NEMIA 9:5 - Nanduk Ngget Tul Pidnak Wene

⁵ Nde, iri tarem Nagawan Indo erembel wanugwi iri-ge it Lewi nap ya-nen tel kwiriga-o: Yesua, Katmiel, Mbani, Asapneya, Serebeya, Ondia, Sebania, Petaya it yu-nen yogolar-e: ”Menluk-nen Nagawan Indo Nenmbal Pem Nagawan nak kek tak puwog-o! Pempa at nak kek tak pogolat wolmog-o! At unu nggok kek tak iri nak mondok kek tak puwog-o. At kek tak ubugwi ereba-ge teberak puruk, At unu-ge terak minik kek tak-net yusu-o” luk yiga-o.

NEMIA 9:5 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:14

Tepan yosoluk yarig-e, Salomo na nden karuk Isarael nap oboksa iri me mendak worali ereba na yik eneyagaij-o. Yik eneyarug-e, imbiringgat tak unpuwakluk Mbal Pem Nagawan emengen mbarij-o.

1 NAGAWAN NAGAWAN-NEN KWARIDNAK WENE 8:15

Iri yosolat-nen yosolar-e: ”Nagawan Indo-nen an neid Ndaut urul yak tosolat-nen yosolar-e: ’Nanduk an nilirak Mesira-nen wesera inmin lobok yosolar-e, Isarael woragwi sa oboksa-nen o siri misik me an nerembel wanurak o wururak mbi lenak pigit lak yigi-t nde, Ndaut kar-e an-nen nilirak tena unpuruk woranokluk lenak kubukmu-o’ luk yid iri na-ge at-nen urul pidnak ndak ndak tak pid iri bem-e Nagawan Indo Isarael nap Enmbal Pem Nagawan iri nak erembel wanurag-o!” luk yij-o.

1 NAGAWAN NAGAWAN-NEN KWARIDNAK WENE 8:22

Iri yosoluk yarig-e, ap ndok wiriga ereba na inmbiri bem Salomo na-ge Mbal Pem Nagawan amanggim wosa kan pugwi iri na me menluk inggi mberen ligik puruk-nen

1 NAGAWAN NAGAWAN-NEN KWARIDNAK WENE 8:27

Alat nde, Mbal Pem Nagawan wa-e. Kar-e ndemeret nggweyakma yu me ndak woragun, lak? Mbal pem oboksa-t nde kat wolmomtak kondoro-ge meya yusu yu-t nde, kat kerembel wanurak uwi an-nen wirigi yu arem-e nggesa-nen ndak woragun-o?

ESERA 3:11

Ap oboksa-nen ndawi bem Nagawan Indo erembel wanogolar-e: ”Nagawan Indo iri-ge konak-nen yusu-o. At-nen Isarael nap nenabuwa kaso-ge mondok pok tak poso buk kundugu irit kaso-nen yusu-o.” Iri yogolar-e, tugurug-et yuruk, tugurug-et yuruk kwat tenak woraiga-o. Nde, iri yiga iri-ge, Nagawan Indo uwi iri na mabin abu pidnak ala karuk-nen ap oboksa-nen enne nggoksa Nagawan Indo erembel wanogolat ndawi yogolat woraiga-o.

NEMIA 9:4

Nde, iri na me-ge Lewi nap-nen men yil laruk, wene yugwi ondoro mbi woragij-o. Nde, iri na bem-e Yesua min Mbani min Katmiel min Serebeya min Mbani min Kenani min it iri-ge ondoro iri na me woragolar-e, enne nggoksa Nagawan Indo Enmbal Pem Nagawan iri na emengen mbariga-o.

NEMIA 9:6

Iri yogola, Isarael nap-nen tepan-e yu nggal yiga-o: ”Kar-e Nagawan Indo-net yusu-o. Wonaru min mbal nggwe oboksa min yi koma min o yu min ebem worasu mende oboksa min-e kat-nen ndak worak puruk, ebem-e uruk urugup worak mende pigen-o. Mbal nggwe tena woragwi amawi worak-nen na kat keram endaru yunggusa koreluk kat nak kek tak kibili-o.

AYUP 1:21

yosolar-e: ”An ndet yosolar-e, ngenwa-t ndesa mbukmu-o. Wat yosolat na we ngenwa irit wat yimin-o. Nagawan Indo at-net wok niridnak me, wanosolat na at-net wanij-o. Iri ala, at unu nak kek tak wolmag-o!” luk yij-o.

NDAWI ENGGA 134:1

Nagawan Indo ndegel ubugwi nap oboksa min kubu nggwe Nagawan Indo ama-nen yabu wanugwi nap min oboksa wa-e. Lobok yugupndik, Nagawan Indo erembel waner-o.

NDAWI ENGGA 145:2

An-e pempa kat nak wiwa-o yak korosolat, kat nak kerembel wanosolat pem irit woramin-o.

NDAWI ENGGA 145:5

It-nen-e kat-nen kek tak woraso wene min kabinal pem woraso wene min-e ap yak ondogolat wolma-o. Kat-nen kwiye worak kwaroso ereba na-ge an-nen kwara yebet kasolat woramin-o.

NDAWI ENGGA 146:2

An nuruk woralar-e, Nagawan Indo nak erembel wanosolat, an woralar-e, Nembal Pem Nagawan nak ebem ndawi ngarosolat woramin-o.

NDAWI ENGGA 16:2

”Kar-e an-nen idnak Nagawan Indo nalen tak poso-nen yusu-o. Kat kombol pem terak minik misik mbi worasu bug-o” luk an-nen-e yak kurusu-o.

MBIRIGA WENE 15:11

Nagawan Indo kabinal worak kek tak wa-e. Nin Mbal Pem Nagawan ngge nggal-nen kat kimin ndak wuruwa-o? Nagawan Indo kat-nen kwiye worak mende min wi yurak mende min kwarusu yeba nggal-e ta nggal-nen kwaruwa-o?

MBIRIGA WENE 15:6

Nagawan Indo wa-e. Kat kinggi kigit amawi-ge ap-nen wi yugwi-nen yusu-o. Kat kinggi-nen wim nab-e yigisa lak tak inpigen-o.

NDANIEL 2:20

”Mbal Pem Nagawan iri-ge indi tenggerak, amawi worak-nen yusu-o! Pem irit woragolat nagolat at nak irit erembel wanogolat wolmomtag-o.

MATIUS 11:25

Iri na tarem-e Yesus-nen yosolar-e: ”Neid wa-e. Kar-e aid arem min nggweyak ma min tena woraso Nagawan Indo-nen yusu-o. Kat-nen-e inndi nggat nggat worak nap min inndi pindong tak nap min endam-nen kura bigen mende iri-ge enaru buk nap na nam-et yak indigen iri bem-e an-e wa yak kurusu-o.

2 KORINTUS 4:6

Mbal Pem Nagawan-nen yosolar-e: ”Ndamuk arem-nen yaya yuwag-o” luk yid Mbal Pem Nagawan at-net at eyaya-ge nit nenarem yaya rak pij-o. Iri yosolar-e, Mbal Pem Nagawan abinal-e Kerisut erare bem worasu abinal iri nenaru rak purak pem-nen iri yij-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

WENE MBENARUGWI NAP-NEN KWARIDNAK WENE 13:18

Yosoloma, Nagawan Indo-nen idnak aid nap iri na-nen kin wok obosolar-e: ”No manggim kar-e an nunu yak kururak yusu-o? An nunu-ge Kwiye Worak-nen yusu-o” luk yak tij-o.