NEMIA 1:4 - Nanduk Ngget Tul Pidnak Wene

⁴ Yak norogoloma kulurug-e, an-e kore yosolar-e, yip tigi-o. Nde, ereya na tarem woralar-e, mondok nindi puru rak nak irit woragi-o. Woralar-e, nunggwi mende mondok ninggit lak, Mbal Pem Nagawan eram nak tepan yosolat woragi-o.

NEMIA 1:4 ပူးပေါင်းရင်းမြစ်များ

2 SEMUEL 12:16

Worosoloma-ge, la iri na ki rak puwakluk Ndaut-nen-e Mbal Pem Nagawan emengen mbarosolat woralar-e, nunggwi mende na ninggit lak, pempa kubu-ge at nene yoso sa kune bem tag-et mbiringgik nak woragij-o.

2 NAGAWAN NAGAWAN-NEN KWARIDNAK WENE 22:19

kar-e niri nera iri nggal kwarigi-o luk an neram tebe yigen-o. An-nen-e Yerusalem min Yerusalem woragwi nap min mondok angin worak mende enpem pimin-o. O siri iri-ge an-nen-e unmunggum lera mburak mende rak pumu, ap-nen yik kagolar-e, unmunggum lera mbuwa-o. O Yerusalem unu-ge imbiri lamut mende rak pimin-o. Alat nde, kat-nen iri kwat inpimin wene iri na kulurug-e, kindi kalok yosolat, kusum lebena keya bosolat, yip tosolat yigen-o. Iri yosolat, kat-nen tepan yigen iri-ge an-e kuligi-o.

ESERA 1:2

Wirik posolar-e: ”Yu-ge Perisia nap Nagawan Kores-nen yidnak wene-o: Nagawan Indo Aid Arem Tena Woraso Mbal Pem Nagawan iri na-nen-e an-e yi wi ndi wi oboksa enanggul pem nagawan mendak nebamu-o. Mendak nuburug-e, Yewura nggweyak pem Yerusalem iri me at uwi wururak yabu-ge an nebem pamu-o.

ESERA 10:1

Nde, Esera iri na yip tosolat-nen Nagawan Indo uwi iri na eralu-nen meya yidnak parosolat tepan yosola-ge, Isarael nab-e ap-nen kweyap-nen li marik-nen kwarat yip sa nggwa at eram ndok wiril lobok yiga-o. Lobok yogolar-e, at lop lop wiriga-o.

ESERA 9:3

Nde, an-nen wene iri kulurug-e, nindi abi kalok yosolar-e, nusum ndela keya buruk, nanggulsu min nondoksu min pena keya burug-e, nindi abi kalak yosolat koreyak woragi-o.

ESERA 9:5

Nde, keyama Mbal Pem Nagawan amanggim wam wosa kan pugwi tel korogola-ge, an-e nindi abi kalok yosolat koreyak woragi sa-nen men yosolar-e, nusum ndelep pelep tak iri-net nerare nggwe tud yigi-o. Iri yosolar-e, ninggi-ge Nagawan Indo Nembal Pem Nagawan ambigit nuk kagi-o.

NEMIA 2:20

Iri yak nondogoloma, an-nen wene onggo yosolar-e: ”Aid arem tena woraso Mbal Pem Nagawan iri na-nen-e nit-nen yabu wanul iri-ge ebe-t kwarak puwa-o. Nir-e at ndegel ubugwi nap-nen yili-o. Nir-e kerep pak leget yu-ge wurul-er-o. Alat nde, Yerusalem nggweyak yu-ge kit kinmin kundig-e mondok lag-o. Nde, ap-nen Yerusalem obok yogolar-e, kit kunnu mondok yuwa bug-o” luk yak indigi-o. 3:1-32 Pasal 3 yu arem-e Yerusalem kerep pak leget iri na tuguruk worogolar-e, kuri wosa mbo mbal indil lobok yidnak nap unnu mbarak worasu-o.

NEMIA 2:4

Yosolakmu, nagawan iri na-nen kin wok nobosolar-e: ”Kar-e kindi-ge no kwat kuburak perasu-o?” luk yak nirij-o. Yosoloma-ge, an-e narem nak-nen Nagawan Indo aid arem tena woraso iri na eram tepan yigi-o.

NDAWI ENGGA 102:15

Ap enlem oboksa-nen Nagawan Indo-nen kwarusu amawi iri na-ge kwiye yuwa-o. At mondok amawi worak woraso iri-ge nagawan nagawan oboksa-nen kwiye yuwa-o.

NDAWI ENGGA 136:26

Mbal Pem Nagawan mbal tena woraso kek tak iri nak erembel wanogolat wiwa-o yak turag-o. At-nen-e pem kundugu irit enabuwa yoso-nen yusu-o.

NDAWI ENGGA 137:1

Mbabel-nen yi ereba na eyak pem nit koreyak woragolar-e, o Sion ninndi yebet karug-e, yip tige-o.

NDANIEL 10:2

Ereya tarem-e an-e minggu kenan yip pem nak woragi-o.

NDANIEL 2:18

Yak undurug-e, Mbal Pem Nagawan-nen it enabuwa kasolat, nabi kaidnak iri ebe-ge iri nggal-o luk yigit lak iri na nam tak paga yak unduwaklug-e, ”Aid arem woraso Mbal Pem Nagawan eram tepan yurag-o” luk yak indij-o. Iri nggal kwariga iri-ge it ereya na min Mbabel iri me enaru yidnak inndi tenggerak ereba na inmin lambuksa indigit lak makluk-nen kwariga-o.

NDANIEL 9:3

Karug-e, mondok kiri keresa Nagawan Indo Mbal Pem Nagawan emengen mbarosolar-e: ”Nenabuwa ki-o” luk yak tigi-o. Iri kwarosolar-e, inndi puru yogolat-nen yurugwi karung sum iri na yutluk, mburu ninggit lak, tepan nak yosolat mabe bem irit koreyak woragi-o.

YUNUS 1:9

Yogoloma, Yunus-nen onggo yosolar-e: ”An-e Iberani nab-er-o. An-e aid arem woraso Mbal Pem Nagawan yi koma min nggweyak min ndak worak pid iri na erembel wanoso-o” luk yij-o.

OROMA 12:15

Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.