneyagi-o. It iri na-ge ap enlem oboksa min ap enlem ndomok oboksa min ab-e ap oboksa min ap enne oboksa min ndok worak ereba na-ge nagawan koreyak woraso ondoro na min Lomba Wam Marik na min urugwe nggwe mendak woragolar-e, unsum loro yutluk, mbari angga ininggem tena woraiga-o.