NDAWI ENGGA 96:10 - Nanduk Ngget Tul Pidnak Wene

¹⁰ Ap enlem oboksa yak ondogolar-e: ”Nagawan Indo iri-ge nagawan-nen yusu-o! O yu-ge sil kudtak puk, tugup lak-nen yusu-o. At-nen ap enlem oboksa enpem wene mbenarosolar-e, mot mot pem-et mbaruwa-o” luk yak ender-o.

NDAWI ENGGA 96:10 ပူးပေါင်းရင်းမြစ်များ

NDAWI ENGGA 126:2

Iri yosolar-e, nenalen-nen nda yogolat, ndawi yige-o! Ap enlem erep-nen yogolar-e: ”Nagawan Indo-nen-e kwiye worag-et it enmanggim kwaramu-o” luk yiga-o.

NDAWI ENGGA 46:10

Iri yosolat-nen yosolar-e: ”Kenaru mer-o. An-e Mbal Pem Nagawan-nen yusu-o. Wim nggwili ereba-ge keya ber-o. An-e yi nap ndi nap enlem oboksa ennggendumu mondok kek tak-nen yusu-o. Yi wi ndi wi oboksa-nen mondok kek tag-e an narig-et nak-nen yusu-o” luk yij-o.

NDAWI ENGGA 46:6

Mbal Pem Nagawan ene o nggu nggal yosolat, o yu-ge yigisa ndamera nggururak pusu-o. Yi ap ndi ap oboksa-nen enne lek kagolat, nggweyakma nagawan-nen tenagidnak wi ereba na nari wari mbosolat yusu-o.

NDAWI ENGGA 67:4

Kat-nen mot mor-et tena unpuruk woralat, nggweyakma woragwi nap enlem oboksa lit unpuruk nusu iri na bem-e ap enlem oboksa enalen-nen ndawi yogolat, enalin enalen pem enne nggu lek kagolat wolmag-o.

NDAWI ENGGA 93:1

Nagawan Indo iri-ge nagawan-nen yusu-o. Ar-e kek tak, amawi worak worasolat-nen yoroso sum yutluk worasu-o. O yu-ge tugup lak, sil kudtak pug-et worasu-o.

NDAWI ENGGA 96:13

Iri yugup iri-ge Nagawan Indo-ge nggweyakma wi yu me tenageyekluk lobok yosolar-e, at-nen ap enlem oboksa enpem wene mbenarosolar-e, ndemeret mot mot, lud tak pem-et enpem wene mbenaruwa-o.

YESAYA 49:8

Nagawan Indo-nen at ilirak yak ondosolar-e: ”An-nen nindingen tak kinpimin tarem-e kenne erep nggarimin-o. An-nen kit kinmiri yimin tarem-nen-e yongga kindimin-o. An-nen-e nggetlel kunpuruk woralat, yik keneyarok woralat, ap enlem oboksa enmanggim urul pidnak wene nggal tak kinpimin-o. Kit kunuwi nggweyak mondok aptupo luk kugun yid iri na-ge an-nen tuguruk ondolma rak pumu, tuguruk kit kunuwi nggweyak kwat ma-o.

YESAYA 52:7

Nde, wirik pil lobok yidnak nap iri na yik kagolar-e, mondok konak lombok-nen yusu-o. Ndobo worak nggwe-net lobok yosolar-e, konak yamuksa woragwi wene min lobok yusu-o. Sion imiri yurak wene min lobok yosolat-nen yosolar-e: ”Kenmbal Pem Nagawan-e Nagawan-nen yusu-o!” luk yusu-o.

NDANIEL 2:44

Nde, nagawan ereba na-nen o tena woragola tarem-e aid arem woraso Mbal Pem Nagawan-nen-e nagawan misik-nen tenagidnak wi kwarak puwa iri-ge ap enlem mbi-nen mondok urugwe nggwe rak puwa buk, pem irit wolmomtak wi irit puwa-o. Nde, nagawan misik-nen tenagidnak wi yu-nen-e nagawan erep-nen tenagidnak wi ereba na oboksa ndamera yigisa irit keya buwa-o.

MALEAKI 1:11

Yi nap ndi nap yi wi ndi wi worali-nen an kek tak nibili-o. Ap enlem oboksa-nen an kek tak nobogolar-e, nin me nan me oboksa an nunu kek tak pogolat emben konak mende namanggim kan pogolat, an namanggim wosa purak mende ndak ndag-et kan pili-o.

MALEAKI 1:14

Kit konowam ereba na enggendumu omok worak usul-et pimin-o luk urul pidnak ereba na worala-t nde, wam-e meya ebe lak, indi ud ereba na nde an namanggim pogolat, an namberam lagwi nap kir-e imbiri lamut mer-o! Nde, an-e nagawan mondok kek tak, ap enlem oboksa-nen kek tak nubugwi-nen yusu-o” luk yij-o.

MATIUS 3:2

”Mbal Pem Nagawan-nen tenagaidnak wi-ge panggo yusu me, kit meya yugwi keya buruk, kondok yer-o” luk yij-o.

YIDNAK YIDNAK WENE 17:31

Nde, at-nen-e ab-e ap pidsa enpem wene lud tak nak mbarurak tarem-e ndak worak pidnak worasu-o. Nde, ap enpem wene mbaruwakluk at-nen-e ap misik mendak pij-o. Iri yidnak nab-e wat yidnak nap ennggendumu-nen uruk tak pamu me, nenpem wene mbaruwa-o luk ap pidsa enaru rak pij-o” luk yij-o.

NGGALATIA 1:16

Nde, an-e owene-ge enlem nin nap yak unduwakluk Mbal Pem Nagawan indi-n puruk, at Ambara-ge an narem-nen nam tak posola-ge, an-e ki nap inmin-e ”Ngge kwarimin-o?” luk wene mbarigit lak,

KOLOSE 2:7

at ebem kennlengen kundik woragolat, at ebem-et tugup lak mendak wolmer-o. Mirik kinpidnak na ndak ndag-et kinndi angin tubu yidnak na bem tugup lak woragolar-e, at imin-e ”Wiwa-o” luk kwarat yak togolat wolmer-o.

IBERANI 1:3

At Ambara iri-ge Mbal Pem Nagawan kektak woraso abinal-net yusu-o. Ambara iri-ge Mbal Pem Nagawan abage ndak worak-net yusu-o. At ene amawi bem-nen yi mende ndi mende oboksa yogo buruk worasu-o. At iri-nen-e ap-nen meya yogolat woraidnak oboksa marak purug-e, aid arem woraso Amawi worak Mbal Pem Nagawan na inggi kigit nggwe kore yij-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.

NAM PARA WENE 19:11

Iri luk, an yik kaginggal-e, aid arem tu kuwak yosolar-e, kuda wam loro misik kagi-o. Nde, kuda wam iri ombolwak pem koreyak iri unu-ge Yidnak Yidnag-et Kwaroso, Lud tak Nak Kwaroso irir-o. At iri-nen ap enpem wene mbarosolat na, wim posolat na, mot mor-et kwaroso irir-o.

NAM PARA WENE 19:6

Iri yosola, an kuliginggal-e, ap kwarat kamarak enne-ge yi ebe wasolat enne lu nggal, o nggu lunggu mborosolat nggal irit kuligi-o. It-nen yogolar-e: ”Nit-nen idnak Mondok Amawi worak Mbal Pem Nagawan, Nagawan Indo iri-ge nit Nenagawan kwat yid me, Mbal Pem Nagawan nak erembel wanuwog-o!