NDAWI ENGGA 95:1 - Nanduk Ngget Tul Pidnak Wene

¹ Nagawan Indo ebem ndawi wanuwog-o! Nenalen pem nit Ninmiri Yoso Nap erembel wanogolat ndawi yuwog-o!

NDAWI ENGGA 95:1 ပူးပေါင်းရင်းမြစ်များ

2 SEMUEL 22:47

Nagawan Indo-ge uruk nak woraso-o! Nambigit Yoso iri nak erembel waner-o! Nimiri yoso Mbal Pem Nagawan kek tak woraso anggu obok nak nggok tak per-o!

NDAWI ENGGA 100:1

Yi wi ndi wi oboksa wa-e. Nagawan Indo amanggim kenalin kenalen yogolat kenne nggu lek ker-o!

NDAWI ENGGA 101:1

Kat-nen tugup lak mot mot kwaroso wene-ge ndawi bem yimin-o. Nagawan Indo wa-e. Kat kamanggim-et kek tak kobosolat ndawi yimin-o.

NDAWI ENGGA 107:15

Nagawan Indo-nen it enabuwa kasolat, at-nen nggweyakma nap enmanggim kwiye worak mende kwarat kwarosolat kwaroso bem it-nen at wiwa-o yak turak iri-ge ndak-net yusu-o.

NDAWI ENGGA 107:21

Nagawan Indo-nen it enabuwa kasolat, at-nen nggweyakma nap enmanggim kwiye worak mende kwarat kwarosolat kwaroso bem it-nen-e at wiwa-o yak turak iri-ge ndak-net yusu-o.

NDAWI ENGGA 107:8

Nagawan Indo-nen it enabuwa kaso bem min nggweyakma nap enmanggim wi yurak mende kwat onposo bem min it-nen-e at imin wiwa-o luk yak turak iri-ge ndak-net yusu-o.

NDAWI ENGGA 118:1

Nagawan Indo iri-ge konak, at-nen enabuwa kaso iri-ge mondok pem irit enabuwa kaso me, at nak wiwa-o yak turag-o.

NDAWI ENGGA 150:6

Ndak worak pidnak mende urugup worak oboksa-nen Nagawan Indo nak erembel wanurag-o. Nagawan Indo nak erembel wanurag-o!

NDAWI ENGGA 34:3

An totno Nagawan Indo nak nggok tak puwog-o. At unu nak totno kek tak puwog-o.

NDAWI ENGGA 89:26

At-nen yak norosolar-e: ’Kar-e an neid min Nembal Pem Nagawan min-net yusu-o. Kar-e nggetlel nobosolat, nimiri yosolat yoso-net yusu-o’ luk yuwa-o.

MBIRIGA WENE 15:1

Iri lug-e, Musa min Isarael nap min-nen ndawi yu-ge Nagawan Indo erembel wanogolat yiga-o: Nagawan Indo-ge kek tak ombol nggwe yidnak me, at amanggim ndawi yimin-o. Kura wam min ebem kore yidnak nap inmin-e oboksa yi koma arem mbo inpil nggwij-o.

MBIRIGA WENE 15:21

Miriam-nen ndawi imid lit karik-nen yosolar-e: ”Nagawan Indo-ge ombol nggwe yidnak amawi worak kek tak me, kura wam min ebem kore yidnak nap min oboksa yi koma arem mbo inpil nggwidnak pem ndawi-ge Nagawan Indo ebem nak ngarer-o” yij-o.

MATIUS 21:9

Iri luk, at mborosola imin anggul mbitli nap min abok mbitli nap min-nen enne ngguloksa-t yogolar-e: ”Ndaud Ambara nak kek tag-o! Nagawan Indo unu bem lobok yusu nap yu-ge imbiringgat worak-nen yusu-o! At woraso sa mondok teram iri me-nen na at nak kek tag-o!” luk yiga-o.

1 KORINTUS 10:4

it pidsa-ge inndi amanggim yi na misiget erep nak nonggolat yiga-o. Ir-e yi nonggolar-e, inndi amanggim it inmin mbiridnak kerep iri arem-nen waidnak yi ningga-o. Nde, kerep iri-ge Kerisut arer-o.

EPESUS 5:19

Kit-nen wene yak kerak mbogolar-e, Ndawi Engga bem mbaridnak wene yogolat, Mbal Pem Nagawan erembel wanogolat, aid wene ndawi yogolat mer-o. Kit kenarem-nen Nagawan Indo yak togolar-e, at erembel wanogolat, Nagawan Indo ebem ndawi yogolat wolmer-o.

TUGURUK YIDNAK WENE 32:15

Iri kwarosola-ge, Nagawan Indo ilirag-e enarengge kwarat worak woragolar-et nde, eyak wurugwi irit woraiga-o. Ir-e nunggwi mende inmbitsa nonggolat enpe-ge nggok yiga-o. Iri yogolar-e, Inmiri Yoso Nap ndak wat inpid Nagawan Indo iri na-ge keya biga-o.

KOLOSE 3:16

Kerisut owene utlud lombok iri-ge kit kenarem wolmag-o. Kinndi mondok lid tak pem-nen-e kit na kit-net mul kerak mbogolat, kit na kit-nen nggomo wat kerak mbogolar-e, ndawi engga bem nde, Mbal Pem Nagawan erembel wanugwi ndawi bem nde, aid ndawi bem nde yogolar-e, kit kinndi arem-nen ”Mbal Pem Nagawan wiwa-o” luk yak togolat wolmer-o.

NAM PARA WENE 14:3

Nde, it-nen ndawi ngget misik yogolar-e, nagawan koreyak woraso ondoro bem koreyak worasu na min untugup worak mende empat ereya na min enne kulugwi nap min inmbiri bem ndawi iri-ge yiga-o. Nde, nggweyak ma yu me-nen onnggo bidnak nap seratus empat pulu empat ribu (144,000) iri nak-nen ndawi iri enaru-o.

NAM PARA WENE 15:3

It-nen ndawi yogolar-e, Mbal Pem Nagawan ndegel oboso nap Musa min Lomba Wam Marik na min endawi yogolar-e, yu nggal yiga-o: ”Amawi Mondok Kwarat worak Nagawan Indo Mbal Pem Nagawan wa-e. Kat-nen kwaroso-ge nggulok, kwiye worak-net yusu-o. Ap enlem oboksa ennggendumu Nagawan wa-e. Kat-nen kwaroso-ge ndemeret mot mot nak kwaroso-o.

NAM PARA WENE 19:6

Iri yosola, an kuliginggal-e, ap kwarat kamarak enne-ge yi ebe wasolat enne lu nggal, o nggu lunggu mborosolat nggal irit kuligi-o. It-nen yogolar-e: ”Nit-nen idnak Mondok Amawi worak Mbal Pem Nagawan, Nagawan Indo iri-ge nit Nenagawan kwat yid me, Mbal Pem Nagawan nak erembel wanuwog-o!

NAM PARA WENE 5:9

It-nen ndawi ngget misik yogolar-e: ”Kar-e mondok kirikma, wat yigen iri bem-nen-e Mbal Pem Nagawan amanggim ap enlem ndomok oboksa min ap enne ndomok oboksa min ab-e ap oboksa min ap enlem oboksa min onnggo pigen pem-e kat-nen-e engga na wanuruk, lop nok tak pugwi mende, iri na punggururag-e kabam-net yusu-o.