NEMIA 9:29 - Nanduk Ngget Tul Pidnak Wene

²⁹ Eneyanggo watluk, kat-nen yak indidnak wene kwara kwaruwakluk, kat-nen-e nggomo indingen-et nde, it-nen-e it-nen kwarurak enpem pidnak wene-ge inndi kek tak pogolar-e, keya biga-o. Ndemerer-e it-nen nde kat-nen kwarurak enpem pidnak ereba na nde kwarogola-ge, it unluk wolmomtak na-t nde, kulurag-e keya buruk, eneyanggo lak luk, lembe yogolar-e, kuligit lak yogolat, yidnak yidnak kwarigit lak yogolat yiga-o.

NEMIA 9:29 ပူးပေါင်းရင်းမြစ်များ

NEMIA 9:10

Kat-nen-e kilirak andi bandi rak inpili ereba na-ge karu me, kat-nen-e Mesira nagawan iri na min at eyabu wanugwi nap min we nap oboksa min kwat onposolar-e, kwiye worak kwarat kwat inpigen-o. Iri yigen pem-e kat kanggu kobog-e yawo-nen na mborosolat worasu-o.

NEMIA 9:16

Alat nde, nonmborak-nen inndi kek yogolar-e, wene kulugwi buk irit kwat yiga-o. Iri kwarogolar-e, kwarurak enpem pigen ereba na-ge mondok kwarigit lak irit yiga-o.

NEMIA 9:26

Alat nde, kilirak-nen-e kat kimin eyak nak worogolat, kat-nen yidnak yidnak kwarigit lak yiga-o. Nde, it-nen-e kat-nen idnak imiri mbarak pidnak wene ereba na-ge keya buruk, kat kene lomboksa yugwi nab-e ’Tuguruk nden karuk Kenmbal Pem Nagawan eram mberer-o’ luk yak undugwi ereba na nde indiga-o. Nagawan Indo wa-e. Iri nggal kwarogolar-e, it nen-e pempa kat enlengenma nggal tak kobogolat woraiga-o.

NEMIA 9:30

Iri kwarogola-t nde, kat-nen mamak puruk worasolar-e, nggomo ondosolar-e, yi olengen ndi olengen lak tak pigenma-o. Iri kwarosolar-e, kat kindi-nen it yak ondosolat-nen kat kene lomboksa yugwi nap enemndam tak posolar-e, nggomo kwarat yak indiga-t nde, kilirak iri-ge eneyanggo nggitlik puruk kwarogola-ge, ap enlem lombok yi wi ndi wi worali nap ereba na ininggem kegera keya inpigen-o.

MBIRIGA WENE 10:3

Yosoloma, Musa min Arun min-e Pirayon eram mbirigarik-nen yak togolar-e: ”Iberani nap Enmbal Pem Nagawan, Nagawan Indo-nen yosolar-e: ’Mepme tarem nggal-nen kar-e an neram tebe yugun-o? An nelem nap iri-ge an nerembel wil mburuwak-nen lerak inpi-o.

YEREMIA 19:15

Nagawan Indo Mondok Amawi Worak, Isarael nap Enmbal Pem Nagawan-nen yidnak wene yak indigi-o. At-nen yosolar-e: ”Kir-e kinndi amawi, mondok wene kulugwi buk ala me, an-nen-e: ’O siri yu min o erep inggi inggi worali ereba min kenpem-e lak tak onposo mende mberak pil lobok yimin-o’ luk wat tak pigi ereba na-ge mberak pil-et lobok yimin-o” luk yij-o.

YEREMIA 7:26

it enne-ge kwara kologolat, kwara yebet kagolat mbi mondok kwarigit lag-o. Are, konmborak-nen kwarugwi-ge te nggal-et nde, kit-nen-e wene kulugwi buk, keneyanggo lag-e terak minik ombol nggwe irit kwat yigeb-o” luk yij-o.

NDANIEL 5:20

Alat nde, Nagawan Nebukatnesat iri na indi kek yosolat, wene koloso buk kwat yosolat, isilepma worak erengen lamburak nak kwaroso yosolat, kwarosola-ge, at-nen nagawan woraso iri na-ge lak tak ibij-o. Iri yosola-ge, at-nen nggok kek tak woraso iri na-ge lak yij-o.

OSEA 6:5

Iri bem-e mondok angin worak kenpem posolat, lak tak konposolat, yurak mbarigi wene yak kundurag-e an-nen-e an nene lomboksa yugwi nap inpil lobok yigi-o. Nde, kit-nen an kwat nuburak nindi perasu-ge mondok nam-et nak yur-o:

MATIUS 19:17

Yosoloma-ge, Yesus-nen at yak tosolar-e: ”Kar-e noluk-nen konak kwarurak wene iri an kin wok nubusu-o? Konag-e misiget nak Mbal Pem Nagawan-et worasu-o. Kar-e kuruk wolmomtak elem iri wanurak kindi perasolar-e, imiri mbarak pidnak wene iri-ge mondok kwarosolat wolmin-o” luk yak tij-o.

LUKAS 10:28

Yosoloma-ge, Yesus-nen at yak togolar-e: ”E! Yigen iri-ge ndemerer-o. Yigen iri ndak ndag-et kwarosola-ge, kurug-et woragun-o” luk yij-o.

OROMA 10:5

Imiri mbarak pidnak wene-nen yidnak yidnak kwarugwi bem lud tak nak unpuwa nap onowene Musa-nen engga mbarosolar-e: ”Imiri mbarak pidnak wene-nen yidnak yidnak kwaruwa nab-e, iri bem-net unlug-et wolma-o” luk mbarij-o.

NGGALATIA 3:12

Alat nde, imiri mbarak pidnak wene iri-ge inndi angin tubu yugwi elem min parig-e lag-o. Are, Mbal Pem Nagawan engga mbarak pem-nen yosolar-e: ”Imiri mbarak pidnak wene-nen yidnak yidnak nak kwaruwa nab-e iri kwaridnak pem-net uruk wolma-o” luk mbarij-o.

TUGURUK YIDNAK WENE 31:21

Iri yogola-ge, lak tak unpurak mende kwarat enpem mbuma-o. Alat nde, ndawi yu-ge it innggiri rak puwakluk pempa yogolat wolmomtag-o. An-nen urul yak indigi iri na me nggwigit lak ma-net it inndi-nen yebet kali iri-ge an-e mondok naru-o” luk yak tij-o.

TUGURUK YIDNAK WENE 31:27

Nde, it wene kulugwi buk, eneyanggo lak, eyak nak wat tenak woragwi iri-ge an-e naru-o. An nuruk worala perak Nagawan Indo imin eyak nak wat tenak worali yu-ge an nde wat yumu-ge, mondok abunuk kwat tenak wolma-o.

TUGURUK YIDNAK WENE 4:26

Yawo mbal min nggweyak min-e aru-o. Kit-nen nde an-nen yidnak yidnak kwarigit lak yogola-ge, o Yi Yareren eyak ele bem kit woragup sa iri na me mondok woragup pug-o. Yanem-et pendega lak tak kunpuwa-o.

WENE MBENARUGWI NAP-NEN KWARIDNAK WENE 6:10

Iri luk an-nen nanduk kit yak kondosolar-e, an-e Nagawan Indo Kenmbal Pem Nagawan-nen yusu-o. Nde, kir-e Amori nap unuwi yawo kit worali yu me-nen erembel wanugwi unkugwiwak mondok erembel wanurak pug-o yak kindigi na-t nde, kir-e an-nen kwarurak yak kindigi iri na ndak ndag-e kwarigit lak yigepma-o’ yij-o” luk yak indij-o.