NEMIA 2:4 - Nanduk Ngget Tul Pidnak Wene

⁴ Yosolakmu, nagawan iri na-nen kin wok nobosolar-e: ”Kar-e kindi-ge no kwat kuburak perasu-o?” luk yak nirij-o. Yosoloma-ge, an-e narem nak-nen Nagawan Indo aid arem tena woraso iri na eram tepan yigi-o.

NEMIA 2:4 ပူးပေါင်းရင်းမြစ်များ

2 SEMUEL 15:31

Nde, ap-nen yak togolar-e: ”Agitopel min-et Apsalom ambigit mbirij-o” yogola karuk, Ndaut-nen tepan yosolar-e: ”Nagawan Indo wa-e. Agitopel-nen nggomo yak tuwa ereba-ge ebe lak yaga keya bi-o” luk yij-o.

1 NAGAWAN NAGAWAN-NEN KWARIDNAK WENE 3:5

Mberarik pem kubu iri na-ge Nagawan Indo-nen nabi bem at eram nam luk-nen yak tosolar-e: ”Salomo wa-e. Kat-nen kindi perasu-ge an nebem nggi yi-o. Iri yosola-ge, an-e wog-et kirimin-o” yak tij-o.

NEMIA 1:11

Kar-e an-nen tepan yusu yu kolosolat, iri-nen kat kek tak kobogolat ndegel kubugwi nap oboksa-nen tepan yili erep ereba min-et kuli-o. Nagawan-nen yawo yu-t nabuwa kujwakluk kat-nen yongga niri-o” luk tepan yigi-o. Nde, ereya tarem-e an-e Perisia nap nagawan iri na yi kenang toso nap woragi-o.

NEMIA 1:4

Yak norogoloma kulurug-e, an-e kore yosolar-e, yip tigi-o. Nde, ereya na tarem woralar-e, mondok nindi puru rak nak irit woragi-o. Woralar-e, nunggwi mende mondok ninggit lak, Mbal Pem Nagawan eram nak tepan yosolat woragi-o.

NEMIA 1:5

Tepan yosolar-e: ”Nagawan Indo Mbal Pem Nagawan aid arem tena woraso wa-e. Kar-e Mbal Pem Nagawan kek tak me, inndi kwiye min-et keram wok yugwi-o. Kar-e kat kabuwa kagwi nap min kat-nen enpem pidnak kwarugwi nap min inmin-e ’Irit kwat kinpimin-o’ luk urul pidnag-e mborok tak poso buk-nen yusu-o.

NEMIA 2:20

Iri yak nondogoloma, an-nen wene onggo yosolar-e: ”Aid arem tena woraso Mbal Pem Nagawan iri na-nen-e nit-nen yabu wanul iri-ge ebe-t kwarak puwa-o. Nir-e at ndegel ubugwi nap-nen yili-o. Nir-e kerep pak leget yu-ge wurul-er-o. Alat nde, Yerusalem nggweyak yu-ge kit kinmin kundig-e mondok lag-o. Nde, ap-nen Yerusalem obok yogolar-e, kit kunnu mondok yuwa bug-o” luk yak indigi-o. 3:1-32 Pasal 3 yu arem-e Yerusalem kerep pak leget iri na tuguruk worogolar-e, kuri wosa mbo mbal indil lobok yidnak nap unnu mbarak worasu-o.

NEMIA 2:5

Yosoluk, an-nen nagawan iri na yak tosolar-e: ”Nagawan kat-nen nde kindingen tak nobosolat, an-nen kebem nggi yimin yu nde nene kolosolar-e, nab-o. Ndegel koboso nap an-e Yewura nggweyak pem wirik nubugunmu, nomborak yapma unpugwi sa o siri ereba tuguruk wereyek-nen wirik nibi-o” luk yak tigi-o.

ESET 5:3

Iri luk, nagawan iri na-nen kin wanosolar-e: ”Kar-e ngge kwarak-nen lobok yigen-o? Kar-e no wok kururak lobok yigen-o. Ndak yi-o. Kat-nen nde an-nen tenagidnak wi yu nde kuri wosa ponok nggwe an ninggem pi-o yosola na kinggem-et pimin-o. Larog-e yimin pug-o” luk yak tij-o.

ESET 5:6

Mbirigarik, anggut amburu ereba na nonggolar-e, nagawan-nen Eset yak tosolar-e: ” ’An-nen tenagidnak wi yu menggesa ninggem pi-o’ yosola na, kat-nen nggi yugun-e wog-et kirimin me, kar-e no kindingen-o? Ndak yak niri-o” luk yij-o.

ESET 7:2

Anggut amburu ereba na nonggolar-e, nagawan-nen Eset iri na tuguruk kin wok obosolar-e: ”Eset wa-e. Kar-e no wok kururak perasu-o? Ndak yi-o. Kat-nen nde an-nen tenagidnak wi yu menggesa an ninggem pi-o luk nggi yosola na wog-et kirimin-o” luk yak tosola-ge,

NDAWI ENGGA 136:26

Mbal Pem Nagawan mbal tena woraso kek tak iri nak erembel wanogolat wiwa-o yak turag-o. At-nen-e pem kundugu irit enabuwa yoso-nen yusu-o.

NGGOMO WENE 3:6

Kat-nen yi kwatlik ndi kwatlik kwarosolar-e, Nagawan Indo-ge meme rak purak pug-o. Iri kwarosola-ge, konak wolmomtak tula-ge at-nen mirik kubuwa-o.

MARAKUS 10:51

Mborosola-ge, Yesus-nen at yak tosolar-e: ”An-nen no kwat kuburak perasu-o?” luk kin wok obosoloma-ge, ap erengen ngguru-nen yosolar-e: ”Nggomo Nondoso Nap wa-e. An nerengen-nen kudtak irit nindingen-o” luk yij-o.

YIDNAK YIDNAK WENE 23:19

Yosoloma-ge, san winde wari-nen la na inggi warug-e, enarik me ponok ereba lagarik-nen kin wanosolar-e: ”Kar-e no wene yak nereyekluk-nen yigen-o?” luk kin wanij-o.

PILIPI 4:6

Yi mende ndi mende bem-e kunmud kudtak pug-o. Alat nde, tepan yogolar-e, kit kinndi kabak yidnak mende-ge Mbal Pem Nagawan nggi yak togolar-e, pempa pempa ”Wiwa-o” yak togolat-nen nggi yugup na-e.