NGGALATIA 1:7 - Nanduk Ngget Tul Pidnak Wene

⁷ Alat nde, wene nin iri-ge ndemeret aid wene-nen yusu-ge lag-o. Are, ap erep-nen-e kit nari wari rak konpogolat, Kerisut-nen idnak aid wene na nden penden tak puwokluk kwatli-o.

NGGALATIA 1:7 ပူးပေါင်းရင်းမြစ်များ

YEREMIA 23:26

It ennesiget an nene lomboksa yugwi nap ereba-ge it ondomok inndi-nen pidnak wene ereba na nilirak kabak tak unpuwokluk pem irit yak ondogolat wolma-a?

YEREMIA 23:36

It-nen wene yogolar-e: ’Nagawan Indo-nen angin worak nenpem pidnag-o’ nak yili iri-ge keya buwag-o. It-nen nde wene iri nggal iri nde kundugu-t woragola-ge, an-nen yidnak wene-ge mondok ndemeret at amanggim-e angin worak tag-et pimin-o. Ap-nen yogolar-e: ’Nagawan Indo-nen angin worak nenpem pidnag-o’ yogolar-e, iri-ge Enmbal Pem Nagawan uruk nak woraso, Nagawan Mondok Namawi Worak nene iri na nden kagolat-nen yili-o.

MATIUS 24:24

Enesiget siget Kerisut min enesiget siget Mbal Pem Nagawan ene lomboksa yugwi nap min nam marig-e, it-nen-e wi yurak mende min kwiye worak mende min kwarat kwarogolar-e, Mbal Pem Nagawan-nen len inpidnak nap ereba na onmbol pem ludtag-e ndak nggal-e, irit kwatleb-o.

YIDNAK YIDNAK WENE 13:10

yak tosolar-e: ”Kar-e Sere ambara-nen yusu-o. Kar-e lud tak kwarugwi min wim poso-o. Kat karem-e ap onmbol pem laso yi meya ndi meya nin tak nan tak kobong tak worasu-o. Kar-e Nagawan Indo-nen ndung tak pidnak tula-ge mbisik tak pusu-ge mepme-nen kondok yugun-o?

YIDNAK YIDNAK WENE 15:24

Nit-nen kologolar-e, nit nennggendumu-nen mbiridnak nap ereb-e nit-nen ’Wene iri yer-o’ luk yak indigit lag-et nde, it inndi-n pidnak pem nak yak kondogolar-e, nari wari rak konpogolat, kinndi mberen tak pili wene kulige-o.

YIDNAK YIDNAK WENE 20:30

Kit kenambik kennggendumu-net ap erep men yogolar-e, Yesus ene wanugwi nab-e it langgal unpurak makluk, enesiget wene nde yuwa-o.

2 KORINTUS 11:13

Iri kwatli nap iri-ge ennesiget wirik inpidnak nap nggal kwatluk, yabu enesiget siget wanogolar-e, Kerisut-nen wirik inpidnak nap nggal luk kwatli-o.

2 KORINTUS 2:17

Ap erep kwarat-nen-e Mbal Pem Nagawan-nen yidnak wene iri na bem-nen onggo lesa wanuwokluk wene iri yil waring kali nggal, nit-nen iri nggal kwatli-ge lag-o. Are, Mbal Pem Nagawan-nen wirik ninpidnak pem-e, nit-nen wene yogolar-e, Mbal Pem Nagawan imbiri bem yidnak nggal-et Kerisut ebem-nen wene mot mot nak yili-o.

2 KORINTUS 4:2

Kuruwaga kwarugwi innggiri rak poso mende iri-ge nit-nen keya bige-o. Nir-e ap onmbol pem lagolat, Mbal Pem Nagawan-nen yidnak wene lugud kagolat yili-ge lag-o. Are, ndemeret wene iri na nam-et yogolar-e, ap oboksa enarem-nen konak nak nenperagola, Mbal Pem Nagawan imbiri bem worali-o.

NGGALATIA 1:6

Kir-e Kerisut-nen we wok ondoso elem pem-net wene mbo kinpid nap na ndaget nak keya buruk, nden karuk nin aid wene langgal luk mbitli iri bem an-e wi yusu-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

NGGALATIA 4:17

Nde, it iri-ge ennesiger-et nde, it enambigit nggwe mborobokluk, enmawi kundili-o. Nde, iri kwatli iri-ge, an nimin woragwi na pok tak puwokluk-nen yili-o.

NGGALATIA 5:10

Alat nde, Nagawan Indo ebem ala kir-e an nimin kundik worali me, an-nen yebet kasu irit kit-nen na yebet kagub-o luk perasu-o. Nde, nari wari rak kunpusu nab-e, ebe-ge an naru bug-et nde, Mbal Pem Nagawan-nen-e ap iri na ebem wene mbaruwa-o.

NGGALATIA 5:12

Kit nari wari rak kinpili nap iri-ge it-net it ondomok iniyiri wok kurujwag-o!

NGGALATIA 6:17

Yesus arengge-nen yusu-o luk yenggerak nuburak pem an nebem ud aroro worasu me, yawo kuri-nen-e ap mbi-nen an anggun panggun tak nuburag-e lag-o.

2 TIMOTIUS 2:18

It iri-ge ndemeret wene na lugud tak pogola-nen mul ondogolar-e: ”Ap unluk momtak tarem-e abu kwat yamu-o” yogola-ge, ap erep inndi angin tubu yidnak na lak tak pili-o.

1 YOANES 2:26

An engga mbarusu yu-ge kit konmbol pem lokluk enmawi kundili nap iri wene mbarusu-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

2 YOANES 1:10

Iri bem-e, nin nap-nen lobok yuwarik, nin wene owak yak kondogola-ge, kenma rak unpurak puk, wa na yak undurak puk na-e.

2 YOANES 1:7

Nde, ap onmbol pem lagwi nap kwarar-e yi wi ndi wi waring kali-o. Nde, it iri-nen yogolar-e: ”Yesus Kerisut iri-ge nggweyak ma nap nggal lobok yij-o” luk yili bug-o. Nde, iri yugwi nap iri-ge Kerisut uwim nap, ap onmbol pem lagwi-nen yili-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 2:2

Kit-nen kwarugwi min kit-nen kenmawi min yabu wanugwi min kit-nen mamak puruk woragwi min iri-ge an-e naru-o. Kit-nen meya yugwi nap kinsili rak inpili min, ap-nen yogolar-e: ’Nir-e wirik ninpidnak nap-nen yili-o’ luk yogola-t nde, kit-nen lombot unpuruk, ennesiget yugwi nab-er-o luk yenggerak inpili min iri na an-e naru-o.

NAM PARA WENE 2:20

Kwe Isebel iri-nen yosolar-e: ’An-e Mbal Pem Nagawan-nen nibil lobok yidnak-nen yusu-o’ yosolar-e, an ndegel nubugwi nap enmberam lasolar-e, mbabi kwarurak min kugiwak amanggim pidnak nunggwi mende norak min mul ondoso kwe Isebel na kinndi wok tili iri perak an-e nisili-o.

NAM PARA WENE 2:6

Alat nde, kit-nen konak nggal kwatli misig-e yu-o: Nikolaus ene wanugwi nap-nen kwarugwi iri-ge an-nen nisili kaso iri na nggal-et kit-nen na kinsili kali-o.

NAM PARA WENE 20:3

Iri luk, aid nap iri-nen waro na-ge wat yugwi mbun arem pil ngguruk, tu imig worak puruk, kuwak ma naru lop nok tak pugwi mende bem panggarak pid iri-ge olengen seribu (1,000) iri awo lak yigit lak ma ap enlem oboksa onmbol pem lujwa naru-nen kwarij-o. Nde, iri rak puruk, siyag-et nak wolmomtak pem mondok wisirik ubuwa-o.