NEMIA 2:19 - Nanduk Ngget Tul Pidnak Wene

¹⁹ Nde, nit-nen iri kwarurak wene mbarige iri na Sanmbalat min Tobia min Arap nap Nggesem min-nen kulurug-e, nda nondogolat nggweyel ninpiga-o. Iri yogolat-nen yogolar-e: ”Kir-e no kwaruwokluk nen yili-o? Kir-e nagawan imin wim mbatluk kenarik yuwokluk yili, lak?” luk yiga-o.

NEMIA 2:19 ပူးပေါင်းရင်းမြစ်များ

NEMIA 2:10

Alat nde, Mbet-Oron nap Sanmbalat min Amon iri me-nen yabu tena woraso nap Tobia min-nen kuliganggal-e, ”Nemia iri-ge Isarael nap yongga undurag-et lobok yusu-o” yidnak kulurug-e, mondok enarem nggowaru yij-o.

NEMIA 4:1

Nde, Sanmbalat-nen kulidnggal-e, nit Yawuri nap-nen o siri kerep pak leget wirili iri na kulurug-e, mondok isilepma kwarat yosolat pesel nonposo tel kwirij-o.

NDAWI ENGGA 80:6

Ap enlem nit ninmin woragwi nab-e nit nonnggweyak yu wene lit lit yuk puk mbuwakluk keya unpusu-o. Nunuwim nab-e enalen pem nda nindili-o.

NDAWI ENGGA 80:7

Mbal Pem Nagawan Kek tak Kamawi Worak wa-e. Tuguruk nanduk woragwi nggal tak ninpi-o. Kar-e kalen pem-et yik neneyasola, ninmiri worag-et wulmul-o.

YEREMIA 20:8

Pempa an wene yosolar-e, nene nggoksa yosolar-e, nene nggalnu oboksa-nen wirik posolar-e: ”Insilepma-nen enlengen lamburak kwarugwi mende-o! Lak tak onposo mende-o!” irit wirik pusu-o. Nagawan Indo wa-e. Kat-nen yidnak wene iri na yak indidnak pem pempa an-e pesel nobogolat, enlengenma nggal tak nobogolat worali-o.

MATIUS 9:24

at-nen yosolar-e: ”Kit pidsa mbepme wumer-o. La kwe iri-ge wat yij-e lag-o. Nene yusu-o” luk yosoloma-ge, it iri-nen-e Yesus na nda wat ibiga-o.

MARAKUS 5:40

Yak ondosoloma-ge, it-nen at nda wat obogola karug-e, at-nen it pidsa mbepme wirik unpuruk, la kwe na eid ija min at owosirak kenan na inmin lug-e, la kwe worasu sa na nggwiga-o.

LUKAS 23:2

Puruk, it-nen enesiget wene at ebem pogolar-e: ”Ap yu-ge nit nenlem nap inndi kabak tak posolat, ’Nagawan Kaisat amanggim tol purak pug-o’ luk yak ondosolat, ’Nagawan Kerisut iri-ge an-net yusu-o’ luk yosola kulige-o” luk yiga-o.

YOANES 19:12

Iri yosoloma kuluruk, Pilatus-nen-e at wisirik purak tu kore yij-et nde, it Yawuri nap-nen enne nggoksa yogolar-e: ”At yu wisirik pugun ala-ge, kar-e Kaisat anggam-e lag-o. Ondomok an-e nagawan-nen yusu-o luk yoso nab-e Kaisat imin wim nap-nen yusu-o” luk yiga-o.

YIDNAK YIDNAK WENE 24:5

Nit-nen kagolar-e, ap Paulus yu-ge ap enne rak poso-o. Yi wi ndi wi worali Yawuri nap ennggendumu nari wari rak poso-nen yusu-o. At iri-ge Nasarani nap ennggendumu ene kulugwi nap-nen yusu-o.

IBERANI 11:36

Ap ereb-e nggweyel onpogolat, linggamburok ondogolat, kamasa o kubu me inpil nggogolat yiga-o.