NEMIA 8:6 - Nanduk Ngget Tul Pidnak Wene

⁶ Nde, Esera-nen yosolar-e: ”Nagawan Indo kek tak Mbal Pem Nagawan nak erembel wanurag-o!” luk yij-o. Iri yosoloma, it oboksa-nen ininggi keksa ligik pogolat-nen yogolar-e: ”Amin! Amin!” yurug-e, Mbal Pem Nagawan erembel wanogolat entare nggwe tud yiga-o.

NEMIA 8:6 ပူးပေါင်းရင်းမြစ်များ

NDAK WIRIDNAK WENE 14:22

Alat nde, Abaram-nen wene erep nggarosolar-e: ”Mondok Kek tak Mbal Pem Nagawan, mbal min nggweyak min ndak wirid Nagawan Indo iri na imbiri bem yak kurusu-o.

NDAK WIRIDNAK WENE 24:26

Yosoloma-ge, Abarakam ndegel oboso nap iri na-ge erare nggwe tud luk Nagawan Indo erembel wanosolat-nen

NEMIA 8:7

Iri lug-e, it oboksa-nen menluk ondolma lombok mendak woragola-ge, Lewi nap-nen-e imiri mbarak pidnak wene iri na-ge engen waga yak indiga-o. Nde, it Lewi nap iri kwariga nab-e Yesua min Mbani min Serebeya min Yamin min Akup min Sebetai min Oria min Maseya min Kelita min Asaria min Yosabat min Anan min Pelaya min

NDAWI ENGGA 134:2

O marak iri na ambigit kininggi ndimirik pogolat-nen Nagawan Indo nak erembel wanurag-o!

NDAWI ENGGA 63:4

An-e pem irit woralar-e, kat nak wiwa-o yak korosolat woramin-o. An tepan yosolar-e, ninggi leksa kat kambigit nggwe ndimirik puruk, tepan yimin-o.

NDAWI ENGGA 95:3

Nagawan Indo iri-ge Mbal Pem Nagawan mondok kek tak-nen yusu-o. Ar-e nagawan mondok amawi worak, erembel wanugwi mende oboksa ombol pem kek tak-nen yusu-o.

MBIRIGA WENE 12:27

kit-nen onggo yak ondogolar-e: ’Yu-ge o Mesira-nen Mesira nap inliap manggiya-ge ondosolat, nit Isarael nab-e nindigit lak wot niniyidnak tarem ala, Nagawan Indo kek tak pogolat-nen amanggim lomba wam wiridnak tarem yebet kagolat sagili-o’ yak undurag-o” yij-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

MATIUS 26:39

Yak unduruk, at na nuruksa nggal mberarik, nggweyak pem erare nggwe tud luk-nen tepan yosolar-e: ”Neid wa-e. Lak tak purag-e ndak nde ala-ge, yimbe yu-ge an neram-nen mengga wani-o. Alat nde, an nindi-n pidnag-e lag-o. Kat kindi-n pidnak nak kwat mag-o” luk yij-o.

MATIUS 6:13

Nit ninndi ngaruwakluk keya nunpurak pug-o. Are, Sere inggem-nen ninmiri yi-o.

1 KORINTUS 14:16

Kat-nen nde nin wene nan wene bem nak Mbal Pem Nagawan erembel wanosola-ge, kat-nen wa yugun iri-ge we nab-e kabak me, kat-nen yugun wene iri-ge nggesa kuluruk-nen ”Amen-o” yuwa-o?

EPESUS 1:3

Nenagawan Indo Yesus Kerisut eid Mbal Pem Nagawan erembel wanuwog-o. Nir-e Kerisut ebem-nen Mbal Pem Nagawan-nen aid arem woraso we wok nundurak mende oboksa-ge wok nindij-o.

1 TIMOTIUS 2:8

Ap-nen tepan nin me nan me-nen yogolar-e, insilepma na lak, yuk puk na lak woragolat, ininggi marak irit ligik puruk-nen tepan yurak iri-ge an nindingen-o.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.

NAM PARA WENE 7:11

Nde, aid nap oboksa-ge nagawan koreyak woraso ondoro min enne kulugwi nap min untugup worak mende empat ereya na min lop lop worak unpuruk, mendak woragolar-e, aid nap ereba na-ge nagawan koreyak woraso ondoro eralu entare nggwe yud tud mbogolat, Mbal Pem Nagawan erembel wanogolat-nen