NEMIA 4:14 - Nanduk Ngget Tul Pidnak Wene

¹⁴ Nde, an-nen yik kasoma-ge, it ereba na-ge kwiye yogola-ge, an-nen it min ap onowe nggal ereba na min it-nen enne kulugwi nap ereba na min yak ondosolar-e: ”Kir-e wim nap enaye-ge yurak pug-o. Nagawan Indo amawi worak kwiye worak iri na kinndi yebet ker-o. Mondok kennggamirak min kinlirak min konkwerak min kunuwi min inmiri yurak pem mondok kenmawi konder-o” luk yak indigi-o.

NEMIA 4:14 ပူးပေါင်းရင်းမြစ်များ

NEMIA 1:5

Tepan yosolar-e: ”Nagawan Indo Mbal Pem Nagawan aid arem tena woraso wa-e. Kar-e Mbal Pem Nagawan kek tak me, inndi kwiye min-et keram wok yugwi-o. Kar-e kat kabuwa kagwi nap min kat-nen enpem pidnak kwarugwi nap min inmin-e ’Irit kwat kinpimin-o’ luk urul pidnag-e mborok tak poso buk-nen yusu-o.

NDAWI ENGGA 27:1

Nagawan Indo iri-ge an neyaya min an nimiri yoso min-nen yusu-o. An-e ap kwiye kamin pug-o. Nagawan Indo iri-ge an kurak yoso nondoro pak-nen yusu-o. An-e mondok kwiye kamin pug-o.

NDAWI ENGGA 46:11

Nagawan Indo Mondok Amawi Worak iri na-ge nit ninmin worasu-o. Yakup Embal Pem Nagawan-e nggetlel nunpuruk worasu-o.

NDAWI ENGGA 65:5

Kat-nen nenne erep nggarosolar-e, ombol nggwe rak nonposolat, kat-nen ninmiri yosolar-e, kwiye worak mende irit kwaroso-o. Ap enlem oboksa-nen na irit, yi koma erep pem erepma ereba-nen na irit, inndi-ge kat kebem wat tak puruk woragwi-nen yusu-o.

MBIRIGA WENE 14:14

Kir-e kinndi abu nak wolmer-o. Nagawan Indo at-nen nak kondolmasa wim puwa-o” yij-o.

MBIRIGA WENE 14:25

Nagawan Indo-nen-e Mesira nap onnggweyak koma owak ereba na meya rak pamu, mbururak siri mbarogolat-nen yogolar-e: ”Yu-ge Nagawan Indo-nen Isarael nap ondolmasa nit nendeyekluk amawi kundusu kaige-o. Yu me-nen mondok mburuwog-o!” luk yiga-o.

AID WENE YOSO NAP 12:1

Anggun panggun nak kagolat wolmomtak tarem olengen awo wok yigit lak ma kunsujwe woragolat ereya bem-net Ndak Worak Kinpid Nab-e kinndi yebet yebet tak wolmer-o. Nde, ereya tarem nde wok marig-e: ”An-e nalen pem-e mondok worasu bug-o” luk yugun-o.

WONARIDNAK WENE 14:9

Kir-e Nagawan Indo imin wene eyak worogolat, o iri me woragwi nap enaye yili-ge meyog-o. Nit-nen it urugwe nggwe rak unpurag-e, te-nen yusu-o. Nde, it inmiri yoso kugwi-ge mondok keya enpamu-o. Nde, nir-e Nagawan Indo-ge ninmin worasu-o. Iri ala, kir-e kwiye yili-ge mondok meyog-o” luk yak indiga-o.

MATIUS 10:28

Kinndi-ge wirigit lak, we kenaboro nak wururak nap iri-ge enaye kudtak pug-o. Are, kan mare arem-nen kenpe min-et kinndi min-et lak tak kunpurak Mbal Pem Nagawan nak aye kudtag-o.

TUGURUK YIDNAK WENE 10:17

Nde, Nagawan Indo Kenmbal Pem Nagawan-e kugwiwak oboksa min enmawi worak oboksa min tebek tak puruk, mondok terak minik kek tak-net yusu-o. Nde, ar-e Mbal Pem Nagawan mondok nggok, amawi worak me, at-nen yidnak yidnak nak kwarurag-o. Ar-e ap entare na lombonoso buk, ap onmbol pem lasolat, onggo terak lesa wanoso bug-o.

IBERANI 13:6

Iri bem-e nit-nen te-t yogolar-e: ”Nagawan Indo-ge an yongga noroso me, an-e kwiye kamin pug-o. Ab-e ta nggal-nen an nimin yuwa-o?” luk yurag-o.

YOSUA 1:9

An-nen kat yak korosolar-e: ’Kar-e kindi uwi yaga tugup lak, kwiye lak irit wolmin-o’ yak kirigi iri na kindi yeberak wolmin-o. Nagawan Indo Kembal Pem Nagawan an-e kat mburugun sa-ge pempa kimin nosolat woramin me, kar-e kwiye yosolat, kamawi lak yurak pug-o” luk yak tij-o.