NEMIA 9:28 - Nanduk Ngget Tul Pidnak Wene

²⁸ Alat nde, it woragwi sa iri na nde yamuksa woragolar-e, ir-e ndag-et nak tuguruk meya kwat tenak woraiga-o. Iri ala karug-e, kat-nen it iri-ge unuwim nap anggun panggun tak unpurak ininggem pigenma anggun panggun tak inpiga-o. Iri yogolat, eneyanggo watluk ’Niri nera-o’ luk yogolat-nen-e inmiri yuwakluk kat keram wok mbo kibil luwagola-ge, kat-nen-e enabuwa-nen aid arem-nen it enne kuluruk, kat-nen-e pempa iri nggal kwasa yongga ondosolat nak woraigen-o.

NEMIA 9:28 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:39

kat woraso sa aid arem-nen kuluruk, it meya yidnak kamberam tak posoluk yongga indi-o. Ap enarem-nen yebet kagwi oboksa-ge kat karig-et nak karu-o. Iri bem-e ap ondomoktak-nen kwarugwi ndak ndag-et kwat onposolat wolmin-o.

NDAWI ENGGA 136:24

Wim nap ininggiyapmu-nen wisirik nonposo-nen yusu-o. At-nen-e pem kundugu irit enabuwa yoso-nen yusu-o.

YESAYA 63:15

Nagawan Indo wa-e. Kat woraso sa marak abinal worak aid arem-nen kerengen-e mbel niniyi-o. Kat kamawi woraso min nenabuwa kaso min-e ngge rak pigenma-o? Nunpud kaso min nenabuwa kwarat kaso min-e ngge rak pigenma-o? Nenabuwa yigit lak keya nunpurak pug-o.

WENE MBENARUGWI NAP-NEN KWARIDNAK WENE 2:19

Alat nde, lit unpuruk noso nap iri na nde wat yosola-ge, ap it woragit lak ma-nen woraiga enpage-ge konak nggal-et nde, it iri na-nen kwarugwi enpage-ge mondok meya irit woraiga-o. Iri yogolar-e, mbal pem nagawan nin ereba nde ndegel pogolat, erembel wanogolat woraiga-o. It-nen meya kwarugwi ereba na kwaril mborogolar-e, it-nen meya kwarugwi iri na keya buruk nden kudtag-e insili yiga-o.

WENE MBENARUGWI NAP-NEN KWARIDNAK WENE 4:1

Wene mbenaroso nap Eyut iri na wat yosoloma-ge, Isarael nab-e tuguruk Nagawan Indo imin meya kwariga-o.

WENE MBENARUGWI NAP-NEN KWARIDNAK WENE 5:31

Nagawan Indo wa-e. Kuwim nap oboksa-ge Sitera lak yid iri nggal-e lak mag-o. Alat nde, kat kanggamirak oboksa-ge molengen kona bil wasolat konak eyaya worag-et wasu iri nggal-et wolmag-o. Iri lug-e o iri na kona yamuksa woragolar-e, olengen empat pulu (40) irit woraiga-o.