NEMIA 9:19 - Nanduk Ngget Tul Pidnak Wene

¹⁹ Iri kwarogola-t nde, kar-e unpud kaso elem me, kat-nen-e ir-e mondok nembaga ereba me keya inpigit lag-o. Kat-nen kubu bat lengge bat lit unpuruk mborosolar-e, kubu-nen lengge-nen it tu lit unpuruk mbururak nggan nggan laring tak min kanduk min iri na-ge kat-nen-e lak tak pigit lak irit keya bigen-o.

NEMIA 9:19 ပူးပေါင်းရင်းမြစ်များ

NEMIA 9:12

Nde, lengge ala-ge, nggan nggan laring tak pem lit unpuruk mborosolat, nde, kubu mborogola-ge, kanduk nggal yaya rak onposolat kwaril mbirigen-o.

NEMIA 9:27

Iri yogola-ge, kat-nen-e ir-e inminep wesera unuwim nap endam inpigen-o. Iri yigenma insilepma min mondok anggun panggun tak inpiga-o. Alat nde, iri nggal anggun panggun tak onpogola-ge, yongga unduwakluk kat keram wene mbo kibil lobok yiga-o. Iri yogola, kat-nen aid arem-nen kulurug-e, enabuwa karuk enne kuligen-o. Kulurug-e, kat-nen-e it unuwim nap ininggem-nen inmiri yuwakluk, it-nen ene kulurak nap min san ombo onowe min lenak inpigen-o.

NEMIA 9:31

Alat nde, kat-nen mondok kwarat unpud kaso iri na-nen ndowaga, kat-nen-e abu abu keya onposolat, mondok lak tak onposolat kwarigit lag-o. Mbal Pem Nagawan kar-e erep min ndak wururag-e meya-o. Kat-nen enabuwa kaso elem nggok iri bem-net kwara unpud kaso-o!

NDAWI ENGGA 136:16

At ilirag-e nembaga nggwe-t lit unpuruk lobok yamu-o. At-nen-e pem kundugu irit enabuwa yoso-nen yusu-o.

MBIRIGA WENE 40:36

Nde, nggan nggan nde pempa Mbal Pem Nagawan uwi iri na bem-nen posokluk lasola-ge, Isarael nab-e unuwi lije-ge nin me wiril mburuwokluk, mijarugwi-o.

MBIRIGA WENE 40:38

Isarael nap nembaga ereba me waring tenak woragola-ge, Nagawan Indo-ge at uwi lije iri na me lengge ala, nggan nggan nggal, nde, kubu ala kanduk nggal woragij-o.

YESAYA 44:21

Nagawan Indo-nen yosolar-e: ”Isarael wa-e. Kar-e an ndegel noboso nap me, kar-e yeba oboksa kindi yeberak wolmin-o. Kar-e an ndegel noboso nap yonokluk, kar-e an-net kwarak kubukmu-o. Isarael wa-e. An-nen-e mondok meme rak kibimin pug-o!

NDANIEL 9:18

Mbal Pem Nagawan wa-e. Nit nenne kwara kuli-o. Kat-nen kwara yik neneyaruk, nit-nen andi bandi kali yeba-ge kwara lombot nonposolat, o siri kat kunu luk ’Kwendeknak uwi siri-o’ yugwi siri iri min-et kwara lombot pi-o. Nit-nen tepan kat kemengen mbatli-ge nit-nen konak kwaridnak pem-e lag-et nde, kat-nen kwara nunpud kaso iri na bem-net keram tepan yili-o.

NDANIEL 9:9

Nir-e kat kimin wim mbarogola-t nde, kar-e nit nunpud karuk, nit meya yidnak kamberam tak nonposo-nen yusu-o.

MALEAKI 3:6

Nagawan Indo-nen yosolar-e: ”An-e nin yoso buk Nagawan Indo-nen yusu-o. Iri bem-nen kit Yakup-nen wigarag-e mondok lak tak kinpigit lak worali-o.

WONARIDNAK WENE 14:14

it-nen o yu me nap yak ondogolar-e, Nagawan Indo kar-e nit ninmin woralat, kat nit lit neneyaruk lobok yosolat-nen ninmbiri bem nam yosolar-e, lengge-ge nggan nggan nggal, nde, kubu-ge kanduk nggal kwasa lobok yusu wene iri yak indikma, kuliga-o.

TUGURUK YIDNAK WENE 8:2

Nagawan Indo Kenmbal Pem Nagawan-nen lit kunpuruk tu erepma nembaga nggwe kinmin wasolar-e, olengen empat pulu (40) woraigep iri yebet ker-o. Nde, tu erepma nggwe-t lit kunpuruk lobok yid iri-ge, kit kenarem-e ngge kwarak worasu-o? luk, kinndi kasolat, an-nen enpem pimin wene-ge ndak ndag-et kwaruwa, lak? luk-nen kinndi kasolat-nen kenabut mbarij-o.

1 SEMUEL 12:22

Nagawan Indo-nen owak mbarosolat-nen yosolar-e: ’Ir-e an nondomok nilirak tak inpimin-o’ luk yidnak me, at-nen-e mondok keya kunpuwa bug-o.