NEMIA 1:3 - Nanduk Ngget Tul Pidnak Wene

³ Kin wanosola, it-nen yogolar-e: ”Ap Mbabel-nen tuguruk enma mbiriga nap ereba na-ge anggun panggun kagolat, ap erem nin nap it worali sa inggi inggi worali nap ereba na-nen pesel onpogolat worali-o” luk yak niriga-o. Nde, wene erep yak norogolar-e: ”O Yerusalem kerep pak leget iri na-ge ndamera nggilarak iri na-t worasu-o. Nde, pak tumende ereba na-ge konigit lak, nanduk kan pogolat meya rak piga iri na-t worasu-o” luk yak niriga-o.

NEMIA 1:3 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 9:7

an-nen-e nilirak Isarael nab-e an-nen wok indigi o yu me-nen sera wirik inpimin-o. Kat-nen an nerembel wanurak lenak pigen o yu na keya-t pimin-o. Iri yumu, nin me nan me ereba oboksa-nen Isarael nab-e sit mbit tak woragola, ap-nen pesel konpogolat, nda kondogolat wolma-o.

2 NAGAWAN NAGAWAN-NEN KWARIDNAK WENE 25:10

Nde, at owosirak-nen-e o siri iri pak leget ereba na-ge ndamera ngguru rek piga-o.

NEMIA 2:13

O silmu-nen mborogolar-e, kubu irit mbirige-o. Mborogolar-e, Mbirik Pak Tumende mo mboso nggwe (barat) ambigit iri na nggwe-t mborogolar-e, Waro Naga Yilusu iri na nggwe-nen-e Eneyakngen Mbo Bugwi Pak Tumende abare ena nggwe (selatan) iri na me wok yige-o. Nde, ereba na mborogolar-e, o pak leget mijara labuk yid ereba na min pak tumende kan ninggidnak ereba na min limbinil limbinil mbirige-o.

NEMIA 2:17

Alat nde, abok nggwe an-nen it yak ondosolar-e: ”Yawo nit-nen anggun panggun worali yeba mbi ker-o! O Yerusalem yu-ge nggurusa nggweyak pem labuk yil yosolat, nde, kerep pak tumende ereba na kan-nen nuruk lak tak posolat kwat yidnak yeba ker-o. Iri bem-e naptag-o. Ap-nen tuguruk pesel nunpuwa naru, o Yerusalem siri pak yu-ge tuguruk wuruwog-o” luk yak indigi-o.

NEMIA 2:3

Wendet luk, an-nen onggo yosolar-e: ”Nagawan wa-e. Kar-e kuruk pem irit wolmin-o! Nde, nomborak yapma unpugwi sa o siri iri na ndamera nggururak woralat, iri-nen pak tumende ereba na kan-nen nuruk lak tak pidnak woralat, nde, ndegel koboso nap an-e nggesa-nen nindi puru yigit lak wolmomtag-o?” luk yigi-o.

ESET 1:1

Perisia iri me o siri iminepma-ge Susan iri me-t Nagawan Agasuweros iri na-ge o tena irit woragij-o. Nde, at-nen tenagidnak wi-ge India kuri-nen Sundan kuri iri me-ge propinsi-ge seratus dua pulu tuju (127) irit woragij-o.

NGGOMO WENE 25:28

Ap ondomok-nen kwaluk nili buk nab-e o siri pak leger-e ndamera ngguru rak nggal-nen yusu-o.

YESAYA 43:28

Kit-nen idnak tepan ombo ereba na-nen-e an nuwi iri na-ge emben to rak pikma-o. Iri yogola karuk, Isarael nab-e pesel unpuwakluk keya unpukmu-o. Nde, Yakup-nen wigarag-e mondok lak tak unpuwakluk keya unpukmu-o” luk yij-o.

YESAYA 5:5

An-nen idnak anggut yabu yu-ge an-nen-e yu nggal kwat ibimin-o. Yabu iri leget iri-ge kona wabimin-o. At imiri mbarak worasu kerep leget iri-ge ndamera keya bimin-o. Iri rak pumu, nggwija-nen meya rak posolat, ijok liri rak puwakluk keya bimin-o.

YEREMIA 52:14

Nde, san ombo owosirak inmin lobok yid ereba na-nen-e Yerusalem pak leget ereba na-ge ndamera ngguru rak piga-o.