NGGALATIA 2:15 - Nanduk Ngget Tul Pidnak Wene

¹⁵ Nir-e nenlem-e Yawuri nab-er-o. Nir-e meya yugwi nap, enlem nin nab-e lag-o.

NGGALATIA 2:15 ပူးပေါင်းရင်းမြစ်များ

MATIUS 9:11

Nonggolat woragola, Parisi nap-nen eneyarug-e, it-nen Yesus owosirak yak ondogolar-e: ”Nggomo Ondoso Nap iri-ge noluk-nen tol ndok wurugwi nap min meya nak kwarugwi nap min iri na inmin totno nasolat worasu-o?” luk yak indiga-o.

LUKAS 24:7

’Ap Ambara an-e mondok meya yugwi nap ininggem wesera nubuwama, e lang pang tak pem panggarak nubuwama, mberen nene luk, kenan tak purak pem-e nuruk yimin-o’ luk yak kindid na yebet ker-o” luk yak indiga-o.

YIDNAK YIDNAK WENE 22:21

Alat nde, Nagawan Indo-nen an yak norosolar-e: ’Mbiri-o. An-e wandakma enlem nin nap endam wirik kibimin-o’ luk yak nirij-o” luk yij-o.

OROMA 3:9

Iri ala-ge, nit Yawuri nab-e kek tak woragola, enlem nin nab-e teberak woragwi-a? Mondok lag-o! Nde, an nanduk yak kodosolar-e, Yawuri nap na irit, enlem nin nap na irit pik paksa-ge meya yugwi elem-nen teberak unpuruk woraso-o luk yak kindigi nar-o.

OROMA 4:16

Nde, urul pidnak wene iri-ge Mbal Pem Nagawan ebem indi angin tubu yidnak pem-net yak tij-o. Iri yak tid iri-ge, urul pidnak wene iri-ge we wok ondoso elem pem Abaram-nen ndagaidnak lolo pidsa-nen winde yuwakluk-nen yak tij-o. Imiri mbarak pidnak wene-nen yidnak yidnak nak kwarugwi nap enmanggim nag-e lag-o. Are, Abaram indi angin tubu yid nggal, iri nggal ninndi angin tubu yul nap na nenmanggim-nen yusu-o. Nde, Abaram iri-ge nit pidsa nineid-nen yusu-o.

NGGALATIA 2:17

Alat nde, nit-nen nde Kerisut ebem-nen lud tak nak nunpuwakluk nenmawi kunduruk tu kore yili-t nde, nit Yawuri nab-et nde enlem nin nap nggal meya yugwi nde ala-ge, iri-nen-e Kerisut-e meya kwarugwi elem ndegel poso-nen yusu-o luk eberaul-a? Mondok lag-o.

EPESUS 2:3

Nde, ndemeret nit oboksa-nen na nandug-e it worali nggal-et woraige-o. Iri nggal woragolar-e, nit nenpe-nen ukwe ukwe yugwi mende nak kwarogolar-e, nit nenpe min nit ninndi meya iri-nen ukwe yidnak mende na kwarogolat woraige-o. Iri kwarogola-ge, Mbal Pem Nagawan isilepma-ge it erep enpem pusu iri nggal, nit nenpem na purag-et woraige-o.

PILIPI 3:4

An-nen perak nde iri mende bem nindi mbung mbung tak wolmomtag-o ob-o. Ap erep-nen nde enaboro-nen kwarugwi mende bem nde inndi mbung mbung tak woragola nggal-e, an perak terak minik nindi mbung mbung tak woraleb-o.

TITUS 3:3

Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

1 SEMUEL 15:18

Iri-nen: ’Amalek nap meya yugwi iri-ge mondok lak tak inpi-o’ luk kebem pij-o. ’Iri yosolar-e, kat-nen inmin wim mbarosolat, mondok obok pendega lak tak unpurag-o’ luk yak kirij-et nde,