NEMIA 1:11 - Nanduk Ngget Tul Pidnak Wene

¹¹ Kar-e an-nen tepan yusu yu kolosolat, iri-nen kat kek tak kobogolat ndegel kubugwi nap oboksa-nen tepan yili erep ereba min-et kuli-o. Nagawan-nen yawo yu-t nabuwa kujwakluk kat-nen yongga niri-o” luk tepan yigi-o. Nde, ereya tarem-e an-e Perisia nap nagawan iri na yi kenang toso nap woragi-o.

NEMIA 1:11 ပူးပေါင်းရင်းမြစ်များ

NDAK WIRIDNAK WENE 24:42

Yanem an-e yi kenanggugwi sa wok yosolar-e, tepan narem nak-nen yosolar-e: ’Nagawan Indo an-nen ndegel oboso nap Abarakam Embal Pem Nagawan wa-e. An tula lobok yigi yu ebe worak tak pi-o.

NDAK WIRIDNAK WENE 32:11

Nde, nowe Esau lobok yosolar-e, kwami-nen li marik-nen nit pidsa nunduwa-o luk an-e kwiye kwarat yusu-o. Iri ala-ge, an nowe Esau emndam-nen nimiri yi-o luk kemengen mbarusu-o.

NDAK WIRIDNAK WENE 32:28

Yosoloma, ap iri na-nen Yakup yak tosolar-e: ”Kar-e Mbal Pem Nagawan min ki nap min inmin-et yig nggwigen-et nde, kar-et ombol nggwe yidnak me, kunu-ge Yakup iri-ge lag-o. Yawo-ge kunu-ge Isarael kwat yij-o” luk yak tij-o.

NDAK WIRIDNAK WENE 40:1

Nde, at na iri me worasoma, misik tarem-e Mesira nagawan iri na ndegel ubugwi nap mberen, misig-e nagawan yi kenang toso nap, nde, misig-e oroti woraga wok toso nap ereya na-ge nagawan iri na imin siyak lugud tak kwaridnak pem-e

NDAK WIRIDNAK WENE 40:2

nagawan iri na-nen it ndegel ubugwi mberen ereya na enpem isilepma purug-e,

NDAK WIRIDNAK WENE 40:21

yi kenang toso nap iri na-ge ibil lobok yamu, nanduk wanoso na nggal tuguruk yi kenang tosolat woragij-o.

NDAK WIRIDNAK WENE 40:23

Alat nde, nagawan yi kenang toso nap na-ge Yusup na indi yebet kagit lak, abu meme rak puruk irit woragij-o.

NDAK WIRIDNAK WENE 41:9

Yak turak meya ala karuk, abok nggwe-nen-e nagawan yi kenang toso iri na-nen yosolar-e: ”Yawo an meya yigi pareyeg-o.

NDAK WIRIDNAK WENE 43:14

Nagawan Indo Amawi Ambik iri na-nen Ngguberenot iri arem yabu wanosola, kit kenabuwa kasolat, Simeon min Mbenyamin min kendam tuguruk puwag-o. Nde, an-e nilirak lag-et yuwama-ge, no kwarimin-o? Meya-o” luk yij-o.

ESERA 1:1

Nde, Perisia Nagawan Kores iri na men yosolar-e, olengen at men yid iri na bem-et Nagawan Indo-nen at ene lomboksa yoso nap Yeremia emndam tak posola urul yid iri na ndak ndak makluk, Nagawan Indo-nen Kores arem yabu wanosola-ge, Kores-nen-e wene misik wirik posolar-e, at-nen tenagidnak wi oboksa ap-nen wonat unduwakluk engga mbara wirik pij-o.

ESERA 7:6

Nde, Esera iri-ge imiri mbarak pidnak wene ereba na sekola yidnak me, Isarael nap Enmbal Pem Nagawan-nen idnak imiri mbarak pidnak wene Musa wok tid iri na-ge mondok kwara aru nab-o. Nde, Esera iri na-ge Nagawan Indo Embal Pem Nagawan-nen imbiringgat tak posola-ge, Nagawan Aratatasta-nen-e at-nen nggi yidnak mende oboksa wog-et tij-o. Nde, Nagawan Aratatasta-nen nagawan menluk o tena woralat olengen tuju bem tak poso tarem-e Esera iri na-ge Mbabel-nen Yerusalem mborosolar-e, Isarael nab-e tepan omborak min Lewi nap min Nagawan Indo erembel wanogolat Mbal Pem Nagawan ama-nen ndawi yugwi nap min Mbal Pem Nagawan uwi tumende pak tak woragwi nap min yabu wanugwi nap min irit inmin mbirij-o.

NEMIA 1:6

Yik niyi-o, Nagawan Indo wa-e. Kat ndegel kubugwi kilirak Isarael nap enmanggim kubu-nen lengge-nen kat keram tepan yusu yeba-ge kwara kuli-o. Nam-et para yak kereyeg-o. Nit Isarael nab-e ndemeret meya-t kwarige-o. Iri-nen an min nomborak min-e meya-t kwarige-o.

NEMIA 2:1

Waneya empat worak puruk, misik tarem-e waneya Nisan pem-e Nagawan Aratatasta iri na-ge nunggwi mende nasolat worasoma-ge, an-e nerare puru rak min irit anggut engen amburu kenangga eram pil lobok yigi-o. Nde, worasolat ereba-ge nerare puru rak yanem iri nggal-e mondok nagawan-nen-e neyaso bug-o.

NEMIA 2:8

”Nde, engga misig-e an mbirimindik, Nagawan Indo uwi iri na eralu o siri pak tumende iri na konurak min o siri kerep pak leget iri na wururak min an mbirimindik wolmomtak o wururak min amanggim e wok nuruwakluk, o wal tena woraso nap Asap iri na amanggim min-et engga mbal niri-o” luk yak tigi-o. Yak tosola, Nagawan Indo-nen an yongga norosolar-e, Nagawan Aratatasta-nen-e an-nen nggi yigi ereba na-ge oboksa ndak ndak kwarij-o.

NDAWI ENGGA 130:2

Nagawan Indo wa-e. An-nen wene mbo kubusu wene kwara kolosolat, an-nen kebem nggi yusu wene kwara yebet ki-o.

NGGOMO WENE 1:29

Kir-e ap enaru yugwi mende mondok kinsili woragolat, Nagawan Indo-nen yidnak yidnak kwarurag-e kinmbit yogolat woragwi-o.

MALEAKI 3:16

Nde, Nagawan Indo indi aye worak woragwi nap ereba na-nen yak kerak mbogola-ge, Nagawan Indo-nen-e it-nen yili wene-ge kwara kolosolat, yebet kasolat woragij-o. Nde, at kek tak obogolat, at aye worak woragolat kwarugwi nap ereba na unnu-ge at eram at-nen unnu mbaroso engga iri na bem mbarij-o.

IBERANI 13:18

Nit nenmanggim tepan kundugu wolmer-o. Nir-e pempa konak nak kwat tenak wolmomtak nindingen me, nit-nen yebet kagwi ninndi iri-ge konag-et worasu-o luk perali-o.