NGGALATIA 1:12 - Nanduk Ngget Tul Pidnak Wene

¹² Wene iri-ge ki nap-nen wok nirigit lag-o. Ap-nen mirik nubugwi na lag-o. Are, Yesus Kerisut at-net nam yaga mirik nibij-o.

NGGALATIA 1:12 ပူးပေါင်းရင်းမြစ်များ

1 KORINTUS 11:23

Nde, an-nen yak kindigi wene na-ge, Nagawan Indo-nen yak niridnak wene iri-ge yu-o: Kubu nggwe at wesel uburak tarem Nagawan Indo Yesus-nen-e mburu wanuruk,

1 KORINTUS 2:10

Alat nde, Mbal Pem Nagawan-nen-e kura bidnak wene na-ge Konak Indi bem-nen mirik ninpij-o. Nde, Konak Indi iri-ge yi mende ndi mende pidsa mbenaroso me, Mbal Pem Nagawan arem-nen yebet kaso mende na irit mbenarusu-o.

2 KORINTUS 10:7

Kit-nen ap eneyagolar-e, entare nak kali-o. Ap misik-nen nde at indi yebet kasolar-e: ”An-e ndemeret Kerisut arengge-nen yusu-o” luk perasolar-e, at iri-ge tuguruk yebet kujwag-o. At iri-ge Kerisut arengge-nen yusu nggal, nit-nen na iri nggal-et Kerisut arengge-nen yili-o.

2 KORINTUS 12:1

Wene yu-ge ebe lak mende-t nde, an-e mondok nindi kek tak posolat woramin-o. Alat nde, yawo-ge Nagawan Indo-nen wok norosola nabi nggwe nggal kaidnak min nam tak posola kaidnak min iri-ge yak kindimin-o.

NGGALATIA 1:1

Wirik nibidnak nap Paulus an-e ki nap inndi-n pidnak pem-nen na lak, ki nap misik-nen mendak nibidnak pem-nen na lak, are, Yesus Kerisut min at uruk tak pid Nineid Mbal Pem Nagawan min-nen wirik nibid nap Paulus an-nen engga yu mbal kundusu-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

NGGALATIA 2:2

Mbal Pem Nagawan-nen-e: ”Iri me-t li-o” luk yak norosola-nen lagi-o. Lagirig-e, nanduk wanigi yabu min yawo wanusu yabu na min ebe lak mende ma naru, it unnu kek tak nap enarik inmbiri bem an-nen-e enlem nin nap aid wene yak indigi wene iri na yak indigi-o.

EPESUS 3:3

Mbal Pem Nagawan-nen ”Irit timin-o” luk kura wene yidnag-e nam para an yak nirid na-ge an-e nandug-et engga ya lit nda lit poro-t mbarigi irir-o.

1 TESALONIKA 4:15

Wene yu yak kindili-ge, Nagawan Indo-nen yidnak wene bem-net yak kindili-o. Nagawan Indo lobok yuwa tarem nunluk wulmul nap nit nanduk mborogolat, it nanduk wat yidnak nap abok tak unpul pug-o.