NDAWI ENGGA 95:7 - Nanduk Ngget Tul Pidnak Wene

⁷ At iri-ge nit Nenmbal Pem Nagawan me, nir-e at ilirak at-nen ndegel nonposo-nen yili-o. Lomba yik karok woraso nap-nen olomba ndogoroso nggal, nir-e at-nen ndegel nonposo-nen yili-o. O nda yid yu bem-e at ene yu kuluwog-o:

NDAWI ENGGA 95:7 ပူးပေါင်းရင်းမြစ်များ

NDAWI ENGGA 100:3

Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

NDAWI ENGGA 115:3

Nit Nenmbal Pem Nagawan-e aid arem worasu-o. At-nen-e at indi-nen pidnak irit kwarusu-o.

NDAWI ENGGA 23:1

Nagawan Indo-ge olomba wam an yik neyarok woraso-nen yusu-o. An-e yi mende ndi mende ukwe lak worasu-o.

NDAWI ENGGA 67:6

Mbal Pem Nagawan, nit Nenmbal Pem Nagawan iri na-nen-e imbiringgat tak nonposolar-e, nggweyak-nen-e yi mende ndi mende kwarat wok nundusu-o.

MBIRIGA WENE 15:2

Nagawan Indo-ge an nambigit yoso amawi ambik-nen yusu-o. At-nen nimiri yamu-o. Ar-e Nembal Pem Nagawan-nen yusu-o. An-e at erembel wanusu-o. Nomborak-nen kek tak pugwi Mbal Pem Nagawan-nen yusu-o. An-e at kek tak ubusu-o.

MBIRIGA WENE 20:2

”An-e kit anggun panggun tak kunpugwi sa Mesira-nen lesa wok kunpuruk lobok yigi nap Kenmbal Pem Nagawan, Nagawan Indo nen yusu-o.

NGGOMO WENE 8:6

An-nen yusu wene-ge ndemeret il pem nak kwat yoso me, mondok kwara koler-o.

YESAYA 55:3

Nilirak wa-e. Kwara kuluruk, an neram lobok yer-o. Kir-e an-nen ndemeret unluk woragwi elem wok kindimin-o. An-nen mondok tugup lak Ndaut imin ’Imbiringgat tak kibimin-o’ luk urul pigi iri na-ge kit kinmin kondosolat mondok mborok tak purak puk urul pimin-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

MATIUS 17:5

Nde, Peterus-nen wene iri yosoma ereya na-net yaya worak nggan nggan iri arem-nen ene mbi-nen yosolar-e: ”At yu-ge an Nambara abuwa worak-nen yusu-o. At ebem-e an nalen kasu-o. At ene nak koler-o!” luk yij-o.

YIDNAK YIDNAK WENE 20:28

Iri bem-e, kit na kit-net yik karok woragolat, Konak Indi-nen lomba wam ndok worak pidsa iri yik eneyarok wolmakluk mendak kinpidnak me, Mbal Pem Nagawan-nen at ambik Ambara eyabi bem-nen winde yidnak lambuk tak inpidnak nap iri na kit-nen-e lomba wam yik karok woragwi nap kwasa yik eneyarok wolmer-o.

IBERANI 11:16

Alat nde, it iri-nen-e konak uwi misik iri nak kore yogolat woraiga-o. O iri-ge aid arem irir-o. Nde, Mbal Pem Nagawan-nen-e iri yidnak nap enmanggim-e o siri misik kona keya bamu me, it-nen-e Mbal Pem Nagawan imin-e ”Nit Nenmbal Pem Nagawan-o” luk yogola-ge, Mbal Pem Nagawan-e inggiri kasu bug-o.

IBERANI 3:13

Are, kit kennggendumu ap misiger-o luk tet meya yugwi elem-nen konmbol pem lasola, keneyanggo lak yugup naru kit na kit-nen pempa kinndi eyak wat kerak mbogolat woragolar-e, ”Yanem-er-o” luk unu yaridnak tarem worala ya-t iri nggal kwat tenak wolmer-o.

IBERANI 3:15

Mbal Pem Nagawan engga bem-nen yosolar-e: ”Kir-e yawo Mbal Pem Nagawan ene kulurug-e, kenlawingga nanduk Mbal Pem Nagawan imin eyak wutluk, eneyanggo lak yiga iri nggal kwarurak pug-o” luk yij-o.

IBERANI 4:7

Nde, Mbal Pem Nagawan-nen ”Iri tarem-o” luk yid iri-ge yawo yu min-et yij-o. Nde, iri wene-ge Mbal Pem Nagawan-nen Ndaud emendam tak pij-et nde, olengen kwarat woraruk ombol nggwe yanem abam nggwe yigi engga wene (3:15) iri arem-nen tuguruk yosolar-e: ”Kir-e yawo Mbal Pem Nagawan ene kulurug-e, keneyanggo lak yurak pug-o” luk yij-o.

1 PETERUS 2:25

Kit nandug-e kabak yidnak lomba wam nggal woraigeb-o. Alat nde, yawo-ge kit yik keneyarok worasolat, ndegel konposolat yoso nap Kerisut eram tuguruk lobok yigeb-o.

NAM PARA WENE 3:20

Yu ker-o. An-e tumende bem men yigirik, tu lel lel kasu-o. Ap mbi-nen an nene kuluruk, tu kuwarak posola-ge, an-e at ama nggwimindik, at imin totno nonggolat, nde, at-nen na an totno nonggolat wulmul-o.