NGGALATIA 1:8 - Nanduk Ngget Tul Pidnak Wene

⁸ Alat nde, nit-nen ala na, aid arem-nen lobok yidnak aid nap-nen ala na, nit-nen yak kindidnak aid wene keya buruk, nin aid wene yak kunduwa nab-e imbiri lamut mag-o.

NGGALATIA 1:8 ပူးပေါင်းရင်းမြစ်များ

NDAK WIRIDNAK WENE 9:25

at-nen yosolar-e: ”Kanan iri-ge imbiri lamut mag-o! Nde, at iri-ge mondok anggamirak mumnggup manggi mondok wolmag-o.

YEREMIA 23:16

Nagawan Indo Mondok Amawi Worak iri na-nen Yerusalem woragwi nap yak ondosolar-e: ”Kir-e an nene lomboksa yugwi nap nggal kwasa-nen ebe lak wene yak kindili ereba-ge mondok kulurak pug-o. It-nen yak kondogolat worali ereba-ge an-nen yak indidnak wene-ge lag-o. It ondomok inndi-nen yebet kaidnak ereba na-t mbela yak kondogolat worali-o.

YEREMIA 23:36

It-nen wene yogolar-e: ’Nagawan Indo-nen angin worak nenpem pidnag-o’ nak yili iri-ge keya buwag-o. It-nen nde wene iri nggal iri nde kundugu-t woragola-ge, an-nen yidnak wene-ge mondok ndemeret at amanggim-e angin worak tag-et pimin-o. Ap-nen yogolar-e: ’Nagawan Indo-nen angin worak nenpem pidnag-o’ yogolar-e, iri-ge Enmbal Pem Nagawan uruk nak woraso, Nagawan Mondok Namawi Worak nene iri na nden kagolat-nen yili-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

MARAKUS 14:71

Yak togolikma-ge, at Peterus-nen owak mbarosolat-nen yosolar-e: ”Kit-nen yili nap iri-ge an-e mondok ndemeret naru bug-o” luk owak mbarosola,

YIDNAK YIDNAK WENE 23:14

Iri lug-e, it na tepan ombo nagawan nagawan min ogore yidnak nap min endam mbirigarik-nen yogolar-e: ”Nir-e Paulus wirigit lak woragolar-e, yi min mburu min nul pug-o luk owak mbarigerik me,

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

OROMA 9:3

An nelem nap iri enabuwa-nen it enmanggim-e an-nen perasolar-e: ”An-e imbiri lamut tak nuburuk, Kerisut eram-nen arik tak nebeleb-o!” luk peraso-o.

1 KORINTUS 12:3

Iri bem-e, an-nen wene yu-ge kwara kenaru rak peyeg-o. Konak Indi arem woraso nap-nen-e ap misiger-o luk tet-nen yosolar-e: ”Yesus iri-ge imbiri lamut mag-o!” luk yoso bug-o. Nde, ap misiger-o luk tet-nen yosolar-e: ”Yesus iri-ge Nagawan Indo-nen yusu-o” luk yoso iri-ge Konak Indi arem worasu iri bem nak-nen yoso-o.

1 KORINTUS 16:22

Nagawan Indo abuwa kaso buk nap perak nde, imbiri lamut mag-o! Maranata! yogolar-e: ”Nenagawan Indo wa-e. Lobok yi-o!”

NGGALATIA 1:9

Nanduk yige iri na nggal-et, yawo na an-nen tuguruk yak kundusu-o: kit-nen wanigep aid wene keya buruk, nin aid wene yak kunduwa nab-e imbiri lamut mag-o.

NGGALATIA 3:10

”Imiri mbarak pidnak wene-nen yidnak yidnak nak kwarosolat woramin-o” luk perali nab-e imbiri lamut urugwe nggwe worali-o. Nde, Mbal Pem Nagawan engga bem-nen yosolar-e: ”Imiri mbarak pidnak wene-nen yidnak yidnak pik paksa kwarigit lak nab-e imbiri lamut worasu-o” luk yij-o.

NGGALATIA 3:13

Alat nde, Kerisut-e imiri mbarak pidnak wene-nen imbiri lamut tak ninpidnak iri na inggiyem-nen nonnggo buruk weserak nenpeyekluk, nit nenmanggim imbiri lamut nde agaij-o. Mbal Pem Nagawan engga bem-nen yosolar-e: ”E bem panggarak inpidnak nab-e inmbiri lamut mag-o” luk yij-o.

TITUS 3:10

Ap mbi-nen ndowaga lambuk tak inpidnak nap ennggendumu kuri wat onposo nap iri mberen pem-et nggomo wurugun-et nde, kuligit lak ala-ge, at imin-e are kundurak pug-o.

YOSUA 9:23

Kit-nen iri kwarigep pem-e Mbal Pem Nagawan-nen angin worak kenpem puwa-o. Kit kenlem-e pempa ndegel unpugwi nap nak woragolar-e, an Nembal Pem Nagawan uwi iri na amanggim kan nggarugwi nap kwat yogolat, yi kenanggugwi nap kwat yogolat woragub-o” luk yak indij-o.

2 PETERUS 2:14

It inndi kundig-e mbabi yugwi kwami iri na enpem enlengen yumburugwi me, ir-e meya kwarurak pem insili yoso bug-o. It iri-nen-e kwara inndi angin tubu yigit lak nap na enare pili-o. It inndi-nen ukwe akwe bem mbarak purak puk mamarak pidnak me, it iri-ge Mbal Pem Nagawan-nen inmbiri lamut tak inpidnak-nen yili-o.